Morgunblaðið - 21.03.2009, Blaðsíða 45

Við kveðjum yndislega ömmu og
þökkum fyrir alla þá ástúð og hlýju
sem hún gaf okkur í gegnum tíðina.
Hjartakær amma, far í friði,
föðurlandið himneskt á,
þúsundfaldar þakkir hljóttu
þínum litlu vinum frá.
Vertu sæl um allar aldir,
alvaldshendi falin ver;
inn á landið unaðsbjarta,
englar Drottins fylgi þér.
(Höf. ók.)
Kveðja,
Ásta Margrét, Vigfús, Birgir
Jón, Linda Björg og fjölskyldur.
Elsku Ásta systir.
Nú þegar þú hefir fengið hvíld eftir
löng og erfið veikindi leitar hugurinn
til æskuáranna vestur á Geirseyri.
Við ólumst upp í stórum systkinahópi
hjá yndislegum foreldrum. Oft var
glatt á hjalla og gaman að lifa. Eftir
því sem árin liðu fækkaði í systkina-
hópnum heima. Farið var burt til
náms eða starfa og loks voru aðeins
ég og Siggi eftir heima.
Þú fannst þinn yndislega förunaut í
Borgarnesi og þar settust þið að. Þar
áttuð þið fallegt heimili og eignuðust
dugleg og yndisleg börn. Á liðnum ár-
um komum við hjónin og börnin okk-
ar oft í heimsókn og áttum alltaf
skemmtilegar og góðar stundir sam-
an, sem við geymum í minni.
Beztu þakkir fyrir allt og allt.
Guð varðveiti þig á nýju tilveru-
stigi.
Þín systir,
Guðríður Soffía (Gýja).
Hún Ásta systir mín er dáin, þraut-
unum lokið og hvíldin tekin við.
Nú er ekki lengur hægt að skreppa
upp í Borgarnes eða koma þar við til
að hitta Ástu systur. Þegar ég var lít-
ill snáði vestur á Patreksfirði var mér
eitt sinn sagt að hún stóra systir mín í
Borgarnesi væri að koma í heimsókn.
Ég hafði verið of ungur til að muna
eftir þessari stóru systur minni þegar
hún hleypti heimdraganum til náms
að Staðarfelli í Dölum. Þar hitti hún
lífsförunautinn, hann Jonna sinn, og
flutti með honum í Borgarnes. Hún
kom með frumburðinn sinn, hana
Svandísi, með sér. Við Svandís áttum
eftir að verða miklir leikfélagar og
vinir þegar heimsóknum þeirra
mæðgna fjölgaði, en oft slóst líka upp
á vinskapinn eins og gengur og gerist
hjá smáfólki. Mér er enn í minni atvik
sem varð í kartöflugarði heimilisins í
einni heimsókninni að hausti til. Ekki
man ég hvað við Svandís vorum að
gera þar, nema hvað að til alvarlegs
ágreinings kom á milli okkar sem
endaði með að undirritaður beitti afls-
munar og mun hafa lúskrað nokkuð
alvarlega á frænku sinni, sem vitan-
lega hljóp grátandi heim og klagaði
fyrir mömmu sinni. Um leið og Ásta
tók þéttingsfast í öxl mína og hristi
mig til fékk ég skýr skilaboð frá syst-
ur minni um að svona skyldi ég ekki
koma fram við hennar börn. Ég verð
að viðurkenna að þær mæðgur voru
ekki í miklu uppáhaldi hjá mér næstu
klukkustundirnar.
Ásta og Jón Björnsson mágur
minn bjuggu sér fallegt heimili í húsi
sem kallað er Hornið, Ásta gekk því
jafnan undir nafninu Ásta á Horninu.
Þegar ég var 15 ára tók fjölskyldu-
ráðið þá ákvörðun að námi mínu væri
best borgið í Borgarnesi. Á þessum
vetri kynntist ég systur minni og
mági mjög náið enda naut ég þar ein-
stakrar ástúðar og umhyggju. Þessa
tímabils hef ég ávallt hugsað til með
þakklæti og lagði þessi vetur grunn-
inn að okkar nána sambandi í gegnum
árin.
Þegar árin liðu var viðkoma í Borg-
arnesi að föstum þætti þegar farið var
hvort sem var vestur á Patreksfjörð
eða síðar austur á Vopnafjörð. Alltaf
voru viðtökurnar jafn ástúðlegar, allt-
af var jafn gaman að sitja og spjalla
við þau hjón og síðar við Ástu eina eft-
ir ótímabært fráfall Jonna. Ásta var
einstaklega ljúf kona með mikið skop-
skyn sem naut sín vel á góðum stund-
um. Aldrei man ég til þess að henni
lægi illt orð til nokkurs manns enda
skopskynið notað til að gleðja en ekki
til að særa.
