Sameiningin - 01.07.1931, Page 19

209
Seminary í prestslegri guðfræði (Pastoral Theology) og nýja
testamentis skýringu.
í april í vor sendu söfnuðir vorir í Blaine og Pt. Roberts,
ásamt ensk-lúterskum söfnuði í Bellin'gham, Wash., séra Valdi-
mar J. Eylands köllun. Tilheyrir söfnuðurinn í Bellingham
U.L.C.A. Hefir séra Valdimar tekið þeirri köllun og mun
flytja vestur bráðlega. Er það gleðiefni, að fólk vort fær
þannig að njóta hans góðu krafta meir en verið hefir um hríð.
Séra Egill H. Fáfnis, er vígður var til prests á síðasta
kirkjuþingi voru, tók við þjónustu í Ai’gyle í byrjun október-
mánaðar. Yfir sumarið starfaði hann hjá Melanktonssöfnuði.
Var hann settur inn í embætti af vara-forseta kirkjufélagsins,
séra Rúnólfi Marteinssyni. Fer Igóður orðrómur af starfi
hans og hafa þrjú ungmennafélög verið stofnuð þar í sókn-
inni síðan.
í fyrra sumar þjónaði Erlingur K. Ólafson, guðfræðanemi,
söfnuðunum í Blaine og Pt. Roberts. Yfir veturinn stundaði
hann nám við Pacific Theological Seminary í Seattle og lauk
þar guðfræðaprófi í vor. Samhliða náminu heimsótti hann
söfnuðina, er hann þjónaði yfir sumarið, tvisvar í mánuði og
flutti guðsþjónustur. Hafði það verið innileg ósk mín og
von, að hann fengi köllun innan kirkjufélags vors og að hann
yrði vígður til prests á þessu þingi. En er ástæður virtust
hindra, að nokkur slík köllun bærist honum, tók hann köllun
frá Juneau, Alaska. Hafði hann þá heldur ekki ráð á því, að
koma á þetta þing — á æskustöðvar sínar — til vígslu. Fór
vígsla hans fram í Seattle þann 28. maí og er hann nú þegar
tekinn við starfi í Juneau.
Un’gur og efnilegur námsmaður, hr. Jóhann Friðriksson,
hefir undanfarin ár, upp á eigin býti, verið að keppa að því
takmarki, að geta orðið kennimaður kirkjunnar. Á síðastl.
vetri, er hann var við nám við Concordia College í Moorhead,
Minn., varð hann fyrir langvarandi veikindum og sjúkra-
hússvist. Nú er hann aftur kominn til allgóðrar heilsu og
heldur enn við áform sitt að gerast kennimaður, ef þess er
nokkur kostur. í prestaskorti þeim, sem hjá okkur er, þyrftu
kraftar hans að notast. Vonandi verður hann á kirkjuþingi.
Æskilegast hefði verið, að hann hefði getað starfað hjá oss
í sumar og haldið svo áfram námi í haust. Maður þessi er
búinn að ná þeim þroska, sem til þess þarf að verða vel hæfur
starfsmaður.
Prestarnir, sem ekki hafa verið nefndir, hafa haldið áfram
starfi á sömu sviðum o!g áður. Verður ýmsra þeirra minst
í sambandi við sérsök starfsmál kirkjufélagsins.
Heimatrúboð. — Framkvæmdarnefndin hefir leitast við,
að framfylgja ráðstöfunum síðasta kirkjuþings eftir því, sem