Dýraverndarinn - 01.02.1973, Blaðsíða 18

Dúfur í Kaupmannahöfn
Eins og fram hefur komið í frétt-
um fór Skólahljómsveit Kópavogs í
tónleikaför til Norðurlanda um
mánaðamótin maí-júní.
Helgi Sigurðsson, sem spilar á
trommur í hljómsveitinni, hefur
mikinn áhuga á dúfnarækt og á
sjálfur talsvert af fallegum dúfum.
Hann vissi að í Danmörku er
mjög mikil dúfnarækt og langaði
til að líta á dúfur þar.
Valdemar Sörensen í Kópavogi,
sem er einnig mikill áhugamaður
um dúfnarækt, skrifaði formanni
dúfnafélags Kaupmannahafnar C.
C. Nielsen, og fór þess á leit við
hann, að hann reyndi að liðsinna
Helga.
Var þeirri málaleitan mjög vel
tekið. Kom hr. Nielsen klukkan 9
einn morguninn og sótti Helga, og
síðan var haldið af stað að skoða
dúfur.
Farið var á fjölmarga staði og
skoðaðar enn fleiri tegundir af dúf-
um. Alls staðar var hreinlætið og
öll umhirða til fyrirmyndar.
Helga var einnig sýnt „dúfna-
þorp". Það er stórt afgirt svæði,
þar sem unglingar geta fengið að
búa sér til kofa og koma sér upp
dúfnastofni. Þar var gæzlumaður,
sem sá um að vel væri hugsað um
dúfurnar.
Síðast fór hr. Nielsen með Helga
heim til sín og sýndi honum sínar
dúfur og gaf honum að skilnaði
bæði mynd og bækur um dúfur og
einnig postulínsstyttu af dúfu.
Helgi var ákaflega ánægður að
hafa fengið tækifæri til að kynn-
ast lítillega dúfnarækt í landi þar
sem hún er í svo miklum háveg-
um höfð. Alls staðar var tekið sér-
lega vel á móti honum og ferðin
var öll bæði skemmtileg og fræð-
andi.
Nagdýr
Nagdýr eru ekki algeng heimilis-
dýr hér á landi, þó þau séu það í
öðrum löndum, því ræktun þeirra
er mjög fjölbreytt og skemmtileg.
Búr með hvítum músum er
mikið augnayndi. Þær eru ávallt sí-
kvikar og fjörugar og hafa mikla
ánægju af ýmis konar leiktækjum,
svo sem rennibrautum og hring-
ekjum. Fæða þeirra er korn, brauð
og haframjöl og svo auðvitað
hreint vatn hvern dag. Afar nauð-
synlegt er að gæta fyllsta hrein-
lætis við hirðingu músanna, því
annars kemur mjög vond lykt af
búrinu.
Naggrísir, oft nefndir marsvín,
eru rólynd, gæf dýr, sem auðvelt
er að hafa á heimili. Þau verða ca.
25-30 cm löng og geta verið mjög
fjölbreytt á litinn. Þau drekka lítið,
en þurfa samt að fá hreint vatn á
hverjum degi. Fæðan er kornmatur
ýmiskonar, t. d. hænsnakorn, eða
fóðurkögglar, hert heilhveitibrauð
eða rúgbrauð. Einnig ýmiskonar
grænmeti, þó ekki blaðsalat. Gras,
fíflablöð og hey er mjög gott fæði
fyrir naggrísina.
Hamsturinn, eða gullhamsturinn
eins og hann er oft nefndur er
einnig mjög þægilegur við að eiga.
Þeir vilja hafa hey í búrinu sínu
til hreiðurgerðar, en að öðru leyti
eru þeir fóðraðir eins og nag-
grísirnir.
18
DÝRAVERN DAR I N N