Fréttablaðið - 28.09.2011, Side 50

28. september 2011 MIÐVIKUDAGUR30
sport@frettabladid.is
Þjálfaranámskeiðs 1. stigs
Frjálsíþróttasambandið býður upp á alþjóðlegt þjálfaranámskeið á 1. stigi
í haust. Þetta námskeið er einkum ætlað þjálfurum sem sinna börnum og
unglingum, en einnig þeim sem sinna almennri þjálfun í sínum félögum.
Námskeiðið verður kennt í þremur áföngum, sem hér segir:
1. 30. sept. til 2. okt.
2. 14. – 16. okt.
3. Ákv. í samráði við þátttakendur.
Fyrstu helgina verður m.a. farið yfir grunnatriði námskeiðsins, Krakkafrjálsar
(Kids Athletics), almenn atriði þjálfunar og uppbyggingu íþróttamannsins, vöxt
og þroska. Aðra helgi verður farið í grunnatriði í einstökum greinum og þriðju
helgina verður m.a. varið til verklegrar þjálfunar. Námskeiðinu lýkur með prófi
og einstaklingsviðtölum.
Námskeiðið eru hluti af fræðsluáætlun Alþjóðafrjálsíþróttasambandsins (IAAF)
og heitir Coaches Education and Certification System, (CECS) og veitir þátttaka í
námskeiðinu alþjóöleg þjálfararéttindi. Kennsla fer fram í Laugardal í Reykjavík
og hefst kl. 18 nk. föstudag í sal C í Íþróttamiðstöð ÍSÍ, Engjavegi 4. Námskeiðs-
gjald er kr. 25.000 og eru kennslugögn innifalin.
Áhugasamir skrái sig á fri@fri.is sem fyrst. Nánari upplýsingar eru einnig veittar
í þetta netfang.
ÞÓR/KA mætir í dag þýska stórliðinu Turbine Potsdam í fyrri leik liðanna í 32 liða úrslitum Meistaradeildar
kvenna á Þórsvelli á Akureyri klukkan 16.15. Potsdam vann keppnina árið 2010 og komst svo aftur í úrslitaleikinn
í fyrra. Liðin mætast svo í síðari leik liðanna ytra í næstu viku.
Leikir kvöldsins
E-riðill
18.45 Valencia - Chelsea Sport & HD
18.45 Bayer Leverkusen - Genk
F-riðill
18.45 Arsenal - Olympiakos Sport 3
18.45 Marseille - Dortmund
G-riðill
16.00 Zenit St. Pétursborg - Porto
18.45 Shakhtar Donetsk - APOEL
H-riðill
18.45 BATE - Barcelona Sport 4 (ólæst)
18.45 AC Milan - Viktoria Plzen
FÓTBOLTI Átta leikir fara fram í
Meistaradeild Evrópu í kvöld og
verða mörg stórlið evrópskrar
knattspyrnu í eldlínunni.
Arsenal er nú komið á smá skrið
eftir 3-0 sigur á Bolton í ensku
úrvalsdeildinni um helgina og
getur í kvöld gert enn betur með
sigri á Olympiakos í Meistaradeild
Evrópu. Arsene Wenger, stjóri
Arsenal, mætir þó með vængbrot-
ið lið til leiks því að þeir Gervinho,
Laurent Koscielny og Theo Wal-
cott, sem var frábær gegn Bolton,
missa allir af leiknum í kvöld
vegna meiðsla.
Einnig var staðfest í gær að Jack
Wilshere yrði frá í minnst fjóra
mánuði eftir að hafa gengið undir
aðgerð á ökkla. Alls eru fjórir leik-
menn Arsenal til viðbótar enn frá
vegna meiðsla og því ljóst að það
getur enn brugðið til beggja vona
fyrir þá rauðklæddu í kvöld.
Hitt Lundúnaliðið í Meistara-
deildinni, Chelsea, fær erfitt
verkefni í kvöld því liðið mætir
Valencia á útivelli. Juan Mata,
sem var keyptur til Chelsea í síð-
asta mánuði, snýr því aftur á sinn
gamla heimavöll í kvöld. Valencia
gerði óvænt jafntefli við Genk í
síðustu umferð og reiknar André
Villas-Boas, stjóri Chelsea, því
með erfiðum leik í kvöld.
„Ég átt von á því að Valencia
myndi vinna þann leik. Þeir ætla
sér því sigur í kvöld en það er líka
ljóst að sigur myndi setja okkur í
mjög þægilega stöðu í riðlinum.“
Barcelona og AC Milan mæta
bæði veikari andstæðingum í
kvöld en það eru góðar fréttir
fyrir síðarnefnda liðið að Zlatan
Ibrahimovic er aftur orðinn leik-
fær eftir meiðsli. Milan hefur
verið í framherjaveseni þar sem
þeir Pato og Robinho eru báðir
meiddir. Gamla brýnið Pippo
Inzaghi er heill en hann er ekki á
leikmannalista liðsins í Meistara-
deildinni. - esá
Annarri umferð riðlakeppni Meistaradeildar Evrópu lýkur í kvöld:
Enn lengist meiðslalisti Arsenal
FÆR JAPANINN SÉNS? Arsene Wenger
ræðir hér við hinn átján ára Ryo Miyaichi
á æfingu Arsenal í gær. NORDIC PHOTOS/GETTY
Meistaradeild Evrópu
A-RIÐILL
Bayern München - Manchester City 2-0
1-0 Mario Gomez (38.), 2-0 Mario Gomez (45.),
Napoli - Villarreal 2-0
1-0 Marek Hamšík (14.), 2-0 Edinson Cavani,
víti (17.)
STAÐAN
Bayern M. 2 2 0 0 4-0 6
Napoli 2 1 1 0 3-1 4
Man. City 2 0 1 1 1-3 1
Villarreal 2 0 0 2 0-4 0
B-RIÐILL
CSKA Moskva - Inter 2-3
0-1 Lúcio (6.), 0-2 Giampaolo Pazzini (23.), 1-2
Alan Dzagoev (48.), 2-2 Vágner Love (77.), 2-3
Mauro Zárate (78.).
Trabzonspor - Lille 1-1
0-1 Moussa Sow (31.), 1-1 Gustavo Colman (75.).
STAÐAN
Trabzonspor 2 1 1 0 2-1 4
Inter 2 1 0 1 3-3 3
Lille 2 0 2 0 3-3 2
CSKA Moskva 2 0 1 1 4-5 1
C-RIÐILL
Manchester United - Basel 3-3
1-0 Danny Welbeck (16.), 2-0 Danny Welbeck
(17.), 2-1 Fabian Frei (58.), 2-2 Alexander Frei
(60.), 2-3 A. Frei (76.), 3-3 Ashley Young (90.).
Otelul Galati - Benfica 0-1
0-1 Bruno César (40).
STAÐAN
Basel 2 1 1 0 5-4 4
Benfica 2 1 1 0 2-1 4
Man. United 2 0 2 0 4-4 2
Otelul Galati 2 0 0 2 1-3 0
D-RIÐILL
Lyon - Dinamo Zagreb 2-0
1-0 Bafetimbi Gomis (23.), 2-0 Bakari Koné (42.)
Real Madrid - Ajax 3-0
1-0 Cristiano Ronaldo (25.), 2-0 Kaká (41.), 3-0
Karim Benzema (49.)
STAÐAN
Real Madrid 2 2 0 0 4-0 6
Lyon 2 1 1 0 2-0 4
Ajax 2 0 1 1 0-3 1
Dinamo Zagreb 2 0 0 2 0-3 0
ÚRSLIT
HANDBOLTI Krzysztof Lijewski
tryggði í gærkvöld Rhein-Neckar
Löwen nauman sigur á Lemgo í
þýsku úrvalsdeildinni í handbolta
með því að skora sigurmarkið
þegar fjórar sekúndur voru til
leiksloka. Lokatölur voru 26-25 og
er Löwen með átta stig eftir sex
leiki í þriðja sæti deildarinnar.
Guðmundur Guðmundsson er
þjálfari Löwen, sem hefur lent
í ýmsum vandræðum í upphafi
leiktíðar, en liðið náði þó að inn-
byrða góðan sigur á útivelli í gær
þó svo að það hafi staðið tæpt.
Löwen hafði undirtökin í leikn-
um lengst af en fimm mínútum
fyrir leikslok náði Lemgo að
jafna í stöðunni 22-22. Var jafnt á
öllum tölum eftir það en Lijewski
skoraði sem fyrr segir markið
mikilvæga sem tryggði Löwen
stigin tvö.
Róbert Gunnarsson komst ekki
á blað að þessu sinni hjá Löwen.
Zarko Sesum var markahæstur
hjá liðinu með sjö mörk. - esá
Þýski handboltinn í gær:
Naumur sigur
Löwen á Lemgo
FAGNAÐ Leikmenn Rhein-Neckar Löwen
stigu sigurdans í gær.
NORDICPHOTOS/BONGARTS
FÓTBOLTI Fyrir aðeins tveimur
árum lenti svissneska liðið Basel
í tómu basli með KR í forkeppni
Evrópudeildar UEFA. Í gær fór
Basel á Old Trafford og var hárs-
breidd frá því að vinna 3-2 sigur.
Aðeins skallamark Ashley Young
á 90. mínútu kom í veg fyrir það.
Hitt Manchester-liðið, City, mætti
ofjörlum sínum þegar Bayern
München vann öruggan 2-0 sigur
í leik liðanna í Þýskalandi.
Einn Íslendingur var í eld-
línunni í Meistaradeildinni í gær;
Kolbeinn Sigþórsson lék allan leik-
inn er lið hans, Ajax Amsterdam,
tapaði fyrir Real Madrid á útivelli,
3-0.
Ajax byrjaði þó ágætlega í leikn-
um og var Christian Eriksen ekki
langt frá því að koma liðinu yfir
strax á fyrstu mínútu með föstu
skoti sem Iker Casillas varði. Kol-
beinn átti stuttu síðar fast skot yfir
mark heimamanna.
Madrídingar sýndu þó fljótlega
hversu öflugir þeir eru í sóknar-
leik og gerðu í raun út um leikinn
með tveimur flottum mörkum í
fyrri hálfleik. Cristiano Ronaldo
var lykilmaður í báðum mörk-
unum; hann skoraði það fyrra og
lagði það síðara upp fyrir Kaka.
Karim Benzema tryggði síðan
Real endanlega sigur er hann skor-
aði þriðja markið í upphafi síðari
hálfleiks.
Kolbeinn fékk úr mjög litlu að
moða í síðari hálfleik en spilaði þó
allan leikinn. Það er ljóst að ekki
verður við hann sakast enda sýndu
Madrídingar í gær allar sínu bestu
hliðar.
Skelfilegur varnarleikur
Í Manchester virtist Danny
Welbeck hafa gert út um leikinn
með tveimur mörkum á tveim-
ur mínútum þegar um stundar-
fjórðungur var liðinn af leiknum
gegn Basel.
Þeir svissnesku óðu hins vegar
í færum allan leikinn og því var
það aðeins tímaspursmál hvenær
þeir kæmust á blað. Það gerðist
snemma í seinni hálfleik er Fabien
Frei skoraði með skoti í stöngina
og inn. Alexander Frei jafnaði
síðan metin stuttu síðar áður en
hann kom Basel yfir með marki
úr vítaspyrnu þegar stundar-
fjórðungur var eftir af leiknum.
Ashley Young bjargaði sem fyrr
segir andliti United seint í leikn-
um en það er ljóst að Alex Fergu-
son, stjóri United, hefur verk að
vinna því varnarleikur liðsins var
hreinlega afleitur í leiknum. Rio
Ferdinand átti skelfilegan dag og
hinn ungi Phil Jones lærði dýr-
mæta lexíu um að spila í Meistara-
deildinni. „Við vorum kærulausir,“
sagði Ferguson. „Einbeitingarleysi
reyndist okkur dýrkeypt og verður
bæði vörn og miðja að standa sig
betur hvað það varðar. Það er fer-
legt að fá á sig þrjú mörk á heima-
velli en okkur tókst þó að bjarga
þessu í lokin.“
Tevez neitaði að spila
Bayern München var afar sann-
færandi gegn Manchester City í
gær. Eftir ágæta byrjun þeirra
ensku tók Bayern öll völd í leiknum
og tryggði sér sigur með tveimur
mörkum frá Mario Gomez.
En það var það sem gerðist í
síðari hálfleik sem stal senunni.
Carlos Tevez neitaði að koma inn
á sem varamaður og var knatt-
spyrnustjóri City, Roberto Manc-
ini, fokillur eftir leikinn.
„Ég get ekki sætt mig við það að
einn leikmaðurinn neiti að koma
inn á,“ sagði Mancini við fjölmiðla.
„Ég vildi setja hann inn á en hann
neitaði. Þetta er afar slæm staða
fyrir mig. Hvað mig varðar er
hann búinn að vera. Hann er búinn
að vera. Getur þú ímyndað þér
ef leikmaður Bayern, Milan eða
Manchester United hefði hagað
sér svona?“
Tevez hefur lengi verið óham-
ingjusamur í Manchester og er
afar ólíklegt að hann spili aftur
í treyju City eftir þetta. „Ég hef
verið fagmannlegur síðasta árið.
Ég var markahæsti leikmaður liðs-
ins undanfarið ár. En ég hef greint
frá þeirri skoðun minni að ég vil
fara frá félaginu af fjölskyldu-
ástæðum. Ég reyni samt að gera
mitt besta.“
eirikur@frettabladid.is
Varnarleikur United hrundi
Basel frá Sviss gerði sér lítið fyrir og skoraði þrjú mörk gegn Manchester United
á Old Trafford í Meistaradeild Evrópu í gær. Kolbeinn Sigþórsson lék með Ajax í
3-0 tapleik gegn Real Madrid á útivelli og Carlos Tevez stal senunni í München.
STUTT FRÁ SIGRI Leikmenn Basel fagna einu marka sinna gegn Manchester United á
Old Trafford í gær. NORDIC PHOTOS/GETTY
Á SPJALLI Carlos Tevez ræðir við Patrick
Vieira eftir leik City í Þýskalandi í gær.
NORDIC PHOTOS/GETTY