Ásta bjó lengi ein í stóra húsinu
sínu við Sæunnargötu þrátt fyrir að
heilsan væri farin að bila, var það því
mikill léttir allra sem þótti vænt um
hana þegar hún féllst á að flytja á
Dvalarheimili aldraðra í Borgarnesi.
Þegar við Selma komum í okkar
hinstu heimsókn til Ástu í lok janúar
sl. var augljóst að leiðarlokin nálguð-
ust en þrátt fyrir það var andinn sá
sami, stutt í skopið þó að líkaminn
væri að bila.
Elsku Ásta mín, þökk fyrir alla ást-
úðina, umhyggjuna og góðu stundirn-
ar sem við höfum átt saman.
Innilegar samúðarkveðjur til
barna þinna, maka þeirra og stóra af-
komendahópsins sem syrgir frábæra
mömmu, ömmu og langömmu.
Ásgeir Hjálmar
(Hjalli bróðir).
Nú er elskuleg frænka mín loksins
farin til hans Jonna síns eins og hún
hefur óskað sér síðan hann fór. Þó að
Jonni hafi dáið fyrir 25 árum þá finnst
mér ætíð best að nefna þau saman,
Ásta og Jonni, það er eins og það eigi
að hljóma þannig.
Ásta föðursystir mín bjó alla sína
búskapartíð í Borgarnesi þaðan sem
Jonni var ættaður. Fyrstu minningar
mínar um þau hjónin var þegar ég sex
ára gamall var sendur til þeirra á
meðan mamma var að eiga bróður
minn. Það var ekki auðvelt verk að
líta eftir þessum óstýriláta dreng sem
ég var en það kom í hlut Jonna að láta
mig hafa nóg að gera. Það þótti mér
ekki slæmt því auk þess að vera raf-
veitustjóri þá var hann sýningarstjóri
í bíóinu. Jonni var með afbrigðum
barngóður og elti ég hann því um allt
eins og hlýðinn hundur. Það er óhætt
að segja að þessi bernskuminning er
ein af þeim bestu sem ég á og bý ég
alla tíð að henni. Ég átti eftir að fara
margar fleiri ferðir til þeirra hjóna og
þegar ég var kominn í menntaskóla
þá hringdi ég stundum til Ástu og
fékk að vera hjá henni í upplestrarfrí-
inu. Hvergi leið mér betur og við mig
var dekrað til að ég gæti einbeitt mér
að náminu. Það er óhætt að segja að
dvölin hjá Ástu hafi stundum bjargað
því sem bjargað varð.
Ásta var ekki allra því hún sagði
alltaf það sem henni bjó í brjósti en
trygg var hún þeim sem henni líkaði
við. Eftir að hún var orðin ein þá lað-
aði hún að sér alla ketti og hunda í ná-
grenninu með góðu atlæti og þegar
maður átti leið um Borgarnes þá gat
maður átt von á þeim í heimsókn en
bakdyrnar voru venjulega opnar til
að gestir og gangandi gætu hjálpað
sér sjálfir ef Ásta var ekki viðlátin.
Það er óhætt að segja að hjá Ástu var
maður velkominn og fékk að finna
það. Einhverju sinni var ég á ferð í
Borgarfirði með félögum mínum að
eltast við rjúpu. Þegar veður breytt-
ist þá kom upp sú staða að okkur
vantaði gistingu. Datt mér þá í hug að
hringja í Ástu og sá hún ekkert því til
fyrirstöðu að hópurinn gisti hjá henni
um nóttina. Óhætt er að segja að Ásta
reyndist mér vel alla tíð vel og stund-
um voru greiðarnir óumbeðnir.
Fyrstu árin eftir að Jonni dó voru
Ástu erfið, svo mjög syrgði hún sinn
góða mann. Var auðheyrt á henni að
hún vildi helst fara strax til hans.
Ekki varð henni að þessari ósk sinni
því hún lifði lengi eftir það.
Ég kveð Ástu frænku mína með
söknuði þrátt fyrir að ég geri mér
grein fyrir því að þetta er það sem
hún vildi helst. Eitt loforð gaf ég Ástu
í síðasta skipti sem ég hitti hana sem
ég vonast til að geta uppfyllt síðar.
Mínar innilegustu samúðarkveðjur
sendi ég börnum, barnabörnum og
tengdafólki.
