Fréttablaðið - 31.05.2010, Blaðsíða 43
MÁNUDAGUR 31. maí 2010 27
FÓTBOLTI Askan úr Eyjafjalla-
jökli gerði ekkert nema gott fyrir
Hásteinsvöll sem skartaði sínu
fegursta, í fyrsta heimaleik ÍBV í
sumar, í gær. Liðið tók þá á móti
Breiðabliki þar sem liðin skildu
jöfn 1-1.
Leikurinn fór rólega af stað en
bæði lið þó að spila fallegan fót-
bolta, boltinn gekk vel á milli
manna og áttu bæði lið ágætis
kafla í fyrri hálfleik en gáfu fá
færi á sér. Tryggvi Guðmundsson
átti þó skot í slána en staðan í hálf-
leik markalaus. Sá seinni var þó
mun fjörugri.
Blikar komust yfir eftir
að James Hurst skallaði
boltann út úr teignum eftir
hornspyrnu, Haukur Bald-
vinsson tók boltann einn og
óvaldaður utan teigsins og
gerði engin mistök þegar
hann smellti boltanum
með þrumuskoti niðri
í hægra horni.
Eyjamenn ætluðu
greinilega að svara
strax með marki
og voru mjög ofar-
lega á vellinum.
Það opnaði vörn
þeirra og Alfreð
Finnbogason átti
glæsilega send-
ingu inn fyrir
vörn ÍBV á Guð-
mund Pétursson
sem var svo með
Hauk við hlið-
ina á sér og voru
þeir einir á móti
Alberti Sævars-
syni. Guðmundur
reyndi að skjóta
sjálfur en Albert
varði frábærlega
og Andri Ólafsson hreinsaði svo
boltann af línunni. Blikar klaufar
að klára ekki leikinn.
Eyjamenn virtust fá byr undir
báða vængi eftir þetta og jöfnuðu
skömmu fyrir leikslok. Denis Sytn-
ik fékk að leika sér aðeins með
boltan fyrir utan teig Blikanna,
hann átti skot sem endaði í slánni
þaðan sem boltinn datt beint fyrir
lappirnar á Tryggva Guðmunds-
syni sem var þá einn á móti Ingv-
ari Kale. Tryggvi skaut og Ingvar
varði en rak hælinn í boltann og
hann rann yfir marklín-
una. Tryggvi sagði eftir
leik að hann hefði átt
markið sjálfur.
Bæði lið virtust sátt
við jafnteflið og niður-
staðan 1-1. Þjálfararn-
ir voru sammála um að
stig hefði verið fín úrslit.
„Ég held að ég geti ekki
annað en verið sáttur
miðað við hvernig leikurinn
þróaðist og mér finnst jafn-
tefli vera nokkuð sanngjörn
niðurstaða. Við sýndum
karakter með því að koma
til baka en við lögðum
upp með að taka öll þrjú
stigin í dag. En við viss-
um vel að Breiðablik er
sennilega með heitasta
liðið í dag og það yrði
erfitt,“ sagði Heimir
Hallgrímsson, þjálf-
ari ÍBV.
Kollegi hans Ólaf-
ur Kristjánsson tók í
svipaðan streng. „Ég
er nokkuð sáttur, við
áttum fína spretti
og mér fannst í raun
bæði lið eiga bara
ágætis leik. Ég veit
samt ekki hvort ég sé eitthvað
sáttari en Heimir en við áttum
gott tækifæri til að loka leikn-
um þegar við vorum þarna 0–1
yfir þegar Guðmundur Péturs og
Haukur Baldvins sleppa þarna
einir í gegn en nýttum það ekki og
mér fannst Eyjamennirnir kom-
ast í gang aftur eftir það. Það var
í raun ekki mikið af færum í leikn-
um og mikið jafnræði var á milli
liðanna,“ sagði Ólafur. - vsh
BORGARTÚNI 12-14 - 105 REYKJAVÍK - SÍMI 411 1111 - MYNDSENDIR 411 3071
Auglýsing um breytingar á
deiliskipulagi í Reykjavík
Í samræmi við 25. gr. skipulags- og byggingarlaga
nr. 73/1997, með síðari breytingum, eru hér með
auglýstar tillögur að nýju og breyttu deiliskipulagi
í Reykjavík.
Urðarbrunnur 130-134 og Skyggnis-
braut 20-30
Tillaga að breytingu á deiliskipulagi Hallar,
Hamrahlíðarlönd og suðurhlíðar Úlfarsfells Hverfi 4
vegna lóðanna Urðarbrunnur 130-134 og Skyggnis-
braut 20-30. Í breytingunni felst að skipta lóðinni í
þrennt, fjölga íbúðum auk þess sem byggingarreitur
fyrir bílageymslu er felldur niður að hluta.
Nánar um tillöguna vísast til kynningargagna.
Bryggjuhverfi
Tillaga að breytingu á skilmálum deiliskipulags
Bryggjuhverfis. Í breytingunni felst fjölgun íbúða á
lóðunum 12 A, B, C, D og 15C.
Nánar um tillöguna vísast til kynningargagna.
Tillögurnar liggja frammi í þjónustuveri Reykjavíkur-
borgar að Borgartúni 12-14, 1. hæð, virka daga kl.
8:20 – 16:15, frá 31. maí 2010 til og með 12. júlí
2010. Einnig má sjá tillögurnar á heimasíðu sviðsins,
www.skipbygg.is. Eru þeir sem telja sig eiga
hagsmuna að gæta hvattir til að kynna sér tillögurnar.
