Útvarpstíðindi - 14.06.1948, Blaðsíða 7

ÚTVARPSTÍÐINDI
247
oft gramizt, eru þagnir þær og tafir,
sem útvarpið býður upp á. Oft eru
raunar í hléum þeim, sem að öllum
jafnaði eru mörg hvert kveld, leiknir
lagastúfar af plötum, sem síðan
verður að deyfa niður, þegar tími
er fyrir nýja útvarpsefnið að hefj-
ast. — Af hverju lætur útvarpið
ekki leika íslenzk lög, ný og gömul,
á plötur, sem tæki 1, ll/2 og 2 mín-
útur að leika og hægt væri að smella
á í hléunum?
Leikrit.
Full ástæða væri til að ræða þátt
útvarpöíns í leikritaflutningi. Út-
varpið virðist alls ekki geta hugsað
sér leikritaflutning nema á laugar-
dögum. Væri ekki hugsanlegt, að
við fengjum einhvern tíma að heyra,
svona inn á milli, t. d. íslenzkar smá-
sögur eða þjóðsögur færðar í leik-
ritsform fyrir útvarp? Mjög oft
hefur verið deilt um leikritavalið,
og verða menn líklega seint sáttir
í þeim efnum. Mörg leikritanna, sem
útvarpið hefur flutt, hafa þó tæp-
ast verið ætluð til flutnings þar,
sem ekki sæi til leikendanna. Og'
þótt svo sé, getur þó vel farið á
slíkum leikritum í útvarpi. En það
er viðbúið ,að útvarpið þurfi að
leggja mun meira kapp á að leyfa
hlustendum að heyra meira í þessu
formi, — þó ekki væri nema stöku
einþáttunga um miðja viku.
„Erfiðar adstæður“.
Það er svo, þegar einu sinni er
farið að ræða um útvarpið, að mjög
erfitt er að leggja frá sér pennann.
Hér að framan hefur verið gripið
mjög lauslega — vafalaust of laus-
lega — á nokkrum atriðum, sem að
minnsta kosti ættu að vera athug-
unarverð. Það má náttúrlega segja
sem svo, að jafnvel minnsta breyt-
ing, sem gera verður á útvarpinu,
kosti mikið fé, og það sé þess vegna
fjarri lagi að vera stöðugt að stagl-
ast á endurbótum, sem menn ímyndi
sér að gera verði. En þá er illa farið,
þegar við höfum ekki ráð á að starf-
rækja sómasamlegt útvarp.
Oft er skírskotað til „hinna erfiðu
aðstæðna“ útvarpsins. Það er nú það.
Erfiðleikarnir ættu heldur að stæla,
og ekki er alveg öruggt, að við fáum
betra útvarpsefni, þótt við fáum
,,höllina“ einhvern tíma, en við eig-
um að geta haft nú.
Krafa hlustenda hlýtur að vera
sú, að þeir fái úr útvarpinu svo gott
efni á hverju kvöldi, að þeir þurfi
aldrei að minnast þess, að til er
takki á tækinu til að loka fyrir,
fyrr en þulurinn býður okkur góða
nótt.
Bitt.
ÚTVARPSVIÐGERÐASTO. A
OHo B Arnar
KLapparstíg 16 Revkjavík
annast allskonar viðserðir á iítvarps-
tækjurn og öðruni skyldum tækjuin
Fyrsta flokks vinnustofa OjT góðir starfs-
kraftar. Sanugiarnt verð.
76 ára reynsla
Sími 2799