Fréttablaðið - 02.08.2011, Blaðsíða 10
2. ágúst 2011 ÞRIÐJUDAGUR10
Fastus ehf. | Síðumúla 16 | 108 Reykjavík | Sími 580 3900 | www.fastus.is
Fyrir börn frá 6 mánaða - 5 ára
Hægt að leggja saman og taka með
Verð frá
16.900
Barnasæti
VARÐANDI IRISH LIFE AND
PERMANENT GROUP
HOLDINGS PLC („ILPGH“) og
IRISH LIFE AND PERMANENT
PLC („ILP“) og
ÍRSKU LÖGIN UM
LÁNASTOFNANIR
(CREDIT INSTITUTIONS
(STABILISATION) ACT 2010)
(„lögin“)
Yfirréttur Írlands á sviði einkamálaréttar (The
High Court of Ireland) kvað upp eftirfarandi
úrskurð með fyrirmælum hinn 26. júlí 2011 í
samræmi við 9. gr. laganna:
Félaginu ILPGH er gert inter alia að gera vissar ráðstafanir
til að gera fjárfestingu írska fjármálaráðuneytisins
(„ráðuneytisins“) að fjárhæð allt að €3.800.000.000 evra í
ILPGH mögulega, þ.m.t., án þess að takmarkast við, að
heimila aukningu á almennu hlutafé ILPGH og breyta
útgefnu hlutafé og heimilu en óútgefnu hlutafé, taka upp
nýjar samþykktir og breyta stofnsamningi félagsins, gefa út
og afhenda ráðuneytinu almenn hlutabréf í ILPGH og ganga
til tiltekinna samninga við ILP og aðra aðila til að greiða
fyrir fjárfestingunni.
Félaginu ILP (sem er lánastofnun með starfsleyfi á Írlandi)
er gert inter alia að gera vissar ráðstafanir í tengslum við
ofangreinda fjárfestingu ráðuneytisins, þ.m.t. að gefa út
skilyrt skuldabréf (e. contingent capital notes) til handa
ráðuneytinu og ganga til tiltekinna samninga við ILPGH og
aðra aðila til að greiða fyrir fjárfestingunni.
Dómstóllinn lýsti því inter alia yfir að úrskurðurinn og hver
hluti hans að því leyti sem hann snýr að og er kveðinn upp
í tengslum við ILP er endurskipulagningarráðstöfun í
skilningi tilskipunar Evrópuþingsins og ráðsins 2001/24/EB
frá 4. apríl 2001.
Samkvæmt 11. gr. laganna er heimilt að leggja fram beiðni
um að víkja til hliðar úrskurðarfyrirmælunum, með þeim
skilmálum sem lögin kveða á um, til yfirréttar Írlands á
sviði einkamálaréttar (the High Court of Ireland, at the
Four Courts, Inns Quay, Dublin 7, Írlandi) ekki síðar en
5 virkum dögum eftir uppkvaðningu úrskurðarins.
Samkvæmt 2. tl. 64. gr. laganna er ekki unnt að áfrýja
úrskurðarfyrirmælunum til hæstaréttar Írlands nema með
heimild yfirréttarins.
Eintök af úrskurðinum í heild eru fáanleg frá skrifstofu
yfirréttarins með því að senda tölvupóst á
listroomhighcourt@courts.ie
ÞÝSKALAND Horst Mahler, þýskur
lögfræðingur sem sat í fangelsi
vegna tengsla við Rauðu herdeild-
irnar í V-Þýskalandi, er nú grun-
aður um að hafa verið njósnari
fyrir Stasi. Mahler situr nú í fang-
elsi fyrir að afneita því að Helförin
hafi átt sér stað.
Mahler er einn stofnandi her-
deildanna, sem eru einnig þekkt-
ar sem Baader-Meinhof. Hann
sat inni vegna tengsla við hryðju-
verkasamtökin, sem voru flokkuð
til vinstri á litrófi stjórnmálanna.
Í fangelsi varð hann maóisti, en
á síðari árum hefur hann orðið
kunnur máls-
vari hægrisinn-
aðra þjóðernis-
sinna.
Samkvæmt
frétt í Guardi-
an benda gögn
um morðið á
Benno Ohne-
sorg árið 1967,
bendir nú allt
til að Mahler hafi verið á mála
hjá austur-þýsku leynilögregl-
unni Stasi. Fyrr hefur komið fram
að lögreglumaðurinn sem skaut
Ohnesorg, Karl-Heinz Kurras,
var á mála hjá Stasi. Mahler var
lögmaður ekkju Ohnesorg í máli
hennar gegn ríkinu.
Morðið á Ohnesorg vakti bylgju
mótmæla í V-Þýskalandi og víðar.
Hann tók þátt í mótmælum gegn
komu Íranskeisara. Um fyrstu
pólitísku mótmæli Ohnesorg var að
ræða. Eftir átök útsendara keisar-
ans og mótmælenda sauð upp úr og
Kurras, sem þá var í borgaralegum
klæðum, skaut Ohnesorg til bana.
Morðið varð kveikja vinstri-
bylgju víða um heim og vitnuðu
hryðjuverkamenn oftar en ekki til
þess. - kóp
Fyrrverandi félagi í Baader-Meinhof situr í fangelsi fyrir að afneita Helförinni:
Grunaður um vinnu fyrir Stasi
HORST MAHLER
ÍÞRÓTTIR Annie Mist Þóris dóttir
gerði sér lítið fyrir og vann
Heimsleikana í Crossfit um
helgina í Home Depot Center í
Carson í Kaliforníu. Sigur Annie
var einkar glæsilegur en hún fékk
842 stig en heimsmeistari síðasta
árs, Kristan Clever, varð önnur
með 799 stig.
