Sameiningin - 01.12.1957, Blaðsíða 18

16
Sameiningin
kom til þess að semja frið á meðal mannanna, og til þess að
stofna bræðralag á jörðu. „Minn frið gef ég yður,“ sagði
hann. „Komið til mín allir,“ sagði hann ennfremur. „Sann-
leikurinn mun gjöra yður frjálsa," sagði hann við þá, sem
höfðu tekið trú á hann. Sannleikur í hvaða efni, spyrja menn-
Að því er friðarmálunum viðkemur, er sannleikurinn sá,
að hin tæknilega og vélræna þróun skapar aldrei frið á
jörðu; það mál er öllum hugsandi mönnum Ijóst. Ennfremur
er sannleikurinn sá, að vér sem dveljum á vesturhveli jarðar,
höfum engin sérréttindi, eða umboð frá Guði til þess að
vera ávallt oddvitar og forráðamenn mannkynsins. Vér
verðum að láta oss lærast að búa í friði og sátt undir sama
þaki og aðrar þjóðir, sem eru oss svo ólíkar sem framast má
verða um hörundslit, tungutak og alla menningu. Og þær
verða einnig að sætta sig við tilverurétt vorn og hugsjónir.
Saga ein í Nýja testamentinu segir frá gömlum manni,
sem lengi hafði beðið þess að draumur sinn rættist. Sagan
gerðist skömmu eftir hin fyrstu jól. Gamli maðurinn beið
í musteri Drottins. Og er honum var fært Jesú barnið, tók
hann það í faðm sér og þrýsti því að hjarta sér, og um leið
fylltist sál hans fögnuði sem hann hafði aldrei áður þekkt,
og fékk trauðla lýst með orðum.
Heimurinn er gamall orðinn, og menn eru lémagna og
þreyttir á erjum og stríði, eins og þessi öldungur. En í þessu
hrörlega hreysi fæðist Jesú nú á ný. Ef menn nú aðeins bæru
gæfu til þess að veita honum viðtöku, og þrýsta honum að
hjarta sínu í lotningu og tilbeiðslu myndu helskuggarnir
hverfa, og vorvindar friðarins dreifa ófriðarblikunni af
himni og úr hugum manna. Sú hugsjón virðist enn eiga langt
í land, en þótt mennirnir séu tornæmir er Guð þolinmóður.
„Minn frið gef ég yður.“ Gefi þér guð sinn frið. —V. J. E.
—GLEÐILEG JÓL!