Fréttablaðið - 22.08.2011, Blaðsíða 42

22. ágúst 2011 MÁNUDAGUR22 22
menning@frettabladid.is
Ljósmyndir af listamönnunum Fridu Kahlo
og Diego Rivera eru til sýnis í Gerðubergi
um þessar mundir, en þær fanga ástríðufull
augnalik sambands þeirra og varpa ljósi á
einn stærsta atburð mexíkóskrar sögu, bylt-
inguna á fyrri hluta tuttugustu aldar.
Diego og Frida hittust fyrst 1922 og urðu
síðar leiðtogar nýrrar kynslóðar listamanna
sem aðhylltust félagslegar og stjórnmálaleg-
ar umbætur. Er því haldið fram að samband
þeirra hafi verið í takt við þá stjórnmála-
þróun sem umbreytti Mexíkó. Myndirnar
lýsa hvernig líf þeirra fléttast inn í sögu-
lega atburði, verkalýðsátök og kynni þeirra
af Julio Antonio Mella og Leon Trotsky.
Eftir byltinguna barðist Diego Rivera í
skotgröfum kommúnista og Frida Kahlo
gekk í flokkinn sem virkur baráttu maður
ungra kommúnista. Diego var hylltur á
þessum tíma um víða veröld og talinn einn
markverðasti listamaður 20. aldar. Árið
1930 bauðst Diego að vinna veggmynd í San
Francisco og fluttu þau Frida til
Bandaríkjanna, meðal annars
vegna lélegs efnahagsástands í
Mexíkó. Diego var einnig feng-
inn til að gera veggmynd í
Rockefeller Center en henni var
eytt nokkrum árum síðar vegna
þess að Diego hafði þá Lenín og
Trotsky í myndinni.
Sýningin, sem er í samstarfi
við sendiráð Mexíkó, spænsku-
deild HÍ og mexí-
kósk þjóðarsöfn, er
liður í að minnast
þess að nú eru yfir
100 ár liðin frá fæð-
ingu Fridu Kahlo og
byltingunni í Mexíkó
og 50 ár frá dauða
Diegos Rivera. Hún
stendur til 4. septem-
ber.
Ástríða, list og pólitík
Konan við 1000° er titill væntan-
legrar bókar Hallgríms Helga-
sonar sem JPV gefur út í haust.
Bókin fjallar um gamla konu sem
liggur fyrir dauðanum, og býr í
bílskúr í Reykjavík ásamt einni
fartölvu og handsprengju úr
seinna stríði. Hún kemur einnig út
í Þýskalandi í haust þar sem hún
ber heitið Eine Frau bei 1000°.
Þetta er fyrsta skáldsaga Hall-
gríms síðan 2008, þegar 10 ráð til
að hætta að drepa fólk og byrja að
vaska upp kom út. Árið 2009 gaf
hann þó út sína fyrstu barnabók,
sem heitir Konan sem kyssti of
mikið: ástarsaga fyrir börn.
Bók væntan-
leg á þýsku
og íslensku
Útgáfutónleikar plötunnar Segið
það móður minni verða á Café
Rosenberg í kvöld. Á plötunni,
sem kom nýverið út, eru 14 lög við
kvæði Davíðs Stefánssonar frá
Fagraskógi. Öll
lögin eru eftir
Ingólf Steinsson
nema eitt sem
er eftir Sigvalda
Kaldalóns.
Ingólfur og
dætur hans
Arnþrúður
og Sunna
syngja lögin en þeim til
aðstoðar eru hljóðfæraleikararn-
ir Ingólfur Steinsson, Vilhjálmur
Guðjónsson, Ásgeir Óskarsson,
Lárus H. Grímsson, Gísli Helga-
son og Jón Guðmundsson. Lögin
sem heyrast á þessari plötu eru
frá alllöngu tímabili. Það elsta, Á
Dökkumiðum, er samið í Grjóta-
þorpi 1991 en það yngsta, Ég sigli
í haust, í Svíþjóð 2009.
Á tónleikum kvöldsins mun
Arnþrúður einnig kynna lög af
væntanlegri plötu sinni.
Lög við ljóð
Davíðs Stef-
ánssonar
September verður tileinkaður
menntavísindum í Háskóla
Íslands. Í tilefni af því stendur
Menntavísindasvið fyrir ýmsum
viðburðum og fyrirlestrum.
Dagskráin hefst hinn 1. septem-
ber með öndvegisfyrirlestri dr.
Lindu Darling-Hammond, pró-
fessors í menntavísindum við
Stanford-háskóla. Laugardaginn
3. september verður opinn dagur
á Laugarvatni en 17. september
verður opið hús í húsnæði Mennta-
vísindasviðs við Stakkahlíð.
Þá býður Menntavísindasvið for-
eldrum upp á örfyrirlestra öll mið-
vikudagskvöld í september, sem
fjalla um uppeldisaðferðir, nær-
ingu barna, sjálfbærni í menntun
og tónlist og börn. Nánari upplýs-
ingar um dagskrána má finna á
heimasíðu Háskóla Íslands.
Menntavís-
indi í öndvegi
HLJÓMSVEITIN ADHD treður upp á Djasshátíð Reykjavíkur í kvöld. Hljómsveitin, sem áður var þekkt
sem ADHD800, var stofnuð í febrúar 2008, upphaflega til að taka þátt í blúshátíð á Höfn í Hornafirði. Árið
2009 kom út samnefnd plata, sem fékk frábæra dóma. Nú í ágústmánuði er síðan ný plata væntanleg með
sveitinni. Tónleikarnir hefjast klukkan níu í Hörpu.