Fréttablaðið - 20.07.2011, Qupperneq 8

20. júlí 2011 MIÐVIKUDAGUR8
1 Hvaða leikari og söngvari mun
fara með aðalhlutverk í Gulleyjunni
í haust?
2 Hvað heitir ný þáttaröð Ragnars
Bragasonar?
3 Hversu margir gengu um
göngugötuna á Laugavegi 12. júlí
síðastliðinn?
SVÖR
1. Björn Jörundur Friðbjörnsson 2.
Heimsendir 3. 14 þúsund manns
LANDBÚNAÐUR Nú er svo komið
að bændur eru farnir að huga að
búnaði til að vökva akra og tún,
segir Ægir Jóhannesson, bóndi að
Jörfa í Víðidal.
Víða um land er spretta með
minnsta móti og að sögn Ægis
gæti svo farið að það yrði eng-
inn seinni sláttur vegna þurrka.
„Kannski verður ekki nema einn
sláttur hjá mörgum sauðfjár-
bændum í ár,“ segir hann. „Þeir
slá kannski seinnipartinn í þess-
um mánuði og
nota það sem
eft i r kemur
sem beit á túnin
í haust. Menn
þurfa að sjá til
og vera svolítið
útsjónarsamir í
þessu ástandi.“
Ægir er kúa-
bóndi en er
einnig með 30
hektara korn-
akur sem finnur ekki síður fyrir
þurrkum. „Þetta ætti að vera
farið að skríða en það bólar ekk-
ert á því enn þá,“ segir hann.
Hann segir einnig marga bændur
vera farna að ræða þennan mögu-
leika.
Hann útilokar ekki að vera
kominn með búnað og tæki til að
vökva næsta sumar. „Ætli þetta sé
ekki þriðja sumarið sem er svona
verulega þurrt og maður verður
bara að bregðast við þessu með
einhverjum hætti. Ég hef verið
að kynna mér þennan búnað og
ætla að taka mér haustið til þess
að gera það upp við mig.“
Á Vestfjörðum voru bænd-
ur einnig víða í vanda vegna
þurrka. Þó var Jónatan Magnús-
son, bóndi á Hóli í Önundarfirði,
ánægður með fyrri sláttinn. „Við
fengum náttúrulega svo mikinn
raka seinnipartinn í maí þegar
það snjóaði, en síðan þá höfum
við varla fengið dropa úr lofti
og nú er farið að brenna á túnum
þannig að ef það fer ekki að rigna
þá er útlitið ekki gott fyrir seinni
slátt,“ segir hann.
En kýrnar á Hóli þekkja einnig
annars konar skort en á rigningu.
Jónatan er vanur að gefa þeim
kalkþörung frá Kalkþörungaverk-
smiðjunni á Bíldudal. „Það klárað-
ist há mér um daginn og þá leið
heil vika sem þær fengu ekkert og
þá byrjuðu þær strax að fá doða
og urðu bara veikar og slappar,“
segir hann. jse@frettabladid.is
Tún og akra þarf að vökva
Bóndinn á Jörfa farinn að huga að búnaði til að vökva tún og akra. Víða um land er spretta með minnsta
móti og er þetta þriðja þurrkasumarið í röð. Bóndi í Önundarfirði kveðst þakklátur fyrir vorhretið.
JÓNATAN
MAGNÚSSON
VÍSINDI Ómönnuð geimflaug
Geimferðastofnunar Bandaríkj-
anna (NASA) komst nýverið á
braut um loftstein í loftsteinabelt-
inu á milli Mars og Júpíters.
Gögn frá flauginni munu nýt-
ast til að ná því markmiði Bar-
acks Obama Bandaríkjaforseta
að mannað geimfar lendi á loft-
steini fyrir árið 2025.
Loftsteinninn heitir Vesta, og
mun geimflaugin Dögun vera á
braut um hann þar til hún heldur
áfram ferð sinni um geiminn í
júlí á næsta ári. - bj
Ómönnuð flaug við loftstein:
Vilja mann á
loftstein 2025
HEYSKAPUR Vegna þurrka hefur spretta verið með minnsta móti víða um land í sumar. Ástandið var betra fyrir fáeinum árum
þegar þessi mynd var tekin á Snæfellsnesi. FRÉTTABLAÐIÐ/PJETUR
VIÐSKIPTI Hömlur, dótturfélag
Landsbankans, hefur gengið frá
sölu á fyrirtækinu Pizza-Pizza til
hóps fjárfesta undir forystu Birg-
is Þórs Bieltvedt. Pizza-Pizza er
umboðsaðili Domino‘s á Íslandi
og rekur fjórtán sölustaði.
Hópur Birgis átti hagstæðasta
tilboðið í opnu söluferli en alls
bárust tuttugu óskuldbindandi
tilboð.
Söluverð hlutafjárins er 210
milljónir króna en að auki nema
vaxtaberandi skuldir 350 millj-
ónum króna.
Birgir stofnaði félagið Pizza-
Pizza árið 1993 og kom að rekstri
þess til ársins 2005. Hann kveðst
vera spenntur fyrir því að takast
að nýju á við þetta verkefni. - mþl
Birgir Þór Bieltvedt kaupandi:
Gengið frá sölu
á Domino‘s
DOMINO’S Landsbankinn hefur gengið
frá sölu á Domino‘s veitingastaðakeðj-
unni í kjölfar fjárhagslegrar endurskipu-
lagningar félagsins. FRÉTTABLAÐIÐ/STEFÁN
MANNLÍF Frystihúsið í Flatey á
Breiðafirði gengur nú í endurnýjun
lífdaga en Lísa Kristjánsdóttir segir
ýmsar hugmyndir uppi um nýtt hlut-
verk þess. Félagið Þrísker, sem Lísa
fer fyrir, stendur fyrir framkvæmd-
unum.
„Það eru uppi hugmyndir um að
hafa þarna biðsal, veitingasölu eða
safn, nú eða allt þetta,“ segir Lísa.
Búið er að teikna íbúðir á efri hæð
hússins sem leigðar verða út. Nú
þegar hefur Bryggjubúð verið opnuð
í húsinu en þar er seldur ýmis varn-
ingur er tengist eynni á einn eða
annan hátt, segir hún. „Eins seljum
við malt og appelsín svona til að ýta
undir nostalgíuna,“ bætir hún við.
„Þetta hús er minnisvarði um
þá stefnu stjórnvalda að reyna að
bjarga hverju byggðarlagi með því
að koma þar niður frystihúsi,“ segir
Lísa „Ekki ósvipað því sem stjórn-
völd hafa verið að reyna á undan-
förnum árum með álverum. Sem
betur fer eru þó frystihúsin mun
fallegri hús og starfsemi þeirra öllu
umhverfisvænni.“
Frystihúsið var reist árið 1950,
en þá bjuggu um 150 manns í eynni.
Síðast var fiskvinnsla þar árið 1996
en þá voru söltuð þar hrogn. - jse
Frystihúsið í Flatey gert upp en vinnslu var hætt þar fyrir fimmtán árum:
Úr hrognasöltun í ferðamennsku
FRYSTIHÚSIÐ Í FLATEY Eins og sjá má
er komð nýtt þak á hluta hússins. Inni
er hvorki að finna flattan fisk né hrogn í
tunnum heldur varning fyrir ferðamenn.
MYND/LÍSA KRISTJÁNSDÓTTIR
VEISTU SVARIÐ?