Bankablaðið - 01.07.1962, Side 30

SIGURÐUR ÖRN EINARSSON:
MálfundanámskelS
Lokið er fyrsta málfundanámskeiði, sem
haldið var á vegum Sambands íslenzkra
bankamanna.
Námskeiðið var lialdið í samkomusal
starfsmanna Búnaðarbankans og hófst
mánudaginn 12. febrúar 1962. Leiðbein-
andi á því var Hannes Jónsson, félagsfræð-
ingur. Þátttakendur voru upphaflega rúm-
lega 20, en eftir því sem á námskeiðið leið
fækkaði þeim og komust þeir allt niður í
8 á fundi. Meðaltalið reyndist vera 12—13
á fundi.
Námskeiðið var tíu fundir og var til-
högun þeirra þannig: I upphafi hvers fund-
ar voru kosnir fundarstjóri og fundarritari.
Síðan flutti Hannes Jónsson erindi, en á
námskeiðinu flutti hann erindaflokk, er
hann nefndi „Leiðbeiningar um fundarstörf
og mælsku“ og ræddi liann um eftirtalin
efni: Leiðbeiningar um ræðugerð; Hlutar
ræðunnar, tilgangur, tegund og málskrúð;
Meginreglur fundarskapa; Skipulag fram-
söguræðunnar og heppileg vinnubrögð við
undirbúning hennar; Flutningur framsögu-
ræðunnar og gerð skipulegra minnisatriða;
Rökfræðin og höfðun til tilfinninga í ræðu;
Fundir, ráðstefnur og mót og undirbúning-
ur þeirra. Þar næst var málfundaræfing, og
að henni lokinni talaði Hannes Jónsson, og
fór hann þá yfir upplestur eða ræðu hvers
einstaks og benti á kosti eða galla og leiðir
til úrbóta. Ennfremur sagði liann frá verk-
efni næsta fundar. Ég ætla að gefa hér sýn-
ishorn af þeim verkefnum, sem þátttakend-
ur skyldu leysa af hendi. Á fyrsta fundin-
um voru allir þátttakendur látnir stíga í
ræðustólinn og segja frá sjálfum sér (fæð-
ingardegi og ári, fæðingarstað, menntun og
störfum). Þetta eru allt atriði, sem fólk
veit um sjálft sig, og þar af leiðandi er
auðvelt að segja frá því. Á öðrum fundi
var málfundaræfing, upplestur ræðu, rit-
stjórnargreinar eða kafla úr ritgerð. Á
þriðja fundinum skyldu menn lesa upp
grein eða ræðu og skýra síðan frá því, hvers
vegna þeir væru ræðunni eða greininni
meðmæltir eða mótmæltir. Á næstu fjórum
fundum skyldu þátttakendur svo koma með
frumsamdar ræður og kenndi þar margra
grasa, en meðal þeirra efna, sem flutt voru,
var: Atvinna mín, Æskubyggðarlag, Tóm-
stundir, Góð bók, Kostir sparseminnar,
Skynsamleg kjarabarátta, Stefnuskrá S.Í.B.,
Ráðhús í Reykjavík, Bjórmálið, Útvarpið,
Afskijati pólitísku flokkanna af verkalýðs-
félögunum, íþróttafélag og margt fleira,
en samtals rnunu hafa verið fluttar á nám-
skeiðinu yfir 120 ræður, og komust menn
oft að hinum margvíslegustu niðurstöðum
28 BANKABLAÐIÐ