Prentarinn - 01.01.1969, Blaðsíða 13

Þá er einnig minna um framhöld í blaðinu en
öðrum blöðum og þau sett á eina, ákveðna siðu.
Hins vegar er auðsjáanlega reynt að forðast þau,
með því að hafa fréttir stuttar.
í heild má segja, að þetta sé mislitt blað, með
fjölbreytni i prentstefnu, sem skilur ágætlega að
efnisflokka og veitir blaðinu líflegan og skemmti-
legan svip og leiðir hugann að evrópskum síðdegis-
blöðum.
Þrykking og svertun slæm.
Þjóðviljinn
Þetta blað hefur sérstöðu meðal íslenzkra blaða,
hvað viðkemur stærðinni, sex dálkar á síðu i stað
fimm hjá hinum, og síðurnar lengri. í umbroti er
reynt við blokkumbrot, en greinar þó felldar sam-
an. Útsíðurnar eru rólegar og hógværar i umbroti
og fyrirsagnavali. Umbrot á innsíðum oft og tíðum
skemmtilegt, og vel útfært. Sérefni er auðkennt með
föstum haus eða ramma. Framhöld eru að mestu
sett á eina síðu.
í heild virðist blaðið skýrt og ljóst, með góðum
prentáhrifum. Virðist koma til móts við lesandann,
en stefnan í leturvali og umbroti er þó helzt til stíf.
Þrykking og svertun góð.
Niðurstaða
íslenzkum blöðum má skipta i tvo flokka: Blöðin
í litlu brotunum og blaðið í stóra brotinu.
Blöðin í litlu brotunum bera vott tveim prent-
skoðunuin. Þrátt fyrir smátt brot hefur Morgun-
blaðið á sér svipmót hins stillilega, hefðbundna ár-
degisblaðs, þar sem hins vegar Tíminn, Vísir og Al-
þýðublaðið með sitt stóra fyrirsagnaletur standa nær
æsifréttablaðinu, sem selja á í lausasölu á götunum.
Með fjölbreyttri uppsetningu kemst Vísir þó lik-
lega næst því dagblaðsformi.
Blaðið í stóra brotinu, Þjóðviljinn, beitir eins og
Morgunblaðið stillilegum áhrifameðulum, en hefur
nútímalegra yfirbragð, sem samsvarar bezta alþjóð-
legu blaðaprenti, enda þótt það geti virzt of einhæft.
Greinilegt er að Islendingar eru lestrarfúsir. Ymis
blöð ganga þó tvimœlalaust of langt i aO birta langar
greinar án þess að þrer séu rofnar á nokkurn hátt,
t. d. með millifyrirsögnum. Vafasamt hlýtur að vera,
að lesendur lesi i raun og veru þessar löngu roms-
ur.
Framhald af forsiðu eða baksiðu á siðu inni i
blaðinu virðist vera viðurkennd umbrotsaðferð hjá
islenzku blaðastarfsfóiki. Rannsaka ber, hve margir
lesendur fletta upp og leita að framhaldinu, sem oft
er auðkennt með örsmárri fyrirsögn.
Sátur er að jafnaði gott — og vart verður nokkurr-
ar umhyggju fyrir starfinu hjá blaðamönnum og
prenturum sem vinna í sameiningu að samningu og
setningu fyrirsagna.
Hóflaus notkun feitletrana er Ijóður á ráði ís-
lenzkra blaða, og lestrargæðin lúta oft í lægra haldi
fyrir krubbulegri, svartri prentun, sem hlýzt af þess-
um mörgu, feitu stöfum.
Prentgœðin eru vandamál hjá ýmsum blaðanna.
Þar getur oltið á dekkjum, völsum og siðusteypu —
en lika getur slit á vélum valdið.
Skipti yfir í offsetprentun hljóta því að vera á
dagskrá hjá sumum blaðanna, svo að þrykking og
svertun geti tryggt góða myndprentun og hreinan og
skýran texta. Þar sem umbrot yrði þá unnið með
pappír og filmu, gefst tækifæri til sameiginlegra af-
nota af prentvél. Forsenda er þó, að ekki sé of langt
á milli blaðanna og að menn vilji koma á samstarfi.
í baráttunni við blaðadauðann, sem herjað hefur
um heim allan, hefur samvinna milli blaðaútgef-
enda verið eitt bezta ráð blaðanna til að bjarga lífi
sínu. Nýja tæknin hefur stórlega bætt skilyrðin til
samstarfs — og það er eitt það bezta, sem sagt verð-
ur um þróun síðustu tíma.
Stutt og laggott
Vesturþýzkt útgáfufyrirtæki tilkynnir, að það ætli
að gefa út fyrstu lyktandi bókina. Það mun eiga að
vera gamansmásaga um termíta. Blöð bókarinnar
eiga að anga af jasminilmi, til þess að minna les-
endur á líf termitanna og lifnaðarhætti, segir tals-
maður forlagsins Honger & Bernhard.
250 ára gömul flaska af „Old Parr“ viskíi, sem
fannst í Japan, var nýlega seld á 30.000 bandaríkja-
dali. — Það var verzlunarmaður i Tókíó, Massao
Katagami, sem seldi flöskuna, sem hann hafði erft
eftir afa konu sinnar, sem hafði fengið hana að
gjöf frá keisarafjölskyldunni, sem hafði fengið hana
að gjöf frá Englandi.
Srenski kaupmaðurinn John Persson er orðið al-
mennt umræðuefni í Svíþjóð eftir að hann hafði, 1
17 mínútna sjónvarpsútsendingu, bölvað ekki sjaldn-
ar en 77 sinnum. Útsendingin vakti mikla mótmæla-
öldu hjá áhorfendum.
PRENTARINN
11