Fréttablaðið - 11.06.2011, Blaðsíða 78

11. júní 2011 LAUGARDAGUR42 42
menning@frettabladid.is
ÁRBÆJARSAFN tileinkar morgundaginn, sunnudag, hestvögnum og vagnasmíði og af því tilefni verður þar opnuð sýningin
Kerruöldin. Auk sýningarinnar verður hægt að fylgjast með eldsmið að störfum í smiðjunni, á baðstofuloftinu verður situr kona við
tóskap og á svæðinu verður dragspilið þanið.
Tónlistarhópurinn Caput
stendur fyrir tvennum tón-
leikum í Hörpu um helgina.
Í kvöld ráða fuglar og
bassa flauta ríkjum en tón-
skáld víða að verða viðstödd
tónleikana annað kvöld.
„Að tengja saman bassaflautu og
fugla er nánast eins fáránleg hug-
mynd og hægt er að fá. En útkom-
an er mjög sérstök og ég get lofað
því að þetta verk hljómar ekki líkt
neinu öðru sem samið hefur verið,
að minnsta kosti ekki fyrir bassa-
flautu,“ segir Kolbeinn Bjarnason,
flautuleikari og annar listrænna
stjórnenda tónlistarhópsins Caput
sem stendur fyrir tvennum hljóm-
leikum í Hörpu um helgina.
Fyrri tónleikarnir fara fram í
kvöld og eru það bassaflaututón-
leikar Kolbeins í samstarfi við
norður-írska tónskáldið Simon
Mawhinney. Frumflutt verða þrjú
samstæð verk eftir Mawhinney
sem heita Xewkija, Drangar og
Cornageerie.
Kolbeinn segir Norður-Írann,
sem er mikill áhugamað-
ur um fugla, hafa feng-
ið þá hugmynd að skrifa
tónlist út frá fuglasöng.
„Hlutar verksins eru
raunar ekki eftir Simon
heldur nákvæm umskrift
af hljóðritunum af svart-
þresti, skrifað fyrir bas-
saflautu og fjórum átt-
undum neðar. Þetta er
dálítið skrýtið verk,“
útskýrir Kolbeinn. Að
auki verða á tónleikun-
um í kvöld flutt verkin
En fuglarnir munu allt-
af syngja eftir danska
tónskáldið Hans-Henrik
Nordström og Mnemo-
syne eftir Englendinginn umdeilda
Brian Ferneyhough. Síðarnefnda
verkið segist Kolbeinn nánast
ávallt leika á tónleikum á ferðum
sínum erlendis.
Hópurinn lætur ekki staðar
numið þar heldur stendur hann
fyrir öðrum tónleikum í Hörpu
annað kvöld. Þá leikur Caput-sveit-
in í fullri stærð verkið Hrím eftir
Önnu S. Þorvaldsdóttur og að auki
verk eftir Gunnar Andreas Krist-
insson, Luis Tinoco,
Chrichan Larson og
téðan Simon Mawhinney.
Stjórnendur eru þeir
Guðni Franzson og
Snorri Sigfús Birgisson.
Kolbeinn lofar einni
allsherjar tónskálda-
veislu á hljómleikum
sunnudagsins. „Okkur
hefur lengi dreymt um
að Harpa geti orðið það
heimili okkar í Reykja-
vík sem okkur hefur
alltaf vantað og ákváð-
um því að byrja þetta
„grand“. Því buðum við
öllum tónskáldunum
sem eiga verk á sunnu-
dagskvöldinu, fyrir utan Önnu
sem býr í Kaliforníu, til landsins
til að vera viðstödd á tónleikunum.
Þau eru öll afar hrifin af Hörpu.
Simon Mawhinney, sem kemur frá
Belfast, hafði meira að segja á orði
að hann vildi óska þess að slíkt hús
væri til staðar í heimaborg sinni,“
segir Kolbeinn og hlær.
Báðir tónleikarnir hefjast klukk-
an 20 og eru miðar seldir á midi.is.
kjartan@frettabladid.is
Að tengja
saman bassa-
flautu og fugla
er nánast
eins fáránleg
hugmynd og
hægt er að fá.
