Kylfingur - 01.12.1937, Blaðsíða 8

42
KYLFINGUR
En svo er margt sinnið sem skinnið. Þeir, sem hús vildu
hafa, gátu heldur ekki orðið sammála um það, hvernig skyldi
byggja. Einn flokkurinn vildi byggja bráðabirgðahús, skúr
a la Louxembourg, sem kostaði lítið, væri skýli í skúraveðri,
en ekki til skemmtunar eða hvíldar, ekki upphitaður og —
engum til ánægju. Aðrir vildu byggja lítið hús og ódýrt, upp-
hitað og með nokkrum þægindum, í laut. þar sem lítið bæri
á og skjól fengist utanhúss. Þröngt mega sáttir sitja, sögðu
þeir, og klúbbfélagar eru enn þá fáir, en kunningjar góðir,
og gerir því lítið til, þótt ekki séu sæti né salur fyrir alla í
einu til að byrja með. Þegar húsið færi að verða of lítið, sem
hefði orðið næsta ár, mætti byggja viðbót eða annað hús hjá,
ef þá fengjust peningar til þess að byggja fyrir. Fáist þeir
ekki, þá látum þá óánægðu vera óánægða, þeir verða alltaf
einhverjir hvort eð er.
Þriðji og fjórði flokkurinn vildi byggja nokkuð stórt
hús, sem bæði nægði klúbbnum alveg, eins og hann er nú,
og væri auk þess til frambúðar, að minnsta kosti næstu 10
árin. Skyldi þar vera salur til fundahalda, veitinga og
kennslu, búningsherbergi karla og kvenna ásamt geymslu-
skápum fyrir áhöld og hlífðarföt, salerni og steypubaði;
herbergi fyrir kylfusveina og kennara, íbúð fyrir húsvörð
og eldhús og framreiðsluherbergi fyrir veitingar; miðstöð,
geymslur, rafmagn o. fl. Höfðu þeir látið gera teikningu að
slíku húsi og kostnaðaráætlun, og enda fengið tilboð í bygg-
Íngu þess fyrir um 18000 kr. Þetta töldu þeir kleift, þar sem
fyrir lá loforð um 30000 kr. lán og skuldir ekki nema 7500
kr. Að vísu þurfti að kosta vatnsleiðslu, vegi, viðgerðir á
vellinum o. fl., en samkvæmt áætlun átti lánsféð að nægja
til þess. Samkvæmt þessari áætlun átti ekki í þetta sinn eða
þetta árið að pússa húsið; það átti að vera óþiljað, ómálað,
upphitun aðeins í setusal og íbúðarherbergjum, vatns- og
skolpleiðslur innanhúss ekki fullgerðar nema það nauðsyn-
legasta, vatnsleiðsla upp holtið að húsinu átti að vera ofan-
jarðar o. s. frv. Það átti með öðrum orðum að koma upp
hentugu framtíðarhúsi, úr því að fé var til þess og húsið
fékkst svo ódýrt, að þetta reyndist kleift, en ganga betur frá