Straumar - 01.12.1928, Blaðsíða 11

STRAUMAR
185
Jólaminning*.
Um jólin 1920 var eg á sænsku skipi í Newcastle í -
Englandi. Höfðum við legið þar lengi hausts, og var eg
því orðinn sæmilega kunnugur í borginni. Meðal þeirra
staða, sem eg kom oftast á, var sjómannastofan danska.
Pyrir henni var danskur prestur, mesti ágætismaður. Hann
bauð okkur á hverju miðvikudagskvöldi upp á sjómanna-
stofuna, og var þar þá haldin guðsþjónusta, leikið á hljóð-
færi, lesnar sögur og veitt kaffi á eftir. Var þar oft glatt
á hjalla og hlökkuðum við jafnan til miðvikudagskvöldanna.
Auk sjómanna, komu þarna oft ýmsir Norðurlandabúar,
sem búsettir eru í borginni, m. a. Louis Zöllner kaupmað-
ur, sem margir íslendingar munu kannast við.
Á aðfangadagskvöld var okkur veittur jólamatur á
skipafjöl, hrísgrjónamatur og „lutflsk“, sem er jólamatur
Svía. Síðar um kveldið fórum við í land. En þar var lít-
ill jólabragur yfir öllu, því að allar búðir voru opnar og
hvergi messað. Aðfangadagub er eigi helgur dagur hjá
Englendingum. Á jóladagsmorguninn fór eg í kirkju og
gekk fram og aftur þann dag. Á annan jóladag var þoka
og eyddi eg mestum deginum við að horfa á knattspyrnu.
En um kvöldið var okkur boðið upp á sjómannaheimilið
danska. Eg kom þar kl. 8. Var þar þá fyrir fjöldi manna.
Okkur var vísað inn í litla kapellu í húsinu. Stóð þar
skreytt jólatré með fjölda kerta og ýmsu góðgæti á. Voru
nú sálmar sungnir og prédikað, gengið kringum jólatréð
og sungið. Tóku allir þátt í því, gamlir og stæltir skip-
stjórar, óbreyttir sjómenn og börn prestsins. Færðist frið-
ur og barnsleg gleði yflr andlit þessara hörðu sjómanna,
sem vanari voru blótsyrðum og formælingum, en sálma-
söng. Þá sýndi prestur okkur stóra hrúgu af böglum, sem
sjómannaheimilinu hafði borist víðsvegar að, lieiman frá
Danmörku, Noregi og Svíþjóð. Þar starfa félög, einkum
konur, að því að útbúa slíka bögla til að gefa sjómönn-
unum, löndum sínum, sem eru í útlendum höfnum um
jólin. Kona prestsins og systir hans útdeildu nú böglum
til þeirra sjómanna, sem voru viðstaddir, og var gaman