Annie og Clever voru hlið við
hlið í brautinni í þremur síðustu
greinunum og því mikil keppni
þeirra á milli en stutt hvíld var á
milli hverrar greinar í lokin. „Ég
vissi að ég var með ellefu stiga
forskot þegar við fórum inn í síð-
ustu keppnina. Ég hugsaði ekki
um annað en að vinna hana í öllum
greinunum í lokin og mér tókst
það,“ sagði Annie í samtali við
Fréttablaðið frá Bandaríkjunum
skömmu eftir að hún vaknaði en
þá var sigurinn enn að síast inn.
„Mér líður ótrúlega vel. Það er
erfitt að lýsa því. Maður er himin-
lifandi, það er ótrúleg tilfinn-
ing að ná þessum áfanga,“ sagði
Annie, sem fór með það markmið
til Bandaríkjanna að vinna mótið
þó hún segist ekki hafa búist bein-
línis við því að sigra.
„Maður er búinn að leggja
gífur lega mikið á sig, síðasta árið
sérstaklega. Ég náði öðru sæti í
fyrra og þá fór maður að hugsa
að maður ætti séns og þá leggur
maður allt í þetta. Ég er með tvo
erlenda þjálfara og fylgi æfinga-
áætlun frá þeim. Ég æfi á morgn-
ana og seinni partinn og síðan er
ég líka að kenna crossfit þannig
að lífið hefur verið crossfit síðasta
árið.“
„Aðstæður til æfinga í Boot
Camp eru alveg nógu góðar fyrir
þetta ef maður tekur nóg á,“ sagði
Annie hlæjandi og bætti við: „Ég
er í miklu sambandi við þjálfar-
ana mína erlendis og hef farið út
til að hitta þjálfara sem mig hefur
vantað að hitta, þjálfara í ólymp-
ískum lyftingum og fleiru,“ sagði
Annie, sem er með samning við
Reebok sem fjármagnaði þátttöku
hennar í Heimsleikunum.
„Áður en ég náði samningi við
Reebok fór ég víða að reyna að
safna styrkjum þar sem ÍSÍ hjálp-
aði ekkert og það er erfitt að fá
styrki frá fyrirtækjum þegar
íþróttin er ekki innan ÍSÍ. Þess
vegna hef ég skoðað leiðir til að
komast inn í ÍSÍ, bæði í gegnum
frjálsar íþróttir eða lyftinga-
sambandið, og vonandi á það eftir
ganga eftir einhvern tímann.
Þetta er íþrótt,“ sagði Annie Mist.
Allir keppendur fóru í lyfjapróf að
mótinu loknu að sögn Annie, sem
er hvergi hætt enda aðeins 21 árs
gömul.
„Ætli ég þurfi ekki bara að
stefna að því að verða fyrsta
manneskjan til að vinna tvö ár í
röð. Ég veit ekki hvert ég stefni
en á meðan ég hef svona gaman
af crossfit þá held ég áfram.“
- gmi
Annie Mist hraust-
asta kona í heimi
„Lífið hefur verið crossfit,“ segir hin 21 árs gamla Annie Mist Þórisdóttir sem
stefnir á að koma íþróttinni í Íþróttasamband Íslands. Hún fékk 29 milljónir
íslenskra króna fyrir sigur á Heimsleikunum í Kaliforníu um helgina.
Ætli ég þurfi ekki bara
að stefna að því að
verða fyrsta manneskjan til
að vinna tvö ár í röð.
ANNIE MIST ÞÓRISDÓTTIR
LOKAÁTÖKIN Annie Mist Þórisdóttir sést hér taka vel á því í síðustu greininni þar sem
hún tryggði sér sigurinn. MYND/DAÐI HRAFN SVEINBJARNARSON
HÁTÍÐARHÖLD Milli tíu og tólf þúsund manns nutu veður-
blíðunnar á Egilsstöðum um helgina þar sem Unglinga-
landsmót UMFÍ fór fram.
Lögreglan í Fjarðabyggð segir hátíðina hafa farið vel
fram en helst þurfti að hafa eftirlit með umferðinni,
sem var mikil.
Björn Ármann Ólafsson, formaður unglingalands-
mótsnefndar, var glaður með hvernig til tókst um
helgina: „Það var helst að gestir kvörtuðu yfir of mikl-
um hita en hann fór upp í 23 stig á laugardeginum.“
1.240 krakkar voru skráðir til leiks á mótinu, sem
lauk með flugeldasýningu á sunnudagskvöldið. Um 200
börn tóku þátt í sérstakri skemmtun fyrir tíu ára og
yngri, Vilhjálmsleikunum, en það voru synir Vilhjálms
Einarssonar sem sáu um keppnina.
Öll tjaldsvæði á Egilsstöðum og nágrenni voru full
og fór allt fram með besta móti. „Þetta er fjölskyldu-
skemmtun og ég hef ekki orðið var við nein læti hér.
Hér var fólk almennt að njóta sín saman,“ segir Björn.
- áp
Fjórtánda unglingalandsmót UMFÍ fór fram á Egilsstöðum um helgina:
Veðurblíðan lék við gesti
STOKKIÐ Í GÓÐA VEÐRINU Um tólf þúsund manns voru
samankomnir í blíðskaparveðri á Egilsstöðum um helgina.
FRÉTTABLAÐIÐ/VALLI