Barnablaðið - 01.09.1972, Side 14

Bréf til ungra foreldrafrá
sunnudagaskólakennara
Ég vildi óska að þessi fáu orð naeðu at-
hygli einhverra hinna ágætu foreldra á is-
landi, sem þrá að gefa börnum sínum allt
það bezta, er þau geta hugsað sér þeim
til handa um tfma og eilífð. Hvað snertir
eilífðina, gerir nokkur efi vart við sig um
að svo langt sé hugsað og svo hátt sé
takmarkið sett á okkar efnismettuðu öld.
Og þó. Hver er sú íslenzk móðir, sem
ekki þekkir orðin: „Leyfið börnunum að
koma til mín og bannið þeim það ekki,
þvf að slíkra er Guðsríkið." „Sannlega segi
ég yður: hver sem ekki tekur á móti Guðs-
ríki eins og barn, mun alls ekki inn í það
koma." (Lúk. 18, 16).
Sterk eru ennþá áhrifin af þessum ynd-
islegu orðum Frelsarans. Svo sterk að þau
snerta hlýjan streng f hjarta hverrar ungr-
ar og einlægrar móður.
Móðir og faðir! Þið eigið að leyfa börn-
unum að koma til Jesú, hjálpa þeim til
þess, sem góðir ráðsmenn yfir því dýr-
mætasta hnossi lífsins, sem sál barnsins
er. Dýrgrip, sem Guð hefur trúað ykkur
fyrir og ef hann glatast, getur ábyrgðin
orðið ægiþung á herðum ykkar, ef þið
gerðuð ekki það, sem í ykkar valdi stóð
til þess að gæta hans.
Fjöldi ævisagna hinna merkustu og
beztu manna og kvenna veraldarsögunnar
byrja á að greina frá sterkum trúarlegum
áhrifum í bernsku. Ahrifum frá biðjandi
móður og guðelskandi föður. Foreldrum,
sem virtu Biblfuna og höfðu daglega orð
Guðs um hönd á heimilinu. Þau leyfðu
börnunum sínum að koma til Jesú, voru
ekki hrædd við það þótt aðrir spottuðu
guðrækni þeirra, minnug orðanna f 119.
Davíðssálmi: „Með hverju getur ungur
maður haldið vegi sínum hreinum? Með
því að gefa gaum að orði þínu." Höfund-
ur þessara orða, Davíð, sem ungur sigraði
risann Golíat með orðunum: „í nafni
Drottins", og sem síðar í lífinu varð kon-
ungur sem féll í glötunargröf hræðilegs
syndafalls, hafði sjálfur reynt mátt Guðs
eilífa og almáttuga Orðs: „Hann dró mig
upp úr glötunargröfinni og veitti mér fót-
festu á kletti, gerði mig styrkan í gangi,
lagði mér ný Ijóð í munn."
Hamingjusami Davíð konungur! Og or-
sökin var einlæg og sterk trú og bænar-
samfélag við Guð allt frá fyrstu bernsku.
Að síðustu: Slfkum heyrir Guðsríkið til,
eða: Slíkra er Guðsrfkið. Barnið ykkar er
Guðsríkisborgari. Jesús Kristur Frelsari
mannkynsins alls, barnanna líka, hefur
endurleyst það, friðkeypt og frelsað með
pínu sinni og dauða á Golgata-krossi, svo
að á meðan það sjálft ekki vísvitandi
hafnar honum með synd og óhlýðni við
boð Guðs, er það Hans. Er Jesús var 12
ára sagði hann við foreldra sína í helgi-
dóminum í Jerúsalem: „Vissuð þið ekki
að mér ber að vera í því sem míns föður
er?"
Ég vil benda ykkur á sunnudagaskól-
ann. Sendið börnin þangað og hlynnið
síðan að frækornunum, sem þar er af alúð
sáð í hjörtu þeirra. Síðan reynum við að
hjálpast að í því að vernda dýrgripi
Guðs og ykkar eigin um tíma og til eilífð-
ar. Guð blessi ykkur til þess í Jesú nafni.
Kristín Sæmunds.
(Birt áður í Aftureldingu, 1954).
14