Morgunblaðið - 29.12.2008, Page 11

Fréttir 11INNLENT
MORGUNBLAÐIÐ MÁNUDAGUR 29. DESEMBER 2008
ÓMISSANDI HEFÐ!
Árið byrjar með sannkölluðum hátíðarbrag hjá Sinfóníuhljómsveit
Íslands á Vínartónleikum þar sem hljóma sígrænar perlur eftir
Strauss, Lehár og fleiri meistara óperettunnar. Vínartónleikar hafa
um árabil verið vinsælustu tónleikar hljómsveitarinnar, enda varla
hægt að hugsa sér ljúfari upptakt að nýju ári.
VÍNARTÓNLEIKAR Í HÁSKÓLABÍÓI
MIÐVIKUDAGINN 7. JANÚAR | kl. 19.30
FIMMTUDAGINN 8. JANÚAR | kl. 19.30
FÖSTUDAGINN 9. JANÚAR | kl. 19.30
LAUGARDAGINN 10. JANÚAR | kl. 17.00
Hljómsveitarstjóri | Marcus Poschner
Einsöngvari | Dísella Lárusdóttir
TRYGGÐU ÞÉR MIÐA
Í SÍMA 545 2500
EÐA Á SINFONIA.IS.
EFNT var til svonefndrar sveita-
messu í nýrri Lindakirkju í Kópa-
vogi á öðrum degi jóla. Messan fór
fram í fokheldu kirkjuskipinu en
áður hafði safnaðarsalurinn hlotið
vígslu biskups til að nota undir
kirkjuhald þar til sjálf kirkjan yrði
fullsmíðuð.
Á aðfangadegi jóla voru þrjár
messur í Lindakirkju og þær sóttu
alls um eitt þúsund manns. Í
sveitamessuna komu um 300
manns.
Kirkjusókn var almennt mjög
góð á landinu yfir mestu hátíðis-
dagana, enda veður milt og gott
víðast hvar. Líkt og í Lindakirkju
voru víða þrjár messur á aðfanga-
degi, fjölskyldustund kl. 16, hátíð-
armessa kl. 18 og síðan kvöld-
messa á miðnætti. Í seinni tíð hefur
aðsókn í miðnæturmessurnar verið
að aukast, sérstaklega í stærri
kirkjurnar á höfuðborgarsvæðinu
eins og Hallgrímskirkju, Dómkirkj-
una, Neskirkju og Grensáskirkju.
Sveitamessa
í Lindakirkju
Morgunblaðið/hag
Sveitamessa Séra Guðmundur Karl Brynjarsson messar yfir hinum nýja
söfnuði sínum í Lindakirkju í Kópavogi á öðrum degi jóla.
LAUN forsætisráðherra lækka um
rúmar 163 þúsund krónur, laun ann-
arra ráðherra um 137 þúsund og
þingfararkaup um 42 þúsund kr.
Kjararáð ákvað lækkun launa
þingmanna og ráðherra í kjölfar
breytingar Alþings á lögum um kjar-
aráð þar sem ráðinu er gert að úr-
skurða um lækkun launa þeirra um
5-15% frá áramótum. Jafnframt
skuli ráðinu óheimilt að hækka laun-
in á árinu 2009.
Fram kemur í úrskurði kjararáðs
að vísbendingar séu um að til-
tölulega há laun séu byrjuð að
lækka, þótt það sé ekki komið fram í
launavísitölum nema að litlu leyti.
Kjararáð lítur svo á að með lögunum
frá því fyrir jól hafi Alþingi markað
stefnu um launaþróun ríkisstarfs-
manna til næstu framtíðar, í stað
þess að kjararáð taki mið af breyt-
ingum sem orðið hafa.
Þingfararkaup verður 520 þúsund
kr. á mánuði frá áramótum en er nú
562.020 kr. og lækkar því um 7,5%.
Mánaðarlaun ráðherra verða 855
þúsund kr., að meðtöldu þingfar-
arkaupi. Ráðherra hefur nú 992.512
krónur og lækka launin því um tæp
14%. Þá lækka laun forsætisráð-
herra úr 1098.208 kr. á mánuði í 935
þúsund krónur, eða um tæp 15%.
Lækkar
um 163
þúsund
Kjararáð lækkar laun
þingmanna og ráðherra
BROTIST var
inn á hrepps-
skrifstofur Kjós-
arhrepps í Ás-
garði um jólin.
Hurðum var
sparkað upp með
tilheyrandi
skemmdum og
tölvum stolið,
m.a. bókhaldi
hreppsins og
gögnum byggingarfulltrúans. Talið
er að einn einstaklingur hafi verið að
verki og er lýst eftir ábendingum um
mannaferðir við Ásgarð frá 20. des-
ember sl.
Sigurbjörn Hjaltason, oddviti
Kjósarhrepps, segir innbrotið enn
óupplýst. Eftir eigi að skrá betur
hvers sé saknað en þriggja vikna
gamalt öryggisafrit var til af bók-
haldi hreppsins. Hann biður húseig-
endur í hreppnum að huga að eign-
um sínum en telur það grunsamlegt
að enn sé ekki búið að tilkynna önn-
ur innbrot í Kjósarhreppi yfir jólin.
bjb@mbl.is
Innbrot hjá
hreppnum
Sigurbjörn
Hjaltason
NÝLEGA var greint í fjölmiðlum frá
þeirri tillögu Ferðamálasamtaka
Suðurnesja að sleppa hjörð villtra
hreindýra í Reykjanesfólkvang.
Dýraverndarsamband Íslands hefur
af því tilefni sent frá sér yfirlýsingu
þar sem varað er eindregið við slík-
um áformum, enda samræmist það
ekki dýravelferðarsjónarmiðum.
Reykjanesskaginn hefur ekki
uppá að bjóða kjörlendi fyrir hrein-
dýr, hvorki hvað beitilönd varðar né
loftslagsskilyrði þar sem þetta er
eitt votviðrasamasta svæði landsins.
Gera má ráð fyrir að hreindýrin
myndu leita niður á láglendi, amk.
hluta árs, svo sem í skóglendi, allt til
Heiðmerkur og niður að sjó, þar
með yfir hina fjölförnu Reykjanes-
braut og lenda í mikilli slysahættu,“
segir m.a. í yfirlýsingunni.
Ekki kjör-
lendi fyrir
hreindýr