Fréttablaðið - 30.03.2011, Blaðsíða 14

14 30. mars 2011 MIÐVIKUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Afgreiðsla og málatilbúnaður um skip-un stjórnlagaráðs hefur valdið veru-
legum vonbrigðum. Eins og ályktunin er
úr garði gerð er umboð þeirra sem setj-
ast í ráðið veikt svo ekki sé meira sagt.
Skipaður er 25 manna hópur með vísan
í kosningar sem Hæstiréttur hefur ógilt
en þeim ekki veitt umboðið persónulega
eins og vera ber þegar Alþingi skipar í
nefndir og ráð. Einnig var í undirbúningi
málsins gengið gegn ráðgjöf helstu sér-
fræðinga sem mæltu gegn því að þessi
leið væri farin og hafa sumir þeirra nefnt
mögulega sniðgöngu við Hæstarétt máli
sínu til stuðnings. Þegar kom að afgreiðslu
málsins var enda ekki mikil sátt um til-
löguna þar sem einungis 30 þingmenn
greiddu henni atkvæði. Þá sátu bæði for-
seti Alþingis hjá við atkvæðagreiðsluna og
tveir ráðherrar, þar á meðal innanríkis-
ráðherra, yfirmaður dómsmála í landinu.
Þessi veiki grunnur sem lagður var við
afgreiðslu málsins getur ekki talist gott
veganesti fyrir þá sem setjast í stjórnlaga-
ráð sem ætlað er að endurskoða stjórnar-
skrá lýðveldisins, grundvallarlög landsins.
Af öllu ferli málsins er ljóst að stjórn-
völd hafa ekki dregið rétta lærdóma af
rannsóknarskýrslu Alþingis sem lagði
áherslu á mikilvægi vandaðs undir-
búnings og vinnubragða í hverju máli
og setur þá sem boðið er sæti í ráðinu í
erfiða stöðu.
Eftir mjög vandlega íhugun hef ég
ákveðið, þrátt fyrir þá alvarlegu ágalla
sem eru á málinu, að þiggja sæti í stjórn-
lagaráði. Ég tel jafnframt að ábyrgðin á
þessu ferli sé alfarið stjórnvalda en ekki
þeirra sem setjast í ráðið og með því að
taka verkefnið að okkur séum við ekki
með nokkrum hætti að leggja blessun
okkar yfir þau vinnubrögð sem einkennt
hafa málið. Þannig er óhjákvæmilegt að
þeir sem setjast í ráðið horfist í augu við
veikt umboð sitt, enda eru þeir eins og
allir aðrir borgarar og stofnanir undir-
settir stjórnarskránni.
Ég finn til ábyrgðar gagnvart þeim
kjósendum sem kusu mig til setu á stjórn-
lagaþingi og er um leið fullmeðvituð
um að forsendur fyrir stjórnlagaráði og
umboð þess er nú allt annað. Eftir stendur
líka mikilvægi þess að stjórnarskráin
sé endurskoðuð, en ég vil ekki verða til
þess að skapa frekari óeiningu um málið,
enda ljóst að ekki verður aftur snúið með
ákvörðun Alþingis. Lengri útgáfa er á
vísi.is
Bréf til Alþingis
Stjórnlaga -
þing
Salvör Nordal
forstöðumaður
Siðfræðistofnunar
Háskóla
Íslands, situr í
stjórnlagaráði
Þegar þú vilt fá það besta út úr lífinu!
Faxafeni 14 www.heilsuborg.is
16-25 ára -
Ofþyngd / Offita
Heilsulausn 1 - Hentar ungu fólki, 16-25 ára, sem glímir við
ofþyngd, offitu og/eða einkenni frá stoðkerfi
Stelpur: Þri og fös kl: 16.30
Strákar: Þri og fös kl: 17.30
Átta vikur – takmarkaður fjöldi
Hefst 4. apríl – Kynningarverð kr. 44.000
Að námskeiðinu standa íþróttafræðingur, hjúkrunarfræðingur,
næringarfræðingur og sálfræðingar! Skráðu þig núna í síma
560 1010 eða á heilsuborg@heilsuborg.is
Fátítt
Bjarni Bjarnason, forstjóri Orkuveitu
Reykjavíkur, kom nokkuð á óvart
þegar hann á fundi í gær lýsti því
yfir að Orkuveitan væri strand. Þessi
yfirlýsing er nýstárleg fyrir þær sakir
að Íslendingar eiga því ekki að
venjast að forstjórar séu hrein-
skilnir. Húrra fyrir Bjarna og
megi aðrir forstjórar taka sér
hann til fyrirmyndar.
Og svaraðu nú
Mörður Árnason
hefur falið
innanríkis-
ráðherra
verðugt
verkefni. Ráðherrann þarf að svara
fyrir um aðstæður sem kunna að
koma upp eftir þrjú og hálft ár í allra
fyrsta lagi og þá og eftirleiðis varla
nema einu sinni eða tvisvar á ári.
