Fréttablaðið - 29.12.2009, Blaðsíða 6

6 29. desember 2009 ÞRIÐJUDAGUR
FRAMKVÆMDIR Eftir að stjórnvöld
réðust í átak á vormánuðum til
að auðvelda framkvæmdir og við-
hald á íbúðarhúsnæði og skapa
þannig störf fyrir iðnaðarmenn
hafa Íslendingar ráðist í töluvert
fleiri framkvæmdir á heimilum
sínum en í fyrra, en samt varið
til þeirra mun minni fjármunum.
Þetta er meðal þess sem ráða má
af tölum frá Ríkisskattstjóra um
endurgreiðslur á virðisaukaskatti
vegna framkvæmda og viðhalds.
Meðal aðgerðanna sem ráðist
var í og tóku gildi 1. mars síðast-
liðinn var að endurgreiðslur virð-
isaukaskatts af aðkeyptri vinnu
við nýframkvæmdir og viðhald
jukust úr 60 prósentum í hundr-
að prósent.
Á tímabilinu frá mars til októb-
er á þessu ári voru tæplega 1.234
milljónir endurgreiddar af virð-
isaukaskatti af ríflega sjö þúsund
framkvæmdum á heimilum fyrir
samtals 5.035 milljónir króna. Á
sama tímabili í fyrra var skattur
endurgreiddur af vinnu við öllu
færri verkefni, eða 5.134. Heild-
arupphæðin sem varið var í þá
vinnu var 6.930 milljónir og end-
urgreiðslurnar námu 1.018 millj-
ónum.
Rétt er að taka fram að endur-
greiðslurnar tóku nokkurn kipp
í nóvember og desember í fyrra,
sem er utan þessa samanburðar-
tímabils, og námu rúmum þriðj-
ungi allra endurgreiðslna það árið.
Jón Guðmundsson hjá Ríkisskatt-
stjóra segir að það gæti skýrst af
því að fólk hafi í miklum mæli
skilað gögnum inn til skattsins
seint á síðasta ári þegar tók að
sverfa að vegna kreppunnar.
Einnig var ákveðið að endur-
greiða virðisaukaskatt af fram-
kvæmdum sveitarfélaga í fyrsta
sinn og námu endurgreiðslurnar
samtals 266 milljónum, þar af 207
vegna nýbygginga.
Hrun er í endurgreiðslum til
verktakanna sjálfra og námu þær
á tímabilinu einungis ríflega þriðj-
ungi af því sem var á sama tíma
í fyrra, eða ríflega 560 milljón-
um miðað við 1.455 í fyrra. Árni
Jóhannesson hjá Samtökum iðnað-
arins segir það ríma fullkomlega
við aðrar upplýsingar um sam-
drátt á byggingamarkaði.
Önnur aðgerð sem stjórnvöld
gripu til var að rýmka reglur
Íbúðalánasjóðs (ÍLS) til lánveit-
inga vegna viðhaldsverkefna.
Guðmundur Bjarnason, fram-
kvæmdastjóri ÍLS, segist ekki
hafa tölur um slík lán á taktein-
um en að lánunum hafi ábyggilega
fjölgað eitthvað. Þá hafi reglur um
viðhalds- og endurbótalán til lög-
aðila, til dæmis sveitarfélaga og
félaga sem reka leiguhúsnæði,
verið rýmkaðar töluvert. Félags-
bústaðir í Reykjavík hafi einkum
nýtt sér það til endurbóta á gömlu
húsnæði við Skúlagötu.
stigur@frettabladid.is
í Kópavogi
Forval Samfylkingarinnar
í Kópavogi
vegna vals frambjóðenda á framboðslista
fyrir sveitarstjórnarkosningar 2010
Forvalsfundurinn fer fram laugardaginn 30. janúar 2010 og hefst kl.
10:00. Rétt til að bjóða sig fram í forvalinu hafa þeir félagar í
Samfylkingunni sem eru á kjörskrá í Kópavogi og fá meðmæli minnst 10
og mest 20 flokksfélaga með lögheimili í Kópavogi.
Framboðsfrestur rennur út kl. 18:00 mánudaginn 11. janúar 2010.
Frambjóðendur sem uppfylla skilyrði skili framboði sínu skriflega til
kjörstjórnar á skrifstofu Samfylkingarinnar í Kópavogi, að Hamraborg 11,
þann dag á milli kl. 16:00 og 18:00. Framboðinu skal fylgja kynningartexti,
að hámarki 300 orð og mynd af frambjóðanda á rafrænu formi.
Þátttökugjald í forvalinu er 15 þúsund krónur og greiðist með peningum
við tilkynningu framboðs.
Kosningarétt á forvalsfundinum hafa einstaklingar, búsettir í Kópavogi,
sem náð hafa 16 ára aldri á kjördag og eru skráðir í eitthvert aðildarfélag
Samfylkingarinnar fyrir kl. 18:00 þann 23. janúar 2010.
Nánari upplýsingar á http://samfylkingin.kopavogur.is og í síma 414
2200. Einnig er hægt að senda tölvupóst á forval2010@gmail.com
Sveitarstjórnarkosningar fara fram 29. maí 2010.
Kjörstjórn Samfylkingarinnar í Kópavogi
Fleiri viðhaldsverkefni nú
en smærri en á síðasta ári
Töluvert meira hefur verið um viðhaldsverkefni á þessu ári en í fyrra eftir að stjórnvöld hækkuðu endur-
greiðsluhlutfall af virðisaukaskatti. Heildarupphæðin sem varið hefur verið í verkefnin er þó mun lægri.
Virðisaukaskattur fæst endurgreiddur af vinnu manna við framkvæmdir við
íbúðarhúsnæði, hvort heldur nýbyggingar eða viðhald og endurbætur eldri
húsa. Þetta tekur eingöngu til íbúðarhúsnæðis, og eingöngu til þeirrar vinnu
sem innt er af hendi á framkvæmdastaðnum, en hvorki til efniskostnaðar
né undirbúningsvinnu eða vinnu annars staðar, til dæmis á verkstæðum
verktaka.
Með því að hækka endurgreiðsluhlutfallið úr sextíu prósentum í 100
var ætlunin að örva byggingamarkaðinn og jafnframt að sporna við svartri
atvinnustarfsemi.
TEKUR EINGÖNGU TIL ÍBÚÐARHÚSNÆÐIS
VIÐHALD Framkvæmdum hefur fjölgað, miðað við tölur frá Ríkisskattstjóra, en eru
smærri í sniðum. FRÉTTABLAÐIÐ/STEFÁN
Ertu búin/n eða ætlar þú að sjá
myndina Bjarnfreðarson?
Já 55,1
Nei 44,9
SPURNING DAGSINS Í DAG:
Forðast þú að dýpka hjólförin í
umferðinni?
Segðu skoðun þína á Vísi.is
TAÍLAND, AP Taílenskir hermenn
með skildi og kylfur ráku yfir
4.000 hælisleitendur af Hmong-
minnihlutahópi frá Laos aftur til
heimkynna sinna í gær. Var þetta
gert þrátt fyrir mótmæli Banda-
ríkjanna og margvíslegra hjálp-
arsamtaka sem óttast að fólk sæti
ofsóknum í Laos.
Fólkinu, alls 4.371, var skipað
um borð í vörubíla og ekið með
það út úr flóttamannabúðunum
síðdegis í gær. Fjölmiðlafólk, sem
haldið var í nokkurri fjarlægð, sá
mörg börn í bílunum. Bandarísk
stjórnvöld reyndu að fá brottflutn-
inginn stöðvaðan meðan á honum
stóð. Taílendingar segja fólkið
flýja af efnahagslegum ástæðum,
ekki vegna ofsókna. - óká
Hælisleitendur í Taílandi:
Ráku Hmong-
flóttafólk úr
landi með valdi
BROTTFLUTNINGUR Lögreglukona leiðir
stúlku úr minnihlutahópi Hmong út úr
flóttamannabúðunum. FRÉTTABLAÐIÐ/AP
LÖGREGLUMÁL Litháíska konan, sem
talin er vera fórnarlamb mansals
og kom hingað til lands í október
síðastliðnum, hefur verið seld ítrek-
að í vændi í heimalandi sínu að
eigin sögn. Þetta kom fram í frétt-
um Stöðvar 2 í gærkvöldi. Í upp-
hafi málsins höfðu þrettán manns
stöðu sakbornings, en fimm Lithá-
ar og einn Íslendingur eru nú grun-
aðir um aðild að því. Ákvörðun um
ákæru verður tekin á miðvikudag.
Af þeim þrettán sem höfðu rétt-
arstöðu sakbornings við upphaf
rannsóknar voru sex Íslendingar og
sjö útlendingar. Fimm Litháar sitja
nú í gæsluvarðhaldi sem rennur út
á miðvikudaginn. Þeir hafa verið í
gæsluvarðhaldi í tólf vikur. Einn
Íslendingur liggur einnig undir
grun en hann er ekki í gæsluvarð-
haldi.
Stúlkan, sem talin er fórnarlamb
mansals, er nítján ára. Hún var
stöðvuð þegar hún kom til landsins
í október eftir að hafa látið ófrið-
lega í flugvél. Hún var með fölsuð
skilríki.
Á miðvikudag hyggst ákæruvald-
ið leggja fram kröfu um framleng-
ingu gæsluvarðhalds yfir Litháun-
um.
Kolbrún Sævarsdóttir, saksókn-
ari hjá Ríkissaksóknara, segir að á
miðvikudaginn verði búið að taka
ákvörðun um hvort mennirnir sex
verði ákærðir. Farið verði fram á
að stúlkan beri vitni í réttarhöld-
unum. Refsiramminn fyrir mansal
er átta ára fangelsi.
Samkvæmt heimildum Stöðvar 2
segist stúlkan hafa verið seld ítrek-
að í vændi í Litháen áður en hún
kom til Íslands. Við skýrslutökur
hafi hún sagt að sér hafi verið hald-
ið nauðugri í íbúð í fjölbýlishúsi í
fjóra mánuði seinni hluta síðasta
árs. Litháarnir fimm tengjast inn-
byrðis en neita allir sök.
- aó
Konan sem talin er fórnarlamb mansals segist ítrekað hafa verið seld í vændi:
Ákvörðun um ákæru tekin á morgun
LEIFSSTÖÐ Litháíska konan var stöðvuð þegar hún kom til landsins í október eftir að
hún hafði látið ófriðlega í flugvél. Hún var með fölsuð skilríki og grunur leikur á að
staðið hafi til að selja hana í vændi hér á landi.
VERSLUN Metfjöldi fólks fór um
verslanir Bónuss dagana fyrir
jól. Yfir hundrað þúsund manns
sóttu búðirnar 22. og 23. desem-
ber.
„Það er alltaf verið að setja
met, ár eftir ár, og það er sér-
staklega ánægjulegt í ár,“ segir
Jóhannes Jónsson í Bónus. Hann
segir metsölu og metfjölda við-
skiptamanna hafa verið fyrir
þessi jól.
„Það er sérstaklega ánægju-
legt með fjölda viðskiptamanna.
Þessa tvo síðustu daga fyrir jól
var viðskiptamannafjöldi 105
þúsund manns og ótrúlega mikil
viðskipti á bak við það.“
Jóhannes Jónsson í Bónus:
105 þúsund í
Bónus fyrir jól
VINNUMARKAÐUR Margt reyndasta starfsfólk Ríkisút-
varpsins var fyrir jól minnt á rétt sinn til tólf mánaða
biðlauna, yrði staða þess lögð niður. Þessi biðlauna-
réttur, sem á við um fólk sem hefur unnið hjá RÚV
síðan fyrir 1997, rennur út um áramót.
Sigrún Stefánsdóttir, dagskrárstjóri útvarpsins,
segir þetta gert með góðum vilja og í ljósi yfirvofandi
niðurskurðar.
„Ef einhver hefði áhuga á að hætta þá væri hugsan-
lega hægt að gera við hann starfslokasamning, sem er
þá bara góður kostur fyrir viðkomandi, en engin
ógnun við einn eða neinn,“ segir hún. Sigrún
hafi fyrst og fremst viljað kanna
hvort einhverjir hefðu áhuga á að
hætta. Ef segja þurfi upp fólki, þá
megi með þessum hætti komast hjá
því að segja upp öðru fólki, starfs-
mönnum sem ekki vilja hætta
og ekki eigi þennan rétt. Sigrún veit ekki til þess að
nokkur ætli að nýta sér þennan kost og vill ekki gefa
upp við hversu marga starfsmenn hún talaði.
Samkvæmt heimildum blaðsins var meðal annars
rætt um biðlaunaréttinn við þau Hönnu G. Sigurðar-
dóttur, Lönu Kolbrúnu Eddudóttur, Lísu Pálsdóttur,
Magnús Einarsson, Sigríði Stephensen og Ævar Kjart-
ansson.
Sigrún Stefánsdóttir vill hvorki neita né játa því
að hafa talað við þetta fólk. Spurð hversu mörgum
hún búist við að þurfa að segja upp störfum,
segist Sigrún vonast til að aðgerðirn-
ar verði eins mildar og hægt sé.
Hún reyni að hlífa störfum eftir
fremsta megni. - kóþ
Mörgu reyndasta starfsfólki Ríkisútvarpsins boðinn starfslokasamningur:
Var minnt á biðlaunaréttinn
EFSTALEITI Dagskrárstjóri útvarpsrása
RÚV hefur minnt starfsfólk á rétt
þess til biðlauna. FRÉTTABLAÐIÐ/GVA
KJÖRKASSINN