KOLBEINN
BJARNASON
Fuglasöngur og allsherjar
tónskáldaveisla í Hörpu
FUGLASÖNGUR Norður-Írinn, tónskáldið og fuglaáhugamaðurinn Simon Mawhinney og flautuleikarinn Kolbeinn Bjarnason taka
saman höndum í Hörpu í kvöld. Kolbeinn segir útkomuna úr því að tengja saman bassaflautu og fuglasöng vera mjög sérstaka.
FRÉTTABLAÐ/GVA
Tónlist ★★
Barbara Bonney
Listahátíð Reykjavík
Barbara Bonney ásamt píanó-
leikaranum Thomas Schu-
back í Hörpu á Listahátíð í
Reykjavík
Viðskiptafundur,
ekki tónleikar
Það olli mikilli
eftirvæntingu
í tónlistar-
heiminum á
Íslandi (hjá
elítunni, ha ha)
þegar fréttist
að sópransöng-
konan Barbara
Bonney myndi
koma fram á lokatónleikum Listahá-
tíðarinnar í Hörpu. Bonney er jú ein
fremsta söngkona heims, hún hefur
einstaklega fallega rödd og túlkar
alls konar tónlist af næmi og innsæi.
Hvílíkur hvalreki fyrir tónlistarlífið!
En tónleikarnir ollu nokkrum
vonbrigðum. Fyrir hlé flutti Bonney,
ásamt píanóleikaranum Thomas
Schuback, Dichterliebe eftir Schu-
mann. Þessi ljóðaflokkur er oftar
sunginn af karlmanni, en látum
það liggja milli hluta. Innhverfan í
túlkuninni var einfaldlega of mikil.
Bonney söng flest í lágum hljóðum.
Fínleg smáatriði, þar sem alls konar
tilfinningar eiga að vera gefnar í skyn
fremur en að þeim sé otað framan
í áheyrendur, fóru á mis. Það var
eins og söngkonan kæmist aldrei út
úr sjálfri sér. Hún var í eigin heimi
og hleypti fólki ekki að. Áheyrendur
þurftu að liggja á hleri allan tímann.
Píanóleikurinn var líka fremur
daufur og óspennandi. Kannski
hefði bætt að hafa flygilinn alveg
opinn, hljómurinn var leiðinlega
flatur, jafnvel mattur. Píanistinn
spilaði samt vel, hann fylgdi söng-
konunni prýðilega og allar nótur
voru á sínum stað. Það var bara ekki
nóg.
Stemningin skánaði eftir hlé.
Nokkur lög eftir Grieg voru fyrst
á dagskránni, röddin var bjartari
og fyllri, flutningurinn óheftari og
athyglisverðari. Og lög eftir Richard
Strauss voru kraftmikil og safarík.
En samt komst Bonney aldrei
almennilega í gang. Maður hafði
á tilfinningunni að hún væri á við-
skiptafundi, ekki á sviðinu í Hörpu.
Ég get því miður ekki gefið
þessum tónleikum sérlega góða
einkunn. Þeir voru einfaldlega of
leiðinlegir. Jónas Sen
Niðurstaða: Furðulega litlausir
tónleikar með annars frábærri
söngkonu.
Hagþenkir, félag höfunda fræði-
rita og kennslugagna, úthlutaði á
fimmtudag styrkjum til 31 verk-
efnis. Alls var sótt um 72 starfs-
styrki til ritstarfa og hlutu sext-
án höfundar hæsta styrk, 600.000
krónur.
Í úthlutanaráði fyrir árið 2011
voru Hrefna Róbertsdóttir sagn-
fræðingur, Snorri Baldursson
náttúrufræðingur og Hulda Þór-
isdóttir stjórnmálasálfræðingur.
Meðal höfunda sem hlutu hæst-
an styrk má nefna Guðjón Frið-
riksson fyrir verkefnið Allt um
Reykjavík, Margréti Elísabetu
Ólafsdóttur fyrir sögu íslenskr-
ar vídeólistar og Stefán Pálsson
fyrir sögu og leturgerð bókstafs-
ins „Г.
Hagþenkir veitir styrki
Styrkþegar Hagþenkis árið 2011.
FORSÍÐA VIÐSKIPTI ÍÞRÓTTIR LÍFIÐ UMRÆÐAN
Meiri Vísir.
ÞÚ ERT MEÐ
FRÆGA FÓLKIÐ
Í VASANUM
MEÐ VÍSI
m.visir.is
Fáðu Vísií símann!