Ábendingum og athugasemdum við tillögurnar skal
skila skriflega eða á netfangið skipulag@rvk.is, til
skipulags- og byggingarsviðs eigi síðar en 12. júli
2010. Vinsamlegast notið uppgefið netfang fyrir
innsendar athugasemdir með tölvupósti. Þeir sem
eigi gera athugasemdir innan tilskilins frests, teljast
samþykkja tillögurnar.
Reykjavík, 31. maí 2010
Skipulagsstjóri Reykjavíkur
Reykjavíkurborg
Skipulags- og byggingarsvið
greiðsluAðlögun
Aðstoð við nauðasamninga,
umsókn um greiðsluaðlögun og
ábendingar um önnur úrræði
sem gætu komið að gagni.
Ráðgjafaþjónusta
Samtaka Lánþega
615 1522
adlogun@gandri.com
http://adlogun.gandri.com
Er bankinn erfiður ?
hamraborg 10 // IS-200 kópavogur
Þú færð Blaðberann þinn í Skaftahlíð 24
alla virka daga frá kl. 9-17.
óðar fréttir fyrir umhverfiðBlaðberinn...
Blaðberinn
bíður þín
Hásteinsvöllur, áhorf.: 893
ÍBV Breiðablik
TÖLFRÆÐIN
Skot (á mark) 18–8 (12–5)
Varin skot Albert 4 – Ingvar 10
Horn 5–4
Aukaspyrnur fengnar 11–12
Rangstöður 3–2
BREIÐAB. 4–3–3
Ingvar Kale 5
Elfar F. Helgason 6
Kári Ársælsson 6
Guðmundur Krist. 6
Arnór Sv. Aðalsteins. 6
Haukur Baldvinsson 7
(86. Finnur Orri M. -)
Kristinn Jónsson 6
Kristinn Steindórsson 6
Jökull I. Elísabetarson 6
Alfreð Finnbogason 6
Guðmundur Kristj. 5
(78. Andri Yeoman -)
*Maður leiksins
ÍBV 4–5–1
Albert Sævarsson 7
*James Hurst 7
Eiður Aron Sigurbj. 6
Rasmus Christiansen 6
Matt Garner 6
Tony Mawejje 6
Finnur Ólafsson 6
(73. Ásgeir Aron Á. -)
Andri Ólafsson 7
Tryggvi Guðmunds. 7
Þórarinn I. Valdim. 6
(91. Anton Bjarnas. -)
Denis Sytnik 6
(88. Gauti Þorvarð. -)
1-0 Haukur Baldvinsson (64.)
1-1 Ingvar Kale - Sjálfsmark (80.)
1-1
Kristinn Jakobsson (8)
FÓTBOLTI Íslenska landsliðið í
knattspyrnu hefur oft átt í erf-
iðleikum með að brjóta þéttar
varnir á bak aftur. Liðið lenti í
einni slíkri, gegn einu allra leið-
inlegasta liði sem hefur spilað á
Laugardalsvelli, í æfingaleiknum
gegn Andorra á laugardaginn.
Lið Andorra gerði í því að tefja
leikinn eins og það gat. Leik-
menn hentu sér niður, þóttust
vera meiddir, spurðu dómarann
í hvert einasta skipti hvar ætti
að taka innköst, löbbuðu til að
ná í boltann, tóku óratíma í öll
föst leikatriði og það allt þrátt
fyrir að það væri fyrir löngu
lent undir. Ótrúlegt að horfa upp
á þennan skrípaleik.
Íslenska liðið lét þetta ekki á
sig fá. Liðið skoraði fjögur mörk
og uppskar vel. Það er ekki hægt
að ímynda sér annað en að leiðin-
legt sé að spila við svona lið. Það
krefst þolinmæði að láta það ekki
pirra sig, og það gerði Ísland vel
í leiknum.
Framan af leik var Ísland ekki
að spila vel. Andorra bakkaði
alveg að eigin marki og lét Ísland
hanga á boltanum allan hálfleik-
inn. Ísland er ekki vant því og það
sást vel. Liðið hélt boltanum mjög
illa, sendingar þess voru einkar
lélegar. Einfaldar sendingar fóru
út af eða beint á mótherja, jafn-
vel áður en það komst framarlega
á völlinn. Langar sendingar virk-
uðu heldur ekki að neinu leyti.
Heiðar Helguson skoraði tvö
mörk, Veigar Páll eitt og Kol-
beinn annað. Gunnleifur hafði
ekkert að gera í markinu en bak-
verðirnir hefðu getað hjálpað
meira til í sókninni. Jón Guðni og
Sölvi voru góðir í miðvarðarstöð-
unni, sérstaklega Sölvi. Gylfi stóð
sig ágætlega á miðjunni, betur en
Birkir og mun betur en Ólafur
Ingi. Rúrik og Jóhann Berg sýndu
ekki mikið en á þá var tvöfaldað
allan leikinn og þeir því í erfiðri
stöðu. Heiðar var mjög duglegur
frammi. - hþh
Ísland sýndi nauðsynlega þolinmæði gegn Andorra:
Ísinn brotnaði
BARÁTTA Birkir Bjarnason í hörku baráttu í leiknum gegn Andorra. FRÉTTABLAÐIÐ/PJETUR
ÍBV og Breiðablik gerðu jafntefli í Vestmannaeyjum í gær:
Sanngjörn úrslit í öskunni
HEIMIR
HALLGRÍMSSON