Faxi - 01.11.1957, Blaðsíða 11
F A X I
107
Vér Skriffinnur Hinn Eini, af guðs náð rit-
stjóri Pistla, gjörum kunnugt: Að vér
erum ennþá uppi, þrátt fyrir gerfitungl, geð-
illa tíma, Asíuveikisbakteríur og vinstri-
(örfhenta-?) stjórn. Og munum hvergi af
þessum vorum skaga hopa, þótt í boði sé
5 mínútna frestur, eins og hjá varnarliðinu
í Heiðinni, til þess að hólka oss í brækurnar
um lágnættið og flýja Weistur. Heldur ekki
munum vér uppi þefa spor heildsala í sömu
átt.
Því að þótt Vor hraunaði skagi sé og
verði hraunaður, nema þetta sléttpússaða,
sem þeir kalla Flugvöll, þá má með sann-
indum um skagann þann arna bæði segja
Og skrifa, að mörg er í honum matarholan.
Og þar með sveium vér huppum og halaróf-
um eins og kerlingin.
Kjörbúðir ásamt með gripdeildum gera nú-
orðið svo mikla lukku, að Vér höfum
verið beðnir að stugga við Sparisjóðnum
hérna og fá hann til að taka upp sjálfs-
afgreiðslu hjá sér. Þannig, að viðskiptavinir
afsegi víxla sína sjálfir, greiði sjálfum sér
nauðsynleg sem ónauðsynleg lán, gefi sjálf-
um sér til baka ogsvoframvegis, ogsvofram-
vegis. Semsagt: Vér höfum stuggað við Sjóðn-
um varðandi þessi væntanlegu þægilegheit.
Keflvískir Moskvufarar komu alhr aftur.
Lesendur Faxa hafa því ekki bitið úr
nálinni með framhaldsgreinar Kynnisfara
næstu áratugina.
Þrír á lofti og liundurinn sá fjórði eru jarðar-
mánarnir orðnir, þegar þetta er párað
3ja nóvember. Og varla þornað blekið um
þann, sem skutlað var upp 5. október og
valdið hefur ýmsum andremmu og andar-
teppu, en öðrum andakt og andlegheitum
eins og eftirfarandi sýnir:
SJÚTNIK FYRSTI
Gerfimáni, gerskur, skín
grínfullur í ár,
radar-stöðvum ríður
og rokkar lymskuflár.
Lyftum Könum á loft
lífs af feðragrund.
Glotti Krúttséff, köllum saman
kvenfélagsfund.
Fuglinn.
Bærinn lét loks girða upp-um-sigbæjarlandið
í sumar gegn sauðkindum. En auð-
heyrilega dugir bæjarlandsgirðingin ekki
gegn kjaftakindum.
Sérleyfisráðhús vort fær ekki lengur dul-
izt. Hvort hlið Sánktipéturs í efra hef-
ur verið orðið ámóta ryðgað og hlið kirkju
vorrar hér í neðra, skal ósagt látið. Hitt
fullyrða skjæðar tungur, að karlinn hafi á
aflíðandi sumri föndrað við liti uppi hjá
sér og annaðhvort mýglekið dollurnar eður
guttlast einhver hellingur úr penslinum.
Miðað við jafn ómælanlega leið, — frá Pátri
og hingað —, verður slíkt að flokkast undir
Kraftaverk, að hver og ein einasta Péturs-
sletta skyldi lenda í einum og sama punkti,
sem sé: á þaki Sérleyfisráðhússins og þaðan
boðleið niður um veggi og karma.
Framvegis ætti því að vera óþarft að laða
fólk að húsinu með afslætti og útsvörum.
En sólgleraugum verður bæjarsjóður að
splæsa á sérhvern útsvarsgjaldanda hér eftir.
Flygill, sem fór að heiman frá sér í vor,
hefur ekki komið fram — á bíósviðið
aftur. Hann var ekki í meðallagi hár, þrí-
fættur og klæddur í snjáða hnotu.
Þeir sem kynnu að hafa orðið Flygils varir,
eru beðnir að hraðsíma til Vina- og vanda-
manna.
Lögreglan bar sjálfa sig út í sumar, úr blikk-
inu, sem lóðar var saman í síðustu
heimsstyrjöld og geymt hefur margan gaffal-
bitann og sardínuna.
Ekki svo að skilja, að lögreglan sé á göt-
unni — nema dagana, sem hún flutti i betra
húsaskjól, auðvitað.
Morgunspjall. Vér vorum svo seint á ferli
héma eina nóttina af vissum, óprent-
hæfum ástæðum, að Vér náðum í Fyrri við-
talstíma menningarstjóra.
— Það er blessuð soðningarlyktin hjá þér,
segjum Vér og klunkum oss niður á hirin
stólinn á Kontómum.
— Eg er ekki að elda, en þú getur keypt
þér í soðið niðri í Fiskbúð.
—• Namma-namm. Hvað megum Vér hafa
eftir þér á prenti?
— Ekkert, nema ég skrifi það sjálfur. Blaða-
snápar kríta svo liðugt, segja svart hvítt.
— O, Vér höfum nú verið á yfirreið um
bæjarlandið og séð ýmislegt; Closett-aug-
lýsinguna á Bíókjallarahurðinni, fulla íshús-
tjörn, sem ekki þarf framar að ussa yfir
að sé hálftóm. Og svo hefurðu rofið hauga
að hætti fornkappa og berserkja, ha? En
hvernig lízt þér á Asíuveikina?
— Ef Keflvíkingar fara framar til Rúss-
lands — og koma aftur, mun eg setja þá í
ævilanga sóttkví. Er eg nú í óða önn að láta
fullgera Sýningarskála yfir þá við Bókabúð-
ina, jafnframt því sem eg er að láta eitra
. . . sjáðu, þetta er ekta eitur, bráð . . .
— Nei, þá ættum Vér heldur að hraða oss
niður í Fiskbúð.
Karlakór Keflavíkur.
Fyrir nokkru hélt Karlakór Keflavíkur
aðalfund sinn og er kórinn nú tekinn til
við æfingar á ný og hyggst halda hljóm-
leika nú mjög bráðlega.
ROTTUEITRUN
Fyrsta umferð í alsherjar rottu-
eitrun hefur nú farið fram og að
því sem virðist með góðum árangri.
Onnur umferð í Keflavík hefst strax
og fyrstu umferð í Njarðvíkum er
lokið og er skorað á alla í Keflavík,
sem varir verða við rottur utan-
hús að láta vita af því, í skrifstofu
heilbrigðiseftirlitsins, sími 420-B,
eða á bæðjarskrifstofuna, sími 551.
Heiibrigðisnefnd Keflavíkur.
Heilbrigðisfuiltrúinn.
Hefi opnað lækningastofu að
Hafnargötu 27, Keflavík.
Viðtalstími kl. 5—6, laugardaga
kl. 11—12.
Stofusími 420B. Heimasími 700.
Hrafnkell Helgason
héraðslæknir.