Fréttablaðið - 27.05.2011, Blaðsíða 20
„Þetta virkar bara þannig að fólk
fær hljóðverk í eyrun, sem það
hlustar á á göngu um höfnina,“
segir Þorgerður E. Sigurðar dóttir,
sem er umsjónarmaður verkefnis-
ins Innra eyrað ásamt þeim Elísa-
betu Indru Ragnarsdóttur og
Guðna Tómassyni. Um er að ræða
svokallaða hljóðgöngu sem lýst er
svo í tilkynningu: „Eyrað er dular-
fullur heimur, í því geta kviknað
magnaðar myndir. Í flóknu gang-
verki innra eyrans lifnar hljóð-
skynjun okkar og þar höldum við
líka jafnvægi í veröld sem vill
kasta okkur til og frá.“ Þorgerður
verst allra frétta af því um hvað
málið snúist nákvæmlega, segir
að því muni fólk komast að ef það
mæti í gönguna.
Öll eru þau Þorgerður, Elísabet
og Guðni dagskrárgerðarmenn á
Rás 1 hjá RÚV og því liggur beint
við að spyrja hvort um sé að ræða
einhvers konar prívat útvarps-
þátt. „Ja, það má segja að þetta
sé nokkurs konar útvarpsþáttur,“
segir Þorgerður. „Það eru þarna
ákveðin element sem fólk tengir
við útvarpsþætti, en þetta er mun
tilraunakenndara en það sem við
almennt heyrum í útvarpi, enda
miðast gangan við það að þetta
sé öðruvísi upplifun. Annars vilj-
um við sem allra minnst segja um
verkefnið, það er nauðsynlegt að
það komi á óvart.“
Þátttakendur, tuttugu í hverj-
um hópi, ganga með heyrnartól
um höfnina og fá að týnast í sínu
innra eyra í 30 mínútur. Er höfn-
in þá hluti af upplifuninni? „Verk-
efnið tengist höfninni ekki með
eiginlegum hætti,“ segir Þorgerð-
ur. „En það er ekki tilviljun að
við völdum höfnina sem vettvang
fyrir gönguna. Ástæðan fyrir því
að við völdum hana er reyndar
eitt af því sem við viljum tala sem
minnst um.“
Þorgerður segist ekki vita til
þess að slík ganga hafi fyrr verið
farin hér á landi, en slíkar göng-
ur hafi verið haldnar erlendis og
hún hafi reyndar sjálf fengið hug-
myndina sem þátttakandi í hljóð-
göngu í Stokkhólmi fyrir nokkr-
um árum. Hún verst allra frétta af
því hvort gönguleiðin sé fyrirfram
ákveðin, segir það eitt af því sem
nauðsynlegt sé að komi á óvart.
Lagt verður upp frá Listasafni
Íslands í Hafnarhúsinu báða dag-
ana klukkan 14 og 16 og þar verða
umsjónarmennirnir til staðar og
leiðbeina fólki um það hvernig
gangan fer fram, en hún er eins
og áður sagði hluti af dagskrá
Listahátíðar í Reykjavík.
fridrikab@frettabladid.is
Hljóðgöngur
um höfnina
Á morgun og á sunnudaginn verður boðið upp á hljóðgöngur um
höfnina í Reykjavík. Göngurnar eru hluti af dagskrá Listahátíðar
í Reykjavík og hefjast þær klukkan 14 og 16 báða dagana. Slíkar
göngur hafa ekki fyrr verið farnar hér á landi.
Umsjónarmenn verkefnisins Innra eyrað eru þrír dagskrárgerðarmenn af Rás 1, þau
Þorgerður E. Sigurðardóttir, Guðni Tómasson og Elísabet Indra Ragnarsdóttir.
FRÉTTABLAÐIÐ/VILHELM
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRI
MENNING
Fimmtíu ára mannréttindabaráttu fagnað
Amnesty International fagnar 50 ára
baráttu fyrir mannréttindum á morg-
un með mannréttindagöngu niður
Laugaveginn og afmælisdagskrá á
Hótel Borg. Gangan hefst við Kjörgarð
klukkan þrjú og hefur Reykjavíkur-
borg samþykkt að nefna Laugaveginn
upp á nýtt í tilefni dagsins og mun
hann heita Mannréttindavegur þenn-
an eina dag.
Lúðrasveitin Svanur leiðir gönguna
sem endar við Hótel Borg þar sem fjöldi listamanna kemur fram og skemmtir
gestum. Má þar nefna Jón Sigurðsson, Sigríði Thorlacius, Gissur Pál Gissurar-
son og fleiri. Þá munu leikararnir Jóhann Sigurðarson, Pétur Jóhann Sigfússon,
Gísli Örn Garðarsson og Sigurður Sigurjónsson flytja verkið Vindur, Hold og
andi eftir Kjartan Árnason.
Upphaf Amnesty má rekja til þess þegar breski lögfræðingurinn Peter
Benenson birti grein í breska dagblaðinu The Observer 28. maí árið 1961.
Greinina nefndi hann „Gleymdu fangarnir“ en þar hvatti hann lesendur til að
taka þátt í herferð til að fá lausa þúsundir fanga sem sátu gleymdir og yfir-
gefnir í fangelsum um allan heim á grundvelli friðsamlegrar tjáningar stjórn-
mála- og trúarskoðana. Herferðin átti aðeins að standa í ár en stendur enn.
Nú, fimmtíu árum síðar, hefur miklu verið komið til leiðar. Tugir þúsunda
hafa verið leystir úr haldi, alþjóðlegir mannréttindasamningar hafa orðið til og
margir stórir áfangar náðst. Nú stendur til að fagna því sem hefur áunnist og
taka höndum saman um að halda baráttunni áfram.
Ítölsk menningarhátíð verður haldin í Salnum í Kópavogi á sunnudag í tilefni þess
að 150 ár eru liðin frá sameiningu Ítalíu í eitt ríki. Um er að ræða hönnunar- og lista-
sýningu á vegum Ítalska félagsins á Íslandi og munu bæði íslenskir og ítalskir hönn-
uðir og listamenn taka þátt. Húsið verður opnað klukkan 19.30.
Hvað á að gera um
helgina? Hér er listi
yfir algenga helgar-
afþreyingu fjölskyldna
á heimsvísu: 1. Ferð í
dýragarðinn 2. Ferð á
safn 3. Ferð á íþrótta-
leik 4. Leikhúsferð
5. Bíóferð 6. Ferð í
skemmtigarð 7. Úti-
lega 8. Dagsdvöl í
almenningsgarði 9.
Hjólatúr 10. Keila.
Heimild:life.
familyeducation.
com
Sölustaðir:
10 -11, Inspired í Flugstöðinni, Samkaup, Nettó,
Kaskó, Fjarðarkaup, Skeljungsbúðirnar, Olís, N1,
Kaupfélag V- Húnvetninga, Kaupfélag Skagfirðinga,
Verslunin Vísir, Bláa lónið, Hreyfing, Krambúðin,
Fiskbúðin Freyja, Melabúðin.
ÍSLENSK FÆÐUBÓT
BITAFISKUR
-næring fyrir líkama og sál
vera ● Laugavegi 49
Sími 552 2020
SUMARDAGAR
Í VERU
20% afsláttur af öllum
hör fatnaði og bolum