Fréttablaðið - 21.02.2011, Side 6

6 21. febrúar 2011 MÁNUDAGUR
Fastus ehf. | Síðumúla 16 | 108 Reykjavík | Sími 580 3900 | www.fastus.is
Sjálfvirk hjartastuðtæk
örugg og einföld
í notkun með
íslensku tali.
Getur þú bjargað
Fjölskyldufaðirinn, Zhou Zhi, stýrir harðri hendi sem ættfaðir á
grundvelli hefðbundinna kínverskra gilda. Í þrjósku sinni sóar
hann fjármunum fjölskyldunnar með svo alvarlegum hætti að
hún rambar á barmi gjaldþrots. Með fæðingu stúlkubarns í
fjölskylduna rofar til í samskiptum fjölskyldumeðlimanna, en þá
tekur Zhou Zhi að viðurkenna að þörf sé á nýjum nálgunum.
Kínversk fræði við
HÁSKÓLA ÍSLANDS
konfusius@hi.is | www.konfusius.hi.is
Konfúsíusarstofnunin Norðurljós sýnir heimildamyndina:
Stórfjölskyldan (2006)
Askja, st. 132, fimmtudagur 24. febrúar 2011, kl. 17:30
Aðgangur
ókeypis og
öllum opið!
Lengd: 54 mín.
Vegna breytinga
á allt að seljast í
Herra Hafnarfirði
Dýrasta flíkin er á 4.990,-
Nýjar vörur eru ekki á útsölu
Firði, Hafnarfirði • Sími 565 0073
Þór Saari, formaður Hreyfingarinnar, telur að for-
sætisráðherra og fjármálaráðherra eigi að segja
af sér eftir ákvörðun forseta Íslands um Icesave.
Þór segist ánægður með ákvörðun forsetans
og telur hana fyllilega eðlilega og rökrétta með
hliðsjón af sögu og framvindu málsins. Hann
telur hana ekki vera gagnrýni á störf Alþingis.
„Það er alveg skýrt í stjórnarskránni að forset-
inn hefur þennan rétt,“ segir Þór. „Hann styðst
við ýmislegt, það voru 30 þingmenn sem vildu
málið í þjóðaratkvæði. En auðvitað hefði Alþingi
átt að afgreiða þetta þannig.“
Þór hyggst greiða atkvæði gegn samningnum þegar að
þjóðaratkvæðagreiðslunni kemur. Hann segir að það sé
ekki þar með sagt að málið fari fyrir dómsstóla. „Við skul-
um ekki gleyma því að alveg frá fyrsta stigi málsins sagði
Lee Buchheit að Íslendingar ættu ekki að borga
þetta og þeir ættu ekkert að gera í málinu,“ segir
Þór. „Það ætti bara að leyfa Bretum og Hollend-
ingum að fá það sem kemur úr þrotabúinu. Ef
þeir vilja svo fara í mál út af afganginum, þá
verður það bara að koma í ljós.“
Þór bendir á að verið sé að tala um þrotabú
einkafyrirtækis sem verið sé að gera upp.
„Að velta þessu yfir á íslenskan almenning er
fáránlegur málaflutningur,“ segir hann. „Það á
að láta þetta kyrrt liggja þar til það er búið að
gera upp þrotabúið. Ef það er eitthvað sem stendur út
af er hugsanlega hægt að ná samkomulagi við Breta og
Hollendinga um afganginn. Við búum hér við ákveðna
stjórnskipan í lýðræðisríki sem fullvalda þjóð og það
verður að virða.“ - sv
Greiðir atkvæði gegn samningnum
Sigmundur Davíð Gunnlaugs-
son, formaður Framsóknar-
flokksins, telur forseta
Íslands hafa tekið rétta
ákvörðun í Icesave-málinu
miðað við forsögu þess.
„Maður treysti sér ekki til
að giska á hver niðurstaðan
yrði en maður vildi samt
trúa því að hann yrði sam-
kvæmur sjálfum sér, sem
hann reyndist vera,“ segir
Sigmundur.
Sigmundur segir næstu skref í
málinu ráðast af því hvaða skilaboð
stjórnvöld sendi. „Nú eins og síðast
er mikilvægt að menn sendi
út mjög sterk skilaboð
um það að eftir sem áður
muni Íslendingar standa við
alþjóðlegar skuldbindingar
sínar, þetta sé ekki spurning
um það.“
Sigmundur Davíð vill
ekki blanda þjóðaratkvæða-
reiðslunni við stöðu
stjórnarinnar en segir það
vissulega hafa áhrif á stöðu
hennar að málið fari núna í
dóm þjóðarinnar eftir að ríkisstjórnin
lagðist gegn því.
- mþl
Forsetinn tók rétta ákvörðun
FORSETI ÍSLANDS SYNJAR AFTUR STAÐFESTINGU ICESAVE-LAGA
ÞÓR SAARI
SIGMUNDUR DAVÍÐ
GUNNLAUGSSON
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRI SKEMMTUN
Meiri Vísir.
Jóhanna Sigurðardóttir forsætis-
ráðherra og Steingrímur J. Sig-
fússon fjármálaráðherra voru
bæði undrandi á ákvörðun for-
seta Íslands í Icesave-málinu.
Jóhanna segist óttast að forset-
inn hafi með henni tekið veru-
lega áhættu og segir að ekki
verða lengra komist í samninga-
viðræðum.
„Ákvörðun forsetans kom mjög
á óvart í ljósi þessara samninga
sem allir flokkar stóðu að. Það
liggur fyrir að ekki verður geng-
ið lengra í samningaviðræðum,
þannig að verði málið fellt þá
blasir við að það fer fyrir dóm-
stóla,“ segir Jóhanna og bætir
við: „Þetta er hins vegar staðan
og við bara tökum því og vinnum
úr málinu eins og það stendur.“
Jóhanna lýsir yfir áhyggjum
af afleiðingum ákvörðunarinn-
ar. „Maður óttast það auðvitað
þegar svona kemur upp að það
taki okkur lengri tíma en maður
hélt að öðlast trúverðugleika
alþjóðasamfélagsins á ný. Ég ætla
ekki að vera með neinar hrakspár
en þetta gæti seinkað hagvexti og
haft neikvæð áhrif á skuldatrygg-
ingarálagið,“ segir Jóhanna og
heldur áfram: „Verði samningur-
inn felldur gæti það valdið seink-
un á gjaldeyrishöftunum og komið
í veg fyrir erlenda fjárfestingu,
eins og í Búðarhálsvirkjun, þar
sem beðið hefur verið eftir lausn
Icesave-deilunnar. Þetta getur því
haft áhrif á efnahagsmálin hér.“
Alþingi samþykkti í síðustu viku
Icesave-frumvarpið með auknum
meirihluta þingmanna. „Hér hefur
verið þingræði og á mann leita
ýmsar stríðar hugsanir þegar þetta
gerist eftir að Alþingi samþykkir
lög með meira en tveimur þriðju
greiddra atkvæða,“ segir Stein-
grímur. Aðspurð segir Jóhanna
Ólaf Ragnar höggva nokkuð nærri
þingræðinu í landinu með ákvörð-
un sinni en hann hafi þó þetta vald
samkvæmt stjórnarskrá.
Jóhanna segir loks að ákvörðun
forsetans hafi ekki áhrif á stöðu
ríkisstjórnarinnar. „Það er alveg
ljóst að þessi samningur, sem
hefur tekið marga mánuði að vinna
við, var í höndum allra stjórnmála-
flokka í þinginu. Flokkarnir völdu
saman samningamenn og þarna
var sérstakur fulltrúi stjórnarand-
stöðunnar líka. Þannig að þetta er
fyrst og fremst mál þingsins og
hefur ekkert með ríkisstjórnina að
gera sem slíka,“ segir Jóhana og
neitar því að samningaleiðin sem
farin hefur verið í þessu máli hing-
að til, hafi einungis verið á ábyrgð
ríkisstjórnarinnar.
Steingrímur segir að innanríkis-
ráðuneytið fari nú í það að undir-
búa kosningar sem fari fram eins
fljótt og hægt er. „Ég held reynd-
ar að þau séu byrjuð að funda nú
þegar.“ thorunn@frettabladid.is
magnusl@frettabladid.is
Ekki verður samið
frekar um Icesave
Forsvarsmenn ríkisstjórnarinnar voru undrandi á ákvörðun forsetans, en segja
hana ekki hafa áhrif á stöðu ríkisstjórnarinnar því samningar hafi verið í
höndum allra flokka. Ef málið verður fellt blasir við að það fer fyrir dómstóla.
FUNDAÐ Í ALÞINGISHÚSINU Steingrímur J. Sigfússon fjármálaráðherra fundaði með þingflokki sínum um ákvörðun forsetans í
gær. FRÉTTABLAÐIÐ/VALLI
MÆTT TIL FUNDAR Jóhanna Sigurðardóttir og Hrannar B. Arnarsson, aðstoðarmaður
hennar, mættu til fundar við aðra þingmenn Samfylkingarinnar. FRÉTTABLAÐIÐ/VALLI