Fréttablaðið - 13.07.2010, Blaðsíða 4
4 13. júlí 2010 ÞRIÐJUDAGUR
EFNAHAGSMÁL Vilji íslensk stjórn-
völd auka tekjur sínar með aukinni
skattlagningu ætti að leggja niður
lægra þrep virðisaukaskattsins og
fækka skattþrepunum í tekjuskatt-
kerfinu í tvö, samkvæmt tillögum
Alþjóðagjaldeyrissjóðsins.
Íslensk stjórnvöld báðu sér-
fræðinga sjóðsins um úttekt á
íslenska skattakerfinu og tillög-
ur um hvernig auka mætti tekjur
ríkisins á næstu árum um eitt til
tvö prósent af vergri landsfram-
leiðslu. Verg landsframleiðsla á
síðasta ári nam um 1.500 millj-
örðum króna. Miðað við það ætla
stjórnvöld sér að auka skatttekj-
ur um 15 til 30 milljarða króna á
næstu árum.
Í skýrslu AGS, sem gerð var
opinber í gær, kemur fram að sér-
fræðingar sjóðsins telji íslenska
skattkerfið í grundvallaratrið-
um gott. Í skýrslunni er farið yfir
skattheimtu ríkisins, og settar
fram tillögur vilji stjórnvöld auka
skatttekjur sínar.
Meðal þess sem þar er lagt til
er að skattur á matvæli og fleira
sem nú fellur í sjö prósenta skatt-
flokkinn í virðisaukaskattkerf-
inu hækki í 25,5 prósent eins og
aðrar vörur. Einnig er lagt til að
fjármagnstekjuskattur hækki í 20
prósent og breytingar verði gerð-
ar á tekjuskattskerfinu. Yfirlit
yfir helstu tillögur AGS er í með-
fylgjandi töflu.
Hugmyndir um frekari skatta-
hækkanir mæta ekki mikilli
ánægju hjá hagsmunaaðilum.
„Ríkisstjórnin er búin að taka
allar þær skattahækkanir sem
þetta land getur þolað, og sumir
myndu nú meina að það væri búið
að ganga lengra en það. Ég trúi
því alls ekki að menn séu með ein-
hver áform um að auka skattaálög-
ur á almenning,“ segir Gylfi Arn-
björnsson, forseti ASÍ.
Í Fréttablaðinu á laugardaginn kom
fram að listahátíðin LungA væri hald-
in í tíunda skipti í ár. Það er rangt því
hátíðin heldur upp á tíu ára afmæli
sitt í ár, en er haldin í ellefta skipti.
LEIÐRÉTTINGAR
Hugmyndir um viðamiklar breytingar á skattkerfinu
37,22 prósenta skattur af tekjum að
200 þúsund krónum, 40,12 prósent
af tekjum frá 200 þúsundum að
650 þúsundum, 46,12 prósent af
tekjum yfir 650 þúsund krónum.
18 prósenta skattur af fjármagns-
tekjum, frítekjumark vegna vaxta-
tekna er 100 þúsund krónur.
7 prósenta skattur á matvöru, heitt
vatn, rafmagn, bækur, dagblöð,
hljómplötur og fleira. 25,5 prósenta
skattur á aðrar vörur.
18 prósenta skattur á tekjur
fyrirtækja.
Núverandi skattkerfi Tillaga AGS Önnur tillaga AGS
37,2 prósenta skattur af tekjum að
375 þúsundum, 47,2 prósent af
tekjum yfir 375 þúsundum. Eykur
tekjur ríkisins um 0,25 prósent af
vergri landsframleiðslu.
20 prósenta skattur af fjár-
magnstekjum, frítekjumark vegna
vaxtatekna er 100 þúsund krónur.
Eykur tekjur ríkisins um 0,3 prósent
af vergri landsframleiðslu.
25,5 prósenta skattur af öllum
vörum. Þriðjungi af tekjuauka ríkis-
ins af niðurlagningu neðsta þreps-
ins varið til að bæta hag tekjulágra.
Eykur tekjur ríkisins um 1,5 prósent
af vergri landsframleiðslu.
20 prósenta skattur á tekjur fyrir-
tækja. Eykur tekjur ríkisins um 0,13
prósent af vergri landsframleiðslu.
37,2 prósenta skattur af tekjum að
250 þúsund krónum. 42,2 prósent
af tekjum frá 250 þúsundum að
500 þúsundum. 47,2 prósent af
tekjum yfir 500 þúsundum. Eykur
tekjur ríkisins um 0,43 prósent af
vergri landsframleiðslu.
14 prósenta skattur á matvöru í
matvörubúðum, 25,5 prósenta
skattur á allar aðrar vörur og þjón-
ustu. Eykur tekjur ríkisins um rétt
rúmlega 1 prósent.
Tekjuskattur
einstaklinga
Fjármagns-
tekjuskattur
Virðisauka-
skattur
Tekjuskattur
fyrirtækja
■ Hækka vörugjöld á eldsneyti svo þau verði nær skött-
um í Noregi, sem myndi auka tekjur ríkisins um 0,3
prósent af vergri landsframleiðslu.
■ Auka eignaskatt, þar eru miklir tekjumöguleikar fyrir
ríkið, og hægt að hækka skattana þegar tekjur fólks
aukast og húsnæðismarkaðurinn tekur við sér.
■ Gera vörugjöld á matvæli markvissari eða leggja þau
af í áföngum.
■ Leggja af stimpilgjöld þegar fjárhagsstaða ríkisins leyf-
ir enda ekki um sanngjarna skattlagningu að ræða.
■ Leggja af í áföngum vaxtabætur fyrir aðra en tekjulága
sem eru að kaupa sína fyrstu íbúð.
Aðrar tillögur AGS:
Danski bærinn Køge er á Sjálandi
en ekki Jótlandi eins og sagt var í
blaðinu í gær.
AGS vill snarhækka skatta
Alþjóðagjaldeyrissjóðurinn setur fram ýmsar tillögur að breytingum á íslenska skattkerfinu í nýrri skýrslu.
Forseti ASÍ segir almenning ekki þola frekari skattahækkanir. Misráðnar hugmyndir segir formaður SI.EFNAHAGSMÁL Afar misráðið væri að hækka skatta til að auka tekjur
ríkissjóðs, eins og Alþjóðagjald-
eyrissjóðurinn leggur til, segir
Pétur Blöndal,
fulltrúi Sjálf-
stæðisflokks-
ins í efnahags-
og skattanefnd
Alþingis.
„Ég tel að
lífskjaraskerð-
ing íslensku
þjóðarinnar sé
þegar orðin of
mikil,“ segir Pétur. Réttara væri
að lækka skatta til að auka inn-
lenda starfsemi, enda ekki hlaup-
ið að því að fá lánsfé eða fjárfest-
ingu frá útlöndum.
Pétur segir þó jákvætt í
skýrslu AGS að sjóðurinn telji
skattkerfið hér gott, skattstofn-
ar séu almennir og breiðir og fáar
undantekningar, sem sé arfleið
Sjálfstæðisflokksins. Undan-
tekningunum fari þó fjölgandi
hjá sitjandi ríkisstjórn, sem sé
áhyggjuefni. - bj
Tekur ekki undir með AGS:
Ekki gott að
hækka skatta
PÉTUR BLÖNDAL
Hann segir að leggjast þurfi
í útreikninga áður en afstaða sé
tekin til tiltekinna tæknilegra
breytinga á skattkerfinu. Eins
og staðan sé núna sé augljóst að
betra sé að reyna að stækka skatt-
stofnana en að leggja á enn hærri
skatta.
„Það er hættuleg stefna sem
AGS er að marka með þessum
tillögum,“ segir Helgi Magnús-
son, formaður Samtaka iðnað-
arins. Hann segir tillögur um
aukna skattlagningu misráðnar,
þær muni draga hagkerfið niður
og seinka því að ástandið hér á
landi batni.
„Þegar skattlagningin er orðin
svona mikil dregur hún ráðstöf-
unarfé frá fólki og fyrirtækj-
um, og það fé fer ekki í neyslu og
fjárfestingar,“ segir Helgi. Þá sé
hætta á að orku- og auðlindaskatt-
ar komi í veg fyrir erlenda fjár-
festingu.
Starfshópur fjármálaráðherra
vinnur nú að tillögum í skatta-
málum og er von á áfangaskýrslu
hópsins síðar í vikunni.
Ekki náðist í Steingrím J. Sig-
fússon fjármálaráðherra í gær, en
hann mun vera í sumarleyfi.
brjann@frettabladid.is
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
31°
32°
29°
19°
30°
26°
26°
23°
24°
20°
25°
28°
36°
20°
27°
18°
26°
Á MORGUN
Hægviðri.
FIMMTUDAGUR
Víðast hæg NA-átt,
en stífari suðaustast.
10
14
13
13
13
13
12
12
10
14
11
18
6
3
2
5
3
4
4
4
3
2
4
15
14
13 12
12
13
15
14
12
10
VÍÐAST GÓÐVIÐRI
Veðurspá næstu
daga er aldeilis góð
og lítur út fyrir góð-
viðri fram yfi r helgi
um nánast allt
land. Búast má við
heldur vaxandi NA-
átt suðaustanlands
á fi mmtudag og
örlítið stífari vindi á
föstudag.
Elísabet
Margeirsdóttir
veður-
fréttamaður
SVISS, AP Leikstjórinn Roman Polanski
er frjáls ferða sinna eftir að yfirvöld í
Sviss höfnuðu beiðni um að framselja
hann til Bandaríkjanna. Í Bandaríkj-
unum bíður hans dómur fyrir kyn-
ferðisbrot gegn þrettán ára stúlku
árið 1977.
Polanski hefur verið í Sviss frá því
að hann var handtekinn þar í lok sept-
ember í fyrra. Hann kom til Sviss til
þess að taka við verðlaunum fyrir lífs-
verk sitt á kvikmyndahátíð í Zurich.
Bandaríkjamenn hafa lýst yfir von-
brigðum með ákvörðun svissneskra
yfirvalda, sem segja gögn ekki hafa
verið fullnægjandi til að samþykkja
framsal. Mögulegt sé að hann hafi
þegar setið af sér dóminn, en það er
byggt á vitnisburði sem ekki fékkst
frá Bandaríkjamönnum. Þá var tekið
tillit til þess að yfirvöld í Bandaríkj-
unum hafi aldrei fyrr óskað eftir
framsali Polanskis frá Sviss þrátt
fyrir að hann hafi oft áður heimsótt
landið, og eigi hús þar. Þá var einnig
tekið með í reikninginn að fórnarlamb
hans hefur óskað eftir því að málið
verði látið niður falla.
Polanski getur enn átt yfir höfði sér
framsal til Bandaríkjanna ef hann
ferðast til annarra landa.
- þeb
Pólski leikstjórinn Roman Polanski er frjáls ferða sinna:
Sviss framselur ekki Polanski
POLANSKI Leikstjórinn ætlaði að
taka við verðlaunum í Zurich þegar
hann var handtekinn af svissnesk-
um yfirvöldum, sem hafa nú sleppt
honum úr haldi. FRÉTTABLAÐIÐ/AP
MENNTAMÁL Íslenskir námsmenn
á Norðurlöndum hafa fengið 155
milljónir króna í styrki vegna
bágrar fjárhagsstöðu Alls fengu
532 námsmenn að meðaltali
rúmar 291 þúsund krónur hver.
Samstarfsráðherrar Norður-
landa ákváðu í fyrra að styrkja
íslenska námsmenn á hinum Norð-
urlöndunum, og veittu til þess yfir
100 milljónir. Í ár voru umsóknir
um 43 prósentum fleiri, og hækk-
aði upphæðin eftir því. Tæplega
600 sóttu um og uppfylltu um 93
prósent skilyrði. - bj
Námsmenn erlendis styrktir:
Fá tæplega 300
þúsund hver
Reynt að loka borholunni
Verkfræðingum hefur orðið nokk-
uð ágengt við að loka borholunni
í Mexíkó-flóa að sögn Bandarískra
yfirvalda. Vonir stóðu til að hægt yrði
að loka fyrir lekann síðdegis í gær að
staðartíma.
BANDARÍKIN
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Henný Árnadóttir henny@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Sigurbjörnsdóttir sigridurdagny@365.is, Hlynur Þór Steingrímsson hlynurs@365.is, Bjarni Þór Sigurðsson bthor@365.is, Benedikt Freyr Jónsson benediktj@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigrún Helga Guðmundsdóttir sigrunh@365.is, Arna Rut Kristinsdóttir arnarut@365.is
GENGIÐ 12.07.2010
GJALDMIÐLAR KAUP SALA
HEIMILD: Seðlabanki Íslands
213,1328
GENGISVÍSITALA KRÓNUNNAR
124,95 125,55
187,53 188,45
157,07 157,95
21,066 21,19
19,569 19,685
16,585 16,683
1,4096 1,4178
186,18 187,28
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
Mikið úrval af frábærum tilboðum - líttu við