Fréttablaðið - 31.05.2010, Blaðsíða 12

31. maí 2010 MÁNUDAGUR
LAGADEILD
Metnaður og gæði
Umsóknarfrestur
til 5. júní
www.hi.is
Lagadeild
ÁRBORG Meirihluti Samfylking-
ar, Framsóknarflokks og Vinstri
grænna í Árborg er fallinn. Fram-
sókn tapaði einum fulltrúa til Sjálf-
stæðisflokksins, sem nú hefur fimm
fulltrúa og hreinan meirihluta.
Eyþór Arnalds, oddviti sjálf-
stæðismanna, þakkar sigurinn
fjölbreyttum hópi frambjóðenda
og því að íbúar hafi viljað sjá ný
vinnubrögð.
„Við leggjum áherslu á að byrja á
sparnaði á toppnum; fækka bæjar-
fulltrúum, lækka laun bæjarstjóra
og forðast öll gæluverkefni og setja
þá litlu fjármuni sem til eru í að
halda leikskólunum opnum og nota
þá innviði sem við eigum,“ segir
Eyþór, sem sækist ekki eftir bæjar-
stjórastólnum. „Við erum ekki endi-
lega að horfa á hefðbundið meiri-
hlutasamstarf heldur að það verði
samráð allra bæjarfulltrúa og síðan
viljum við ráða framkvæmdastjóra
fyrir sveitarfélagið,“ segir hann.
Ragnheiður Hergeirsdóttir, odd-
viti Samfylkingarinnar og frá-
farandi bæjarstjóri, segir það
vissulega vonbrigði að Sjálfstæði-
flokkurinn hafi fengið hreinan
meirihluta, þótt Samfylkingin hafi
unnið varnarsigur og haldið sínum
tveimur fulltrúum.
Spurð um yfirlýsingar Eyþórs
um breytt vinnubrögð og aukið
samstarf segir Ragnheiður boltann
vera hjá Sjálfstæðisflokknum. „Það
tala allir um samstarf núna og þarf
svo sannarlega að auka samstarf.
En það er nú ekki það sem maður
hefur séð hjá þessum flokki. Von-
andi mun það breytast.“ - sh
Meirihlutinn í Árborg féll en oddviti Sjálfstæðisflokks verður ekki bæjarstjóri:
Meirihluti D-lista vill aukið samstarf
KÓPAVOGUR „Þetta lofar mjög góðu“,
segir Guðríður Arnardóttir, oddviti
Samfylkingarinnar í Kópavogi. Við-
ræður um myndun nýs meirihluta
í bæjarstjórn Kópavogs stóðu með
hléum í gærdag og fram á kvöld.
Allar líkur eru á því að Samfylk-
ingin, Vinstri-græn, Næstbesti
flokkurinn og Listi Kópavogsbúa
myndi nýjan meirihluta á allra
næstu dögum.
Guðríður segir lítið bera á milli.
„Það er margt órætt ennþá en það
er einlægur vilji allra sem koma
að þessu að vinna saman, enda var
það markmið allra framboðanna að
fella meirihlutann.“
Stóru línurnar voru ræddar í
gær en áherslur nýrra bæjarfull-
trúa falla vel að hugmyndafræði
þeirra sem fyrir eru um verkefni
næstu ára, að sögn Guðríðar. „Það
sem sameinar okkur er sýn á að
breyta áherslum hér í bænum og
gera hann betri.“
Viðræður voru ekki komnar svo
langt í gær að málefnasamningur
hafi verið dreginn upp eða það rætt
hvort til greina komi að ráða ópólit-
ískan bæjarstjóra.
Meirihluti Sjálfstæðisflokks og
Framsóknarflokks í Kópavogi féll
í kosningunum á laugardag eftir
óslitna valdasetu í tvo áratugi.
Flokkarnir sem nú ráða ráðum
sínum um nýjan meirihluta hafa
sex bæjarfulltrúa af ellefu. Fylgið
sem stendur að baki þeim er rúm-
lega 60 prósent.
„Það kom ekkert fram í dag [í
gær] sem stendur í veginum fyrir
því að þessi meirihluti verði mynd-
aður“, segir Ólafur Þór Gunnars-
son, oddviti Vinstri grænna. „Það er
fullur vilji til að ljúka þessu verk-
efni hjá þeim sem að því koma.“
„Það eru sömu grunngildin sem
þessi hópur stendur fyrir og ef
næst saman, sem yfirburða líkur
eru á, er framhaldið aðeins spurn-
ing um útfærslur. Við munum samt
ekki ana að neinu. Það er líka ljóst
að verkefnin eru ærin,“ segir Rann-
veig H. Ásgeirsdóttir, oddviti Lista
Kópavogsbúa.
Ármann Kr. Ólafsson, oddviti
Sjálfstæðisflokksins, segir meiri-
hlutaviðræðurnar í bænum minna
sig töluvert á R-listann í Reykjavík
á sínum tíma. Það eina sem sam-
eini hópinn sé viljinn til að halda
Sjálfstæðisflokknum utan meiri-
hlutans. Hann segir að fyrir meiri-
hlutatíð Sjálfstæðisflokks og Fram-
sóknar hafi verð við lýði þriggja
flokka stjórnir í Kópavogi. „Þá ríkti
hér algjör stöðnun. Því hrýs mér
hugur við tilhugsuninni um fjög-
urra flokka meirihluta. Ég held að
það sé mjög flókið að halda slíkum
meirihluta saman því hvert fram-
boð hefur eigin áherslur. En, sem
fyrr, stendur ekki á okkur að vinna
að góðum verkum fyrir Kópavogs-
búa.“ svavar@frettabladid.is
Meirihlutaviðræður
ganga vel í Kópavogi
Tuttugu ára valdatíma sjálfstæðismanna og Framsóknar virðist lokið í Kópavogi
eftir að meirihlutinn féll á laugardag. Viðræður Samfylkingar, Vinstri grænna,
Næstbesta flokksins og lista Kópavogsbúa eru á góðum rekspöl, segja oddvitar.
SVEITARSTJÓRNARKOSNINGAR
KÓPAVOGUR
50
40
30
20
10
%
Meirihluti
45
Bæjarfulltrúar alls: 11
1 Framsóknarflokkurinn (B)
4 Sjálfstæðisflokkurinn (D)
0 Frjálslyndi flokkurinn (F)
3 Samfylkingin (S)
1 Vinstri græn (V)
1 Næstbesti flokkurinn (X)
1 Listi Kópavogsbúa (Y)11 -- 34 11 1- 1-
Y B
D
D
D
DSS
S
V
X
Ko
sn
in
ga
r 2
00
6
7,2
30,2
28,1
9,8
13,8
10,2
0,7
GARÐABÆR Sjálfstæðisflokkurinn í
Garðabæ hélt meirihluta sínum og
bætti við sig manni og er nú með
fimm menn í bæjarstjórn. M-listi
fólksins í bænum náði Ragnýju
Þóru Guðjohnsen inn í bæjarstjórn
en hún hefur verið varabæjarfull-
trúi sjálfstæðismanna í tvö kjör-
tímabil. Samfylkingin náði einum
manni inn en Framsókn engum.
„Þetta er góður dagur,“ segir
Áslaug Hulda Jónsdóttir, oddviti
Sjálfstæðisflokksins. „Garðbæing-
ar eru greinilega ánægðir. Listinn
er skipaður öflugu fólki og bæjar-
stjórinn er vinsæll.“
Ragný Þóra Guðjohnsen er
ánægð með að hafa komist inn.
„Þetta var stutt og snörp barátta.
Við erum orðin næststærsti flokkur
Garðabæjar, geri aðrir betur eftir
fjórar vikur.“
Samfylkingin er að bjóða fram í
fyrsta sinn í Garðabæ en var í sam-
starfi við Framsóknarflokk í síð-
ustu kosningum. „Stemningin er
þannig að það hjálpar okkur ekki
að Samfylkingin sé í ríkisstjórn.
Við megum vel við una en auðvit-
að vill maður alltaf meira,“ segir
Steinþór Einarsson oddviti Sam-
fylkingarinnar. - mmf
Sjálfstæðisflokkur bætir við sig manni í Garðabæ:
M-listinn fékk mann
SVEITARSTJÓRNARKOSNINGAR
GARÐABÆR
60
50
40
30
20
10
%
Meirihluti
1- 1--- 45-3
A M
5,4
63,5
15,9 15,3
SVEITARSTJÓRNARKOSNINGAR
ÁRBORG
50
40
30
20
10
%
11
Meirihluti
2212 54
10,5
19,7
50,1
19,6
Ko
sn
in
ga
r 2
00
6
GUÐRÍÐUR ARNAR-
DÓTTIR
RANNVEIG
ÁSGEIRSDÓTTIR
ÁRMANN KR.
ÓLAFSSON
ÓLAFUR ÞÓR
GUNNARSSON