Barnablaðið - 01.04.1994, Side 19

Ávextir andans
Jesús lofaði vinum sínum að skilja þá aldrei eftir
eina. Þetta hljómar kannski undarlega því hann
yfirgaf vini sína á jörðinni þegar hann steig upp til
himna til þess að vera hjá föður sínum. En áður en hann
yfirgaf þá, sagði hann þeim að hann mundi senda þeim
mikilvæga gjöf.
Gjöfin sem hann sendi þeim var heilagur andi. Hinn
heilagi andi kom eins og mjúkur, heitur vindur á
hvítasunnudag, þegar lærisveinar Jesú voru allir saman
komnir í einu húsi bæjarins. Hinn heilagi andi gerði
undursamlega hluti fyrir þá. Hann gaf þeim kraft til þess
að boða fagnaðarerindið um Jesú. Það þurfti svo
sannarlega hugrekki til þess, því að á þessum tíma var
bannað að segja öðrum frá Jesú. Lærisveinarnir urðu
glaðir að fá heilagan anda. Því þá vissu þeir að Jesús var
hjá þeim, þótt þeir sæju hann ekki. Heilagur andi gaf
þeim gleði, frið og kærleika og gerði þá mjög hjálpsama
og góða. Þeir sem trúa á Jesú geta líka eignast gleði, frið
og kærleika. Það er kallað ávextir andans.
Sumir krakkar vita ekki að Guð er þríeinn. Hvað þýðir
það?
Að vera þríeinn þýðir að Guð er þrjár persónur.
Faðirinn, sonurinn (Jesús) og heilagur andi. Þessir þrír
eru allir saman einn Guð. Það má útskýra það á þann
hátt að þeir allir hafi eitt og sama hjartað og einn og
sama hugann.
Getur þú séð á myndinni hvað fólkið er að gera og
hvernig því líður?
Hvaða ávextir andans finnast í lífi þeirra?
Teikning: Jóhann Hesselstrand