Dýraverndarinn - 01.07.1959, Blaðsíða 11
t
Aðalfundur Dýraverndunarfélags Islands
Slofnun
Dýraverndunarfélags Reykjavíkur
AÐALFUNDUR Dýraverndunarfélags Islands var
settur í Breiðfirðingabúð sunnudaginn 25. janúar
s.l. Stóð hann lengi, og loks var honum frestað
til þess að unnt væri að ganga formlega frá skipt-
ingu eigna félagsins milli Sambands dýravernd-
unarfélaga Islands og væntanlegs Dýravernd-
unarfélags Reykjavíkur. Var framhaldsaðalfund-
ur síðan haldinn 20. april á sama fundarstað —
og var hann um leið stofnfundur hins nýja félags.
Formaður Dýraverndunarfélags Islands, Þor-
björn kaupmaður Jóhannesson, flutti skýrslu um
starfsemi stjórnarinnar. Hafði félagið haft marg-
vísleg umsvif með höndum, og má þar nefna:
1. Afskipti af setningu reglugerðar um út-
flutning hrossa og baráttu gegn sífelldri viðleitni
til spillingar gömlum og góðum lögum um út-
flutning á íslenzkum hestum. Er það mál lesend-
um Dýraverndarans kunnugt af greinum í blaðinu.
2. Hlutdeild í samningu reglugerðar um með-
ferð og flutning búfjár. Verður útdráttur úr þeirri
reglugerð birt í næsta tölublaði.
3. Birting áskorana um að sinnt væri sam-
þykktum Búnaðarþings um að ekki skyldi brennd
sina á vorin, eftir að kominn væri maímánuður,
og tilstuðlun þess, að stjórn Stéttarfélags bænda
birti sams konar áskorun.
4. Birting tilkynninga um friðunar- og veiði-
tíma fugla.
5. Tilkynningar um forðagæzlu og reglur um
flutning búfjár.
6. Ihlutun um meðferð búfjár í Herdísarvik.
7. Málaleitun til bæjarstjórans í Vestmanna-
eyjum um að hann sæi um, að hvalir þeir, sem
kvíaðir höfðu verið í Vestmannaeyjahöfn og lifðu
af blóðbað það, sem varð fyrstu tvo dagana, eftir
að hvalirnir voru flæmdir í höfnina, yrðu reknir
ut úr henni. Bæjarstjórinn brást vel við og sagðist
®undu framfylgja málaleitun félagsins. Ennfrem-
ur kvaðst hann vilja gangast fyrir því, að bannað
yrði að reka hvali í höfnina.
8. Sinnt var eins og venjulega kærum og
kvörtunum, sem bárust stjórn félagsins út af illri
eða miður góðri meðferð dýra, málavextir athug-
aðir og leitað úrbóta.
9. Stofnun Sambands íslenzkra Dýraverndun-
arfélaga, sem ýtarlega hefur verið skýrt frá hér
í blaðinu.
10. Útgáfa Dýraverndarans og samstarf við
ritstjóra hans um helztu mál, sem nauðsyn bar til
að tekin væru til umræðu í blaðinu.
I skýrslunni var þess getið, að Bandaríkjamað-
urinn Mark Watson, sem var hér á ferð til að afla
sér íslenzkra hunda, hefði gefið félaginu nokkur
eintök af bók sinni The Icelandic Dog og auk þess
50 dollara, sem verja skal til að hlúa að flækings-
hundum og freista að koma þeim til skila.
Lesnir voru reikningar félagsins og sjóða þess
og reikningar Dýraverndarans, og voru þeir allir
samþykktir, enda höfðu endurskoðendur ekkert
við þá að athuga. Fyrir lágu tillögur stjórnarinnar
um skiptingu sjóða Dýraverndunarfélags Islands
milli Sambands dýraverndunarfélaga íslands
og hins væntanlega Dýraverndunarfélags Reykja-
víkur, og voru þær tillögur samþykktar. Ennfrem-
ur var samþykkt formlega að afhenda samband-
inu Dýraverndarann, enda annaðist það útgáfu
hans. Þá var borin upp tillaga um stofnun Dýra-
verndunarfélags Reykjavikur, sem yrði deild í
sambandinu, og hlaut hún einróma samþykki. Síð-
an voru samþykkt lög fyrir það félag og kosin
stjórn þess, varastjórn og endurskoðendur. Þessir
hlutu kosningu:
Formaður Marteinn Skaftfells kennari, ritari
Hilmar Foss skjalaþýðandi og dómtúlkur, gjald-
keri Valdemar Sörensen garðyrkjumaður — og
meðstjórnendur þau Gottfred Bernhöft stórkaup-
maður og frú Viktoría Blöndal. Endurskoðendur
Jón Gunnlaugsson stjórnarráðsfulltrúa og Þórður
Jónsson brunavörður, en til vara Björn Gunn-
laugsson kaupmaður og Skúli Sveinsson lögreglu-
þjónn.
Reikningar Dýraverndarans sýndu betri inn-
dýraverndarinn
43