Faxi - 01.11.1957, Blaðsíða 9
F A X I
105
Nætur- og hclgidagalæknar í Kcflavíkur-
héraði í nóvember 1957:
2.—3. nóv. Hrafnkell Helgason.
4.—8. nóv. Bjarni Sigurðsson.
9.—10. nóv. Guðjón Klemenzson.
11.—15. nóv. Björn Sigurðsson.
16.—17. nóv. Bjarni Sigurðsson.
18.—22. nóv. Hrafnkell Helgason.
23.—24. nóv. Björn Sigurðsson.
25.—29. nóv. Guðjón Klemenzson.
30. nóv. til 1. des. Hrafnkell Helgason.
2.—6. des. Bjarni Sigurðsson.
7.—8. des. Guðjón Klemenzson.
9.—13. des. Björn Sigurðsson.
Nýr héraðslæknir.
Eins og öllum er kunnugt hefir Einar Ast-
ráðsson héraðslæknir verið sjúkur s.l. sumar
og dvaldi vegna veikinda sinna mikið erlendis.
Héraðslæknisstörfin önnuðust í fjarveru
hans læknarnir Guðjón Klemenzson og Björn
Sigurðsson. Nýverið hefir ungur læknir,
Hrafnkell Helgason verið settur í embættið
um óákveðinn tíma og er hann nú tekinn
til starfa, eins og læknaskýrslan hér að
framan ber með sér.
Lömunarveikibóluselning.
Héraðslæknir hefir beðið blaðið að geta
þess ,að næsta hálfa mánuðinn verði börn
innan 7 ára aldurs bólusett gegn lömunar-
veiki í 3. sinn á lækningastofu héraðslæknis
á venjulegum viðtalstíma. Er mjög áríðandi
að bömin mæti til bólusetningar, þar eð
annars verður 1. og 2. bólusetning gagnslaus.
Jafnframt verða óbólusett börn bólusett í
fyrsta sinni gegn lömunarveiki, einnig full-
orðnir, er þess óska.
Skólarnir í Kcflavík.
Vegna inflúenzufaraldurs, sem hefir geisað
i bænum, hefir skólunum verið lokað um
viku tíma, eða nánar til tekið barnaskólan-
um frá 30. okt. til 7. nóv. og gagnfræðaskól-
anum frá 31. okt. til 7. nóv. Þegar ákvörðun
þessi var tekin, var fjarvistartala nemenda
og kennara sökum veikinnar nálægt 30%.
Vísir að tómstundahcimili.
U. M. F. K. gerir nú tilraun með tóm-
stundaheimili fyrir unglinga í Keflavík. Er
ætlunin, að starfsemi þessi fái húsnæði í ris-
hæð ungmennafélagshússins og verður starf-
semin fyrst og fremst i því fólgin, að haldin
verða námskeið fyrir drengi, t. d. í flug-
módelsmíði og fleira. Þann 27. október hófst
fyrsta námskeiðið og mættu þar 38 drengir
á aldrinum 9—16 ára. Um 30 af þessum
drengjum munu taka þátt í námskeiðinu.
Kennari á þessu námskeiði er Karl Guð-
jónsson og er ætlast til að námskeiðstíminn
verði 1% til 2 mánuðir. Kennslugjald er kr.
20,00. Er öllum heimil þátttaka, hvort sem
þeir eru félagsmenn eða ekki.
Kcflavíkurvaka.
Þá hefur ungmennafélagið nú hafið undir-
búning að svokallaðri „Keflavíkurvöku" og
hefir stjórn félagsins góðan hug á að vanda
til hennar eftir mætti.
(Frétt frá stjórn U. M. F. K.)
Sólríkt suinar er liðið.
Eitt hið sólríkasta og yndislegasta sumar,
sem menn muna, er nú liðið, sumar, er
mætti verða okkur ógleymanlegt fyrir birtu
sína ,mildi og fegurð, — og fyrir þess til-
verknað varð landið okkar að nóttlausri vor-
aldar veröld eins og Stefán vildi hafa það.
En nú tilheyrir sumarið liðinni tíð og haustið
og veturinn ráða hér ríkjum á ný og gala
mönnum og málleysingjum galdur sinn.
Þannig streymir elfur tímans æ lengra, inn
í hið óþekkta og dulræða, án þess menn-
irnir ráði þar nokkru um. Fyrsti snjórinn á
þessu hausti mun hafa fallið þann 23. októ-
ber, en það var að vonum mikill hamingju-
dagur hjá yngstu kynslóðinni, sem kunni sér
ekki læti, enda voru allir sleðar þá teknir
í umferð, búnir til stórir snjóboltar og þeir
síðan notaðir í snjóhúsbyggingar og snjó-
kerlingar. Verst var, hve snjórinn var lítill,
en það unga fólk lifir nú í voninni um meiri
snjó síðar. Fyrsti snjór mun í fyrra hafa
fallið um líkt leyti og nú.
Bazar kvenfélags Keflavíkur.
Þann 29. október hélt Kvenfélag Keflavíkur
bazar í félagsheimili sínu, Tjarnarlundi. Var
þar á boðstólum margt eigulegra muna, er
seldust fljótt og vel.
Lesendur athugið.
I smágrein í júníblaði Faxa í vor um
Thorkelliisjóð og nýskipaða Thorkelliinefnd
og aðra þá einstaklinga, sem hafa lagt máli
þessu lið og hvatt þjóðina til þess að heiðra
á verðugan hátt minningu Jóns Þorkelssonar
á 200. ártíð hans 1959, láðist að geta Gunnars
M. Magnúss rithöfundar, en hann flutti á
sínum tíma frumvarp um málið á Alþingi
og vann því þá allt það sem hann mátti,
enda má segja, að þá hafi nokkur skriður
komið á þetta mál. Eins og getið var um í
umræddum greinarstúf, situr hin ráðgefandi
Thorkelliinefnd nú á rökstólum og ætti innan
tíðar að láta eitthvað frá sér heyra um þetta
mál, því tíminn líður og 200. ártíð Jóns Þor-
kelssonar nálgast óðum.
Frá Skákfélaginu.
Aðalfundur Skákfélags Keflavikur var
haldinn í okt. s.l. Umræður voru miklar á
fundinum og almenn ánægja rikjandi með
fráfarandi stjórn, sem hafði unnið mikið og
gott starf.
Samþykkt voru ný lög fyrir félagið, og var
meðal annars fjölgað í stjóminni úr 3 í 5.
Fráfarandi stjórn gaf ekki kost á sér til
stjómarkjörs og var því ný stjóm kosin.
Form. er Sigfús Kristjánsson, gjaldkeri
Skúli Þorbergsson, ritari Magnús Bjömsson
og meðstjórnendur Jakob Sigfússon og Guð-
mundur Gíslason.
Akveðið er að skákæfingar í vetur verði
á mánudögum í Ungmennafélagshúsinu og
hefjist kl. 8 s.d.
Fyrirhugað er að skákþing Suðurnesja
verði í nóvember og er búizt við mikilli
þátttöku.
Þann 16. júní
kl. 2 e. h. var vígður nýr íþróttavöllur
(grasvöllur) í Ytri-Njarðvík, eign Ung-
mennafélagsins þar. Athöfnin hófst með
ávarpi formanns félagsins Olafs Sigurjóns-
sonar. Einnig töluðu þeir Þorsteinn Einars-
son íþróttafulltrúi, Benedikt G. Waage for-
seti I. S. I. og Karvel Ogmundsson oddviti
og árnuðu félaginu heilla með vel unnið starf.
Lúðrasveit Keflavíkur, undir stjórn Guð-
mundar Norðdahl, lék fyrir skrúðgöngu ungs
fólks inn á íþróttavöllinn og einnig á milli
atriða. Síðan fór fram knattspyrnukapp-
leikur milli drengja, 3. flokkur, úr Ung-
mennafélaginu „Garðar“ Gerðum og Ung-
mennafélags Njarðvíkur og sigraði U. M. F.
„Garðar" með 5 mörkum gegn 1. Því næst
léku stúlkur úr Sandgerði og Njarðvík hand-
bolta, leikurinn fór þannig að jafntefli varð
4 mörk gegn 4.
Að lokum fór fram kappleikur í knatt-
spymu milli Hafnarfjarðar og Keflavíkur,
leiknum liktaði með jafntefli 0 gegn 0, eftir
mjög skemmtilegan leik. Veður var fremur
gott þennan dag, en kalt, vestan nepja, en það
bætti mjög úr fyrir samkomugestum, að selt
var kaffi í samkomuhúsinu allan daginn.
Við vígslu íþróttavallarins voru mættir um
1200 manns, ungir og gamlir.
Auglýsendur athugið.
Auglýsingar í jólablað Faxa þurfa að hafa
borizt blaðinu eigi síðar en um mánaðar-
mótin nóvember desember, því blaðinu er
ætlað að koma út um miðjan mánuðinn.
Sama gildir og um annað efni, sem menn
vilja koma á framfæri í jólablaðinu. Er fólk
vinsamlegast beðið að athuga þetta.
Heimilisfang hlaösins er Brckkubraut 7,
Keflavík. Sími 114.
250 styrktarfélagar.
Tónlistarfélagið í Keflavík hefur nú hafið
styrktarfélagasöfnun og miðast söfnunin við
250 félaga, sem er algert hámark vegna hús-
rýmis á tónleikum. Mjög bráðlega munu verða
haldnir hljómleikar á vegum félagsins og
áætlað er, að hljómleigar nr. 2 verði fjöl-
breyttir kirkjutónleikar um jólin. Allir þeir
sem gerast styrktarfélagar tryggja sér 2 að-
göngumiða á minnst 3 hljómleika félagsins,
auk þess að styrkja hinn nýstofnaða tón-
listarskóla.
L