Hann þarf sem sagt að svara hvort
ókeypis verði í Vaðla-
heiðargöng þegar
Vegagerðin
treystir
sér ekki til
að halda
opnum
veginum um
Víkurskarð.
Þetta telur Mörður
Árnason aðkallandi
pólitískt mál.
Æi
Á Alþingi í dag verða utan-
dagskrárumræður um framtíð
Reykjavíkurflugvallar. Málshefjandi
er Kristján Möller, fyrrverandi sam-
gönguráðherra, og til andsvara verður
Ögmundur Jónasson, núverandi
samgönguráðherra. Þessi utandag-
skrárumræða verður líklega sú fimm-
tánda eða tuttugasta um framtíð
Reykjavíkurflugvallar sem efnt
hefur verið til á Alþingi á undan-
gengnum árum. Heldur er því
ólíklegt að eitthvað sprúðlandi
ferskt komi fram í dag. Og þó;
Ögmundur er náttúrlega
óútreiknanlegur.
bjorn@frettabladid.is
F
ramganga Vinstrihreyfingarinnar - græns framboðs
vegna hernaðaraðgerða gegn Gaddafí, einræðisherra
í Líbíu, hefur verið mótsagnakennd, svo ekki sé meira
sagt.
Eftir að öryggisráð Sameinuðu þjóðanna samþykkti
ályktun 1973, sem heimilaði valdbeitingu gegn Gaddafí, lýsti
ríkisstjórn Íslands stuðningi við ályktunina og sagt var frá því
opinberlega. Þetta var ábyrg og eðlileg afstaða, í samræmi við
afstöðu þorra aðildarríkja Sameinuðu þjóðanna. Menn gengu eðli-
lega út frá því að stjórnarflokkarnir stæðu báðir að stuðningnum.
Það var ekki fyrr en óróa tók
að gæta í baklandi VG, þar sem
ýmsir telja að aldrei sé réttlæt-
anlegt að grípa til vopna, jafn-
vel ekki gegn óðum einræðis-
herrum sem drepa eigin þegna,
að Steingrímur J. Sigfússon, for-
maður flokksins, lýsti því yfir
að hann styddi ekki loftárásir á
Líbíu. „Það eina sem ríkisstjórnin ræddi í þessu sambandi var
sjálf ályktun öryggisráðsins,“ sagði Steingrímur í samtali við
flokksvefinn Smuguna, og bætti við að í stuttum umræðum í
ríkisstjórn hefði aðeins verið samhljómur um flugbann yfir Líbíu.
Allir sem hafa lesið ályktun öryggisráðsins vita að hún heim-
ilar mun víðtækari aðgerðir til varnar almenningi í Líbíu en flug-
bannið eitt og sér. Vandséð er hvernig á að verja þegna Gaddafís
fyrir hersveitum hans með öðrum ráðum en að ráðast á þær og
gera þær óvirkar. Skýring Steingríms J. er því eftiráskýring,
ætluð til að lægja öldur í eigin flokki.
Á fundi aðildarríkja Atlantshafsbandalagsins (NATO) á
sunnudag, þar sem ákveðið var að bandalagið tæki að sér stjórn
á aðgerðunum í Líbíu, átti fastafulltrúi Íslands þátt í ákvörðun-
inni, enda hafa öll aðildarríki NATO neitunarvald. Aftur gerðu
menn ráð fyrir að afstaða fastafulltrúans endurspeglaði stefnu
ríkisstjórnar Íslands.
Í fyrradag reyndi Steingrímur J. Sigfússon aftur að útvega
sér fjarvistarsönnun þegar þessa afstöðu Íslands bar á góma.
Sagðist hafa verið í Færeyjum og að vinstri grænir hefðu ekki
verið spurðir hvort þeir styddu ákvörðun um að NATO tæki að
sér stjórn aðgerðanna. Á ríkisstjórnarfundi í gær kom VG svo
andstöðu sinni á framfæri.
Þetta er líka ómerkileg eftiráskýring til heimabrúks. Þeir sem
fylgjast sæmilega með vissu mætavel að á vettvangi NATO var
unnið á fullu að undirbúningi þessarar ákvörðunar. Ráðherrum
vinstri grænna hefði að sjálfsögðu verið í lófa lagið að taka and-
stöðu sína upp fyrirfram og krefjast þess að Ísland legðist gegn
málinu. Það gerðu þeir ekki og gera málið raunar ekki að neinu
úrslitaatriði í stjórnarsamstarfinu.
Er ekki ráð að forysta VG hætti þessari hræsni og tvískinnungi
og útskýri fyrir flokki sínum að það sé orðið tímabært að hann
fullorðnist og viðurkenni að stundum eru engin önnur úrræði til
að bregðast við árásum og ógnunum en að grípa til vopna í þágu
góðs málstaðar? Það myndi stuðla að því að VG yrði það sem
suma flokksmenn langar til að hann verði; stjórntækur flokkur
sem kjósendur geta treyst til langframa.
Flokkurinn sem vill ekki verða fullorðinn:
VG í stríði
Ólafur Þ.
Stephensen
olafur@frettabladid.is
SKOÐUN