Dýraverndarinn - 01.02.1978, Page 6

in eru greidd, nemur arfur þessi
rúmum tveim milljónum króna.
í skipulagsskrá þessa minningar-
sjóðs er kveðið á um að nota megi
85% af ársvöxtunum til hjúkrun-
arheimilis fyrir dýr. Og munu þeir
peningar áreiðanlega koma sér vel
fyrir Dýraspítala Watsons.
Stjórn S.D.Í. flytur öðrum erf-
ingjum Gísla Björnssonar og Guð-
rúnar Schram hugheilar þakkir fyr-
ir velvild og vinsemd á meðan á
skiptunum stóð. Sérstakar þakkir
fiytjum við Birgi Einarssyni, Breið-
dalsvík, en hann var skiptaforstjóri.
Dýraverndunarfélag í Fœreyjum
Stofnað hefur verið dýraverndun-
arfélag í Færeyjum. Leitað var til
S.D.Í. um fyrirmynd að lögum og
upplýsinga um aðra starfsemi. Voru
send ýmis gögn til Færeyja og von-
umst við eftir áframhaldandi sam-
skiptum.
Nefnd um útflutning hrossa
Stjórn S.D.Í. var falið að land-
búnaðarráðuneytinu að tilnefna
mann í nefnd er ætlað var það
verkefni að endurskoða reglugerð
frá 1959 um útflutning hrossa.
Stjórnin samþykkti á fundi að til-
nefna Gunnar Steinsson varafor-
mann S.D.f. Nefndin hefur lokið
störfum og munu niðurstöður henn-
ar birtast síðar í Dýraverndaranum.
Endurskoðun fuglafriðunarlaganna
Menntamálaráðuneytið hefur
skipað nefnd til endurskoðunar á
lögum um fuglaveiðar og fugla-
friðun. S.D.Í. barst bréf frá nefnd-
inni um tillögur er sambandið hefði
til breytinga. Þær tillögur hafa ver-
ið sendar nefndinni. Einnig var
Ijósrit af bréfi nefndarinnar sent
fulltrúa S.D.Í. í fuglafriðunarnefnd,
Sigurði Richter, og hann einnig
beðinn að gera nefndinni grein fyr-
ir sínu áliti.
í bréfi S.D.Í. til endurskoðunar-
nefndarinnar segir m. a.:
a) að ýtarleg ákvæði verði sett í
lögin um að fullkomnar athuganir
vísindamanna skuli ætíð fara fram
á mýrum og mýrlendi áður en leyft
verði að þær verði ræstar fram,
þannig að tryggt verði að ekki
verði röskun á lífi fugla eða skor-
dýra.
b) Að notkun hvers konar eiturs
verði ævinlega algjörlega bönnuð
til fækkunar eða útrýmingar fugl-
um eða nokkurra annarra dýra á ís-
landi. En á hinn bóginn verði sett
um það ákvæði að allt sorp í kring-
um bæi og þéttbýliskjarna skuli
varið fugli og einnig verði það háð
leyfisveitingu til vinnslu fisks og
fiskveiða að slori og öðrum fiskúr-
gangi verði alls ekki kastað þar sem
fuglar geti náð til, hvorki á hafi úti
eða í landi. Þar með eru vandamál
í sambandi við „vargfugla" leyst.
c) Að fuglafriðunarnefnd fái
til þess umboð að skipta sér af
meðferð og veiðum á íslenskum
farfuglum í öðrum löndum, t. d.
hvernig lóan og margir aðrir ís-
lenskir spörfuglar eru veiddir í net
á Ítalíu og víðar.
d) Að hvergi sé notað orðið út-
rýina í lögum og reglugerðum um
fuglaveiðar og fuglafriðun, heldur
alltaf orðið fcekkun, ef að dómi vís-
indamanna einn fuglastofn er orð-
inn of stór.
Fuglafriðuttarnefnd
Sigurður Richter er fulltrúi S.D.Í.
í fuglafriðunarnefnd. Hefur hann
ætíð sent stjórninni allar fundar-
gerðir nefndarinnar, þannig að
stjórnin hefur getað fylgst mjög
vel með verkefnum hennar. Er
stjórn S.D.Í. þakklát Sigurði fyrir
þetta.
Minkabú
Stjórn S.D.Í. ritaði landbúnaðar-
ráðuneytinu og Búnaðarfélagi ís-
lands bréf þar sem leitað er upplýs-
inga um lög og reglugerðir varð-
andi minkabú á landinu. Spurt var
um fjölda búanna og aflífunarað-
ferðir. Greinargóð svör bárust frá
báðum aðilum.
M inningark ortin
Nú eru minningarkort S.D.Í. til
sölu á þrem stöðum í Reykjavík,
einnig í Kópavogi og í Hafnar-
firði, á Akureyri og í Vestmanna-
eyjum. Sala þeirra eykst smátt og
smátt og er það von stjórnarinnar
að sem flestir dýravinir styrki starf
sambandsins á þennan hátt. í
nokkrum tilfellum hefur verið bent
á minningarspjöldin af ættingjum
hinna látnu og er stjórn S.D.Í. þeim
aðilum mjög þakklát.
6
DÝRAVERNDARINN