Fréttablaðið - 05.09.2011, Blaðsíða 43
MÁNUDAGUR 5. september 2011 23
FÉLAGAR MEÐ PREMIUM ICELANDAIR
AMERICAN EXPRESS® FRÁ
KREDITKORTI GREIÐA EKKERT
ÁRGJALD Í ICELANDAIR GOLFERS
+ Skráðu þig í
Icelandair Golfers á
www.icelandairgolfers.is
Icelandair Golfers er klúbbur
sem auðveldar þér að spila
golf út um allan heim.
Golfsettið
ferðast frítt!
Þú nýtur þessara hlunninda:
þegar þú ferðast með Icelandair.
aðilum Icelandair Golfers.
HANDBOLTI Landsliðsmaðurinn
Arnór Atlason spilaði í fimm
mínútur um helgina í öruggum
sigri Danmerkurmeistara AGK á
Skjern. Þetta var fyrsti leikur Arn-
órs með liðinu á þessari leiktíð en
hann hefur ekkert spilað síðan
hann lék með landsliðinu í sumar.
Arnór tognaði illa á læri í upphafi
æfingatímabilsins og hefur verið
talsvert lengi frá síðan.
„Þetta er búið að vera bölvað
basl. Ég æfði aðeins tvisvar fyrir
leikinn og gerði allt til þess að vera
til taks. Það var kannski ekki mjög
skynsamleg ákvörðun að spila en
þetta slapp. Það var æðislegt að
komast aftur á völlinn og gott að
vinna Skjern örugglega en það
er eitt af betri liðunum í deild-
inni og þeir segjast vera orðnir
svo góðir. Hafa aðeins verið að
rífa kjaft og það var fínt að þagga
niður í þeim,“ sagði Arnór. Jafnt
var í tölum í fyrri hálfleik en
AGK tók völdin í síðari hálfleik og
vann öruggan sigur, 28-20. Arnór
gerir ráð fyrir því að Bjerringbro
veiti AGK mesta keppni í vetur en
Skjern, Álaborg og Kolding komi
þar á eftir.‘
Arnór segir að það sé frábær
stemning í kringum danska ofur-
liðið sem fyrr. Fram undan er
spennandi þáttaka í Meistaradeild-
inni og athygli fjölmiðla á liðinu
mikil sem fyrr.
„Það var stútfullt hús og stemn-
ing. Allur hópurinn er tilbúinn
í slaginn og menn bíða spenntir
eftir Meistaradeildinni. Það eru
margar sterkar týpur í þessu liði.
Sigurvegarar þannig að það er
mikil keppni og enginn slakar á.
Við megum það ekki heldur enda
bíða allir eftir því að við töpum
leik. Liðin á Jótlandi tala fjálglega
um að þau ætli að vinna okkur og
það er bara frábært.“
Alls eru fjórir Íslendingar í
liði AGK í vetur. Arnór og Snorri
Steinn Guðjónsson voru þar fyrir
og í sumar gengu þeir Guðjón
Valur Sigurðsson og Ólafur Stef-
ánsson í raðir liðsins.
„Það er frábært að fá þá. Þeir
eru fyrst og fremst heimsklassa-
leikmenn sem styrkja liðið. Óli
hefur ekkert verið með en Gaui
gefur okkur 5-6 aukamörk úr
hraðaupphlaupum í leik, sem er
snilld. Þeir styrkja liðið mikið og
gaman að fá þá,“ sagði Arnór Atla-
son. - hbg
Arnór Atlason sneri aftur á völlinn um helgina:
Það bíða allir eftir
því að við töpum leik
MÆTTUR AFTUR Arnór fékk aftur harpix á puttana um helgina. MYND/OLE NIELSEN