Kylfingur - 01.12.1937, Blaðsíða 11
KYLFINGUR
45
ekki voru rúmfastir, en það var ritari klúbbsins, Gunnar
Guðjónsson, og þótti öllum illt, að jafngóður „sportsmaður"
skyldi ekki geta tekið þátt í þessari fyrstu glímu í klúbbhús-
inu. Að vísu var húsið „heiðið“ enn þá, þ. e. óvígt, en því
villtari mundi viðureignin.
I fundargerð þessa fundar segir svo:
,Það kom brátt í ljós, að formaður hafði hugsað sér að
fremja þarna seið mikinn, einskonar stjórnarvígslu á hús-
inu, og hafði hann útbúnað með sér og viðbúnað mikinn.
Var húsið hitað, kynnt í miðstöð með klepruðu spreki
og auk þess kveikti formaður á voldugri ferðaolíuvél í kenn-
araherberginu. Við vélkyndinguna hafði hann fengið sér til
aðstoðar Sigmund Halldórsson, formann húsbyggingarnefnd-
ar, en í kjallara kynnti Guido Bernhöft, sem fulltrúi hús-
nefndar. Meðan á þessari upphitun stóð, skoðuðu menn hús-
ið hátt og lágt, og varð meðal annars litið út um glugga nið-
ur á völlinn. Varð þá fyrir þeim sú hraustlega sjón, að sjá
kappa tvo úr kylfingaliði heyja einvígi á vellinum. Hafði
fundarmönnum fundist mikið til koma síns eigin dugnaðar
og hraustleika, að brjótast gegnum óveðrið út í klúbbhús,
en að nokkur reyndi að leika golf í því veðri, það hafði eng-
an þeirra dreymt um. Reyndust kappar þessir að vera
Kristján Skagfjörð og Brynjólfur Magnússon, og var þeim
fagnað á viðeigandi hátt, er þeir stundu síðar komu upp í
húsið, að einvíginu loknu.
Fundurinn hófst nú með því, að formaður sauð á olíu-
vélinni bæsblöndu, er nota skyldi á tréverk innanhúss, og
reyndu fundarmenn fyrst litinn á sjálfum sér“.....
Síðan ávarpaði formaður fundinn nokkrum vel völdum
og viðeigandi orðum, og primsigndi húsið og fundarherberg-
ið, og aðstoðuðu fundarmenn eftir föngum. Bað formaður
blessunar yfir hæli það, er golfíþróttinni hefði hér verið
reist, og tóku menn fúslega undir þær óskir.