Morgunblaðið - 29.12.2008, Qupperneq 4

4 FréttirINNLENT
MORGUNBLAÐIÐ MÁNUDAGUR 29. DESEMBER 2008
Heimsferðir bjóða ótrúlegt sértilboð á síðustu sætunum til Kanarí 4. og 11. febrúar.
Bjóðum ótrúlegt sértilboð á Turbo Club Apartments með allt innifalið. Nú er rétti
tíminn til að tryggja sér vetrarfrí í sólinni á hreint frábærum kjörum. Aðeins 6 íbúðir
í boði á þessu ótrúlega sértilboði!
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Kanarí
4. og 11. febrúar
frá kr. 99.950
Verð kr. 99.950
Vikuferð með allt innifalið
Netverð á mann, m.v. 2 fullorðna og 2 börn, 2-11 ára, í íbúð í viku 11. febrúar.
Brottför 4. febrúar kr. 5.000 aukalega.
Verð m.v. 2 fullorðna kr. 109.990.
Ótrúlegt sértilboð - aðeins 6 íbúðir í boði!
allt innifalið!
LÖGREGLUNNI og aðstandendum mótmælafundanna á Austurvelli ber
ekki saman um hve margir mættu til 12. fundarins á laugardaginn. Lög-
reglan telur að um 500 manns hafi komið á Austurvöll en Hörður Torfason,
skipuleggjandi mótmælanna, telur að ríflega þúsund manns hafi mætt. Að
sögn Harðar mátti búast við því að hópurinn yrði ekki fjölmennari nú, enda
hópurinn tvístraður vegna hátíðarhalda yfir jól og áramót. Næstu mótmæli
verða laugardaginn 3. janúar. Á laugardag komu um 80 manns saman til
þögullar stundar og íhugunar við Ráðhústorgið á Akureyri.
Morgunblaðið/G.Rúnar
Tólfti mótmælafund-
urinn á Austurvelli
SLÖKKVILIÐ
höfuðborg-
arsvæðisins fór í
samtals 28 útköll
frá aðfangadags-
morgni til klukk-
an ellefu í gær-
kvöldi. Voru
útköllin af ýms-
um toga, allt frá
vatnsleka og
kertabruna til bruna í ruslagámum.
Fór slökkviliðið í tíu útköll á að-
fangadag, en einungis tvö á jóladag.
Á tímabilinu var kveikt í fimm
blaða- og ruslagámum á höfuðborg-
arsvæðinu. Rekur lögreglan þá
bruna til fikts ungmenna með skot-
elda um áramótin.
Slökkvilið-
ið á fullu
Þónokkur útköll um
hátíðarnar hjá SHS
Kveikt í gámum
FRÉTTASKÝRING
Eftir Þórð Snæ Júlíusson
thordur@mbl.is
Einstaklingar sem voru í eig-
endahópi Kaupþings, eða félög á
þeirra vegum, eru á meðal þeirra
sem grunur er um að hafi hagnast á
samningum sem bankinn gerði og
eru taldir hafa fært völdum hópi
vildarviðskiptavina gríðarlegan fjár-
hagslegan ávinning.
Um er að ræða nokkra samninga
upp á nokkra tugi milljarða króna.
Samkvæmt heimildum Morg-
unblaðsins er heildarandvirði þeirra
talið vera yfir 100 milljarðar króna.
Efnahagsbrotadeild ríkislög-
reglustjóra barst nafnlaus ábending
um málið í gegnum millilið um miðj-
an desember. Í kjölfarið hófst athug-
un á málinu.
Efnahagsbrotadeildin hefur nú
óskað eftir því að Fjármálaeftirlitið
(FME) taki málið til frekari skoð-
unar og kæri það aftur til baka ef
rökstuddur grunur verður uppi um
refsiverða háttsemi. Er það gert
vegna þess að FME hefur fullan að-
gang að bókhaldi gömlu bankanna.
Gátu ekki tapað
Umræddir samningar eru taldir
hafa tryggt lykilviðskiptamönnum
og öðrum aðilum tengdum eig-
endahópi bankans verulegan ávinn-
ing sem hafi verið greiddur til
þeirra. Heimildir Morgunblaðsins
herma að samningarnir hafi verið
þess eðlis að þeir sem gerðu þá gátu
ekki tapað á þeim.
Grunur leikur á því að umrædd
háttsemi geti talist vera umboðssvik
eða jafnvel fjárdráttur. Refsing
vegna slíkra brota getur verið allt að
sex ára fangelsi. Verði niðurstaðan
sú að háttsemin feli í sér refsilaga-
brot mun rannsókn málsins beinast
jafnt að þeim sem gerðu samningana
fyrir hönd Kaupþings og þeirra sem
nutu ávinnings af þeim.
Rannsóknarskýrsla væntanleg
Heimildir Morgunblaðsins herma
að skilanefnd Kaupþings hafi ekki
haft þetta umrædda mál til skoð-
unar. Hins vegar er skýrsla Price-
WaterhouseCoopers um rannsókn á
því hvort vikið hafi verið frá lögum,
reglum eða innri reglum Kaupþings
í aðdraganda bankahrunsins vænt-
anleg á miðvikudag, 31. desember.
Deloitte, sem sinnir sambærilegri
rannsókn hjá Landsbankanum, á
einnig að skila af sér á gamlársdag
en einhver bið verður á skýrslu um
Glitni þar sem KPMG sagði sig ný-
verið frá því verki.
Gátu ekki tapað
á samningunum
 Aðilar úr eigendahópi Kaupþings á
meðal þeirra sem fengu samninga
Morgunblaðið/Brynjar Gauti
Stjórnendur Sigurður og Hreiðar
Már stjórnuðu Kaupþingi fyrir fall.
Eftir Helga Bjarnason
helgi@mbl.is
HIBERNIA Atlantic er að semja um beina tengingu
Norður-Írlands við Evrópu og Ameríku. Byggt verður
upp net á Norður-Írlandi sem tengt verður við sæstreng
Hibernia, samkvæmt heimildum Morgunblaðsins.
Verkefnið sem Hibernia hefur tekið að sér mun kosta
nálægt 30 milljónum evra sem svarar til liðlega 5 milljarða
króna. Evrópusambandið greiðir kostnaðinn í gegnum
Interrek-áætlun sína ásamt ríkisstjórnum Bretlands og
Írlands. Verkefnið var boðið út og varð Hibernia hlut-
skarpast á lokasprettinum við Cable and Wireless sem er
næststærsta símafélag Bretlands. Bjarni K. Þorvarðar-
son, framkvæmdastjóri Hibernia, staðfestir að fyrirtækið
muni annast þetta verkefni en segist ekki geta sagt frá því
að öðru leyti. Stefnt er að kynningu verkefnisins á Norð-
ur-Írlandi snemma á nýja árinu.
Hibernia rekur sæstreng milli Norður-Ameríku og
Bretlands og er með mikil viðskipti í Dyflinni á Írlandi. Til
að tengjast Norður-Írlandi verður sæstrengurinn tekinn
upp um 30 kílómetrum undan strönd landsins og kapall
lagður á land. Jafnframt verður byggt upp landnet á
Norður-Írlandi sem tengir tíu borgir við sæstrenginn. Í
því felst einnig að Belfast á Norður-Írlandi tengist við
Dyflinni, höfuðborg Írlands. Munu þessar tengingar auka
mjög nýtingu á sæstreng Hibernia og tekjumöguleika.
Hibernia tengir Norð-
ur-Írland við heiminn
Móðurfélag Hibernia-fyrirtækj-
anna sem reka sæstrengi og fjar-
skiptakerfi í Evrópu og Norður-
Ameríku er íslenskt. Það varð til
þegar Kenneth Peterson, stofn-
andi Norðuráls, fór út í fjar-
skiptarekstur og hefur því verið
haldið íslensku. Fyrirtækið hefur
tvöfaldað umsvif sín á hverju ári
og samningurinn sem verið er að
ganga frá á Norður-Írlandi mun
skapa grundvöll fyrir því að svo verði einnig á kom-
andi ári.
Tvöfaldar umsvifin á hverju ári
Kenneth Peterson
Rannsókn endurskoðunarfyr-
irtækjanna PriceWaterhouse-
Coopers, Deloitte og Ernst & Yo-
ung á því hvort föllnu bankarnir
hafi vikið frá innri reglum banka,
lögum eða öðrum reglum í aðdrag-
anda bankahrunsins fer senn að
ljúka. PriceWaterhouseCoopers,
sem rannsakar Kaupþing, og Delo-
itte, sem rannsakar Landsbank-
ann, munu skila af sér skýrslu til
Fjármálaeftirlitsins á gamlársdag.
Ernst & Young, sem rannsakar
Glitni, hefur aðeins rýmri tíma
enda hefur fyrirtækið einungis
sinnt rannsókninni frá því um
miðjan desember þegar KPMG
sagði sig frá verkinu.
Rannsóknarskýrslum skilað á gamlársdag
„ÞETTA gekk
mjög vel, menn
áttu góðar stund-
ir saman,“ segir
Páll Winkel, for-
stjóri Fangels-
ismálastofnunar,
um jólahald í
fangelsum lands-
ins. Hann segir
yfirvöld reyna að
gera hvað þau geta til að draga úr
þeirri vanlíðan fanga sem fylgir því
að vera fjarri ástvinum um jólin.
Þannig hafi verið í boði betri matur
og Bubbi Morthens hafi komið á að-
fangadag og tekið lagið. „Þeir sem
eiga rétt á dagsleyfum eftir ákveð-
inn tíma fara helst í kringum jólin, á
aðfangadag eða jóladag,“ segir Páll,
en þannig hafi margir fangar getað
átt stund með fjölskyldu sinni.
andresth@mbl.is
Gleðileg jól
í fangelsum
Páll Winkel
ILLA fór fyrir eldri hjónum í gær-
kvöldi, þegar ökuferð þeirra endaði
uppi á hringtorgi við Baugakór í
Kópavogi. Að sögn lögreglunnar á
Höfuðborgarsvæðinu ruglaðist öku-
maður á bensíngjöf og bremsu með
þeim afleiðingum að bifreiðin fór yfir
hringtorgið. Mjög stórir steinar eru
uppi á torginu og hlaut kona öku-
manns beinbrot á ökkla en ökumað-
ur sjálfur ýmis meiðsl.
Keyrði yfir
hringtorg