Samtíðin - 01.07.1965, Blaðsíða 7
6. blað 32. árg,
Mr. 314
Júlí 1965
SAMTIÐIIM
HEIIUILISBLAÐ TIL SKEtVHVITIJMAR OG FRÓÐLEIKS
SAMTÍÐIN keraur út mánaðarlega nema í janúar og ágúst. Ritstjóri og útgefandi: Sigurður
Skúlason, Reykjavík, simi 12526, pósthólf 472. Afgreiðslusími 18985. ÁrgjaldiÖ 100 kr. (erlendis
110 kr.), greiðist fyrirfram. Áskriftir miðast við áramót. Áskriftum og áskriftargjöldum veitt
móttaka í Bókaverzlun Isafoldar, Austurstræti 8. — Félagsprentsmiðjan hf.
Er háreystm óholl
í FORUSTUGREIN 1. blaðs SAMTÍÐARINN-
ar á þessu ári var nokkuð vikið að hinni gifur-
legu háreysti aldarinnar og óhoRustunni, sem
af henni stafar. Við höfðum þá einkum í huga
fullorðið fólk, er lifað hefur tvenna tímana í
þessum efnum, enda margt borið og harnfætt í
kyrrlátum sveitum. En ekki var þessi grein fyrr
komin á prent en við lásum í erlendum hlöðum
frásagnir um óholl áhrif háreystinnar á ófædd
börn í móðurkviði. Þar voru tilfærð ummæli
fjölda vanfærra kvenna um mikil umbrot fóst-
ursins af völdum utanaðkomandi skarkala. Þess-
ar konur kvörtuðu um veruleg óþægindi af völd-
um þessarar háreysti, cn voru lítt teknar trúan-
legar, og ýmsir hæddust jafnvel að ummælum
þeirra-
Nú hefur brezkur prófessor, ASHLEY MON-
TAGU að nafni, fallizt á, að þessar umkvartanir
hinna ófrísku kvenna séu á rökum reistar. Hann
telur sig hafa öðlazt sannanir fyrir því, að
hvers konar hávaði, allt frá bítla-ópum til véla-
skrölts, hafi slæm áhrif á ófædd börn, enda
órvi hann hjartslátt þeirra og hreyfingar. Mon-
tagu hefur skrifað bók um þetta efni: LÍFIÐ
PYRIR FÆÐINGUNA. Nefnir hann þar dæmi
um viðbrögð fóstursins gegn háreystinni. Hann
segir m. a.: Ófrísk vélritunarstúlka varð að
hætta skrifstofustörfunum, vegna þess að fóst-
ur hennar fór að happa í takt við slögin á rit-
vélina! Álítur prófessorinn, að þessar hreyfing-
av hins ófædda barns muni valda því heilsu-
tjóni síðar meir.
Montagu prófessor hefur í þessu sambandi
£ert tilraunir á þunguðum músum. Sumar þeirra
ófæddum börnum?
væntu sín í kyrrlátu umhverfi, aðrar í mikilli
háreysti. Þær síðari ólu mjög oft fyrir tímann
litla, ófullhurða unga, en hinar, sem voru í ró-
lega umhverfinu, fæddu af sér hraust og full-
burða músahörn, sem áttu fyrir sér að verða
dugandi nagdýr í viðureign sinni við osta og
timburþil og áttu eftir að gera margri konunni
bilt við.
Prófessorinn sýnir einnig fram á, að sígar-
ettureykingar barnshafandi kvenna hafi skað-
leg áhrif á fóstur þeirra. Þegar þessar mæður
segjast hafa reykt allt hvað af tók um með-
göngutímann og alið samt heilbrigð börn, álítur
Montagu prófessor, að börn þeirra hefðu orðið
ennþá hraustari, ef þær hefðu ekki reykt.
Ennfremur heldur prófessorinn því fram, að
heppilegra sé að stofna til barncigna að haust-
eða vetrarlagi en á heitasta tíma árs, því að
fólk neyti meiri fæðu og borði reglulegar, þegar
kalt er í veðri. Þannig fái fóstrið nægilega nær-
ingu, en síður að sumarlagi, þegar hin barns-
hafandi kona borði minna og neyti máltíða
næsta óreglulega.
Eins og gengur, eru ýmsir læknar andvígir
þessum skoðunum Montagus prófessors, og má
það vera þeim mæðrum, sem ekki hafa fylgt
ráðum hans, er þær gengu með börn sín, nokk-
ur huggun. En kenningar hans um hina óhollu
háreysti umhverfis ófrískar konur hafa vakið
mikla athygli. Hefur sumum flogið í hug, að
ærsl og háreysti barna allt fram á táningsaldur
séu ef til vill eins konar hefnd af þeirra hálfu
gegn því umhverfi, sem kvað við af háreysti, er
þau voru enn í móðurkviði.