Faxi - 01.01.1972, Side 10

Óeigingjarnt starf þakkað
Eins og lesendum Faxa er kunnugt lét Hallgrímur Th. Björnsson af
ritstjórn Faxa um síðustu áramót eftir nærri 30 ára starf. I því tilefni
þykir blaðstjórn Faxa hlýða að láta fylgja hér nokkur kveðju- og
þakkarorð.
Það hefur undrað marga aðkomumenn, er hér hafa dvalið, hve
Faxi er gamalt blað og hefur komið reglulega út. Sérstaklega hefur
þetta þó vakið furðu þeirra, er fengizt hafa við blaðamennsku og út-
gáfustarfsemi og vita, hve mikla vinnu þarf að leggja í slíkt, til að
vel takist. Við rannsókn á þessu fyrirbæri, hefur fljótlega komið í ljós,
það sem flestir heimamenn þó vissu, að þetta er fyrst og fremst að
þakka einum manni, ritstjóranum Hallgrími Th. Björnssyni, sem aldrei
hefur brugðizt sínu hlutverki.
Hér hafa mörg blöð á þessu tímabili, hafið göngu sína, og síðan
lognast fljótlega út af aftur. En Hallgrímur hefur séð um að Faxi hefur
alltaf komið út, nærri því alltaf á sama tíma um 20. hvers mánaðar,
stanzlaust í 30 ár.
Fyrstu útgáfuár blaðsins skiptu félagar Faxa nokkuð með sér
störfum um útgáfu þess. Hallgrímur sá um ritstjórnina, einn annaðist
útbreiðsluna, annar auglýsingar, þriðji var gjaldkeri o. s. frv. Var
þannig allt starf við blaðið unnið kauplaust. Nú hin síðari ár
hefur Hallgrímur séð um alla þætti útgáfunnar, gegn vægu gjaldi,
nema hvað Guðni Magnússon hefur verið gjaldkeri, starf sem blað-
stjórn vill þakka Guðna af alhug. Heimilisfang Faxa hefur verið heim-
ili Hallgríms.
Við Faxafélagar viljum hér með þakka Hallgrími fyrir hans óeigin-
gjarna starf í þágu blaðsins í öll þessi ár, starf sem unnið var af einstæð-
um áhuga og hugsjónagleði yfir að geta orðið að liði í þýðingarmiklu
menningarmáli. Orð segja oft lítið og eru fátækleg, en Hallgrímur er
þeim ekki óvanur, því þau voru löngum eina greiðslan, sem hann
fékk fyrir sín störf, stóran hluta af þessum langa starfstíma.
Ekki er hægt að minnast svo starfs Hallgríms, að ekki sé minnzt
hans ágætu eiginkonu, Lóu Þorkelsdóttur og henni einnig þakkað fyrir
störf í þágu blaðsins. Ófá kvöld hefur hún setið við innpökkun á
blaðinu með manni sínum og margar ferðir er hún búin að fara með
Faxa hér um Suðurnes, fyrir utan allt annað ónæði og fyrirgreiðslu í
þágu blaðsins.
Markmið útgefenda blaðsins hefur verið frá upphafi, að blaðið
mætti vera vettvangur til umræðna um allt það er verða má til heilla
og hagsældar í framfara- og menningarmálum Suðurnesja. Að það
mætti geyma til seinni tíma sem mest af sögu Suðurnesja, og bjarga frá
gleymsku gömlum fróðleik um héraðið, menn og málefni.
Þessu hlutverki hefur Faxi reynt að gegna undanfarin 30 ár. Því
eru það ekki aðeins Faxafélagar, er mega þakka Hallgrími fyrir hans
óeigingjarna og mikilsverða starf. Allir Suðurnesjamenn eiga þar
hlut að. Suðurnesjamenn væru ólíkt fátækari um sögu sína og störf,
ef Faxa og Hallgríms hefði ekki notið við.
10 — FAXI

Hallgrímur Th. Björnsson
fráfarandi ritstjóri
Magnús Gíslason
viðtakandi ritstjóri
Að lokum viljum við Faxafélagar
þakka Hallgrími margar góðar og
ánægjulegar stundir, þakka sam-
starfið um útgáfu blaðsins, með von
um að hann megi lengi ennþá vera
traustur liðsmaður í útgáfu Faxa,
þó hann láti af ritstjórn.
Nýr ritstjóri tekur nú við rit-
stjórn blaðsins. Magnús Gíslason,
Garði. Um leið og við bjóðum
Magnús velkominn til starfa við
blaðið, hugsum við Faxamenn gott
til samstarfs við hann um útgáfu
blaðsins.
I ritstjórn Faxa:
Gunnar Sveinsson
Jón Tómasson
Margeir Jónsson