Sameiningin - 01.05.1927, Qupperneq 14

140
um einum saman. Yér megum ekki telja þúsundára-
ríki friðarins áreiðanlega komið, þó talað sé mikið um
frið og bræðralag þjóða. Til þess að friður sé trygður,
þarf eðli og hugarfar manna að gjör.breytast, Ekki er
við því að búast, að sií gjörbreyting verði skyndilega.
Og ekki veit maður nein ráð til þess, að sú breyting verði,
nema svo, að Guð fái að búa % hjörtum mannanna.
Það liefir enginn maður ritað um kærleikann með
meira skilningi en Páll postuli, og líklega enginn lýst
eiginleikum kærleikans jafn skilmerkilega 0g hann. Er
um kærleikann ræðir, verður ekki lengra jafnað, en í 13.
kapítulann í fyrra Korinþubréfinu. Páll ritaði líka bréf
til fólksins í Efesus og áminti það um, að leggja rækt
við góðvildina og kærleiksríkt hugarfar. En hann gerir
það ljóst, að kærleikurinn sé mönnum ekki eðlilegnr,
nema svo, að’ hjörtu mannanna sé kristin. Kærleikur-
inn í fari mannsins er miklu fremur ávöxtur, heldur en
rótin sjálf. Kótin er Guð í hjarta mannsins. Postulinn
telur það æðsta þroskastig mannsins, að hann verði rót-
festur og grundvallaður í kærleika. En rótfestir og
grundvallaðir í kærleika verða menn aldrei, segir post-
ulinn, nema fyrir það, að Kristur búi fyrir trúna í hjört-
um þeirra. Þessu megum vér áreiðanlega trúa. Vér
verðum aldrei kærleiksríkir menn, nema svo sé, að Jesús
búi í hjörtum vorum.
Þegar vér því tökum undir með bræðrum vorum og
biðjum um frið og góðvild, þá höfum vér það hugfast, að
kærleikurinn verður að hvíla. á traustum grundvelli og
að grundvöllurinn er Jesús Kristur. Við höfum mikla
ábyrgð á herðum okkar, sem trúum á Krist. Það er
okkar hlutverk að leggja grundvöllinn undir kærleikann
og friðinn, sem heimurinn nú þráir. Við verðum að gera
heiminum það ljóst, að hann'verður að hafa Jesú fyrir
grundvöll kærleikans. En við þurfum að gera meira, en
að segja heiminum þetta; við þurfum að sýna honum
það. Það er hið háleita hlutverk kristinna manna nú,
að leggja heiminum til gnmdvöll þann, er hann fái bygt
á bæði friðinn og góðvildina. Og grundvöllurinn er
Jesús. Þegar Jesús býr fyrir trúna í hjarta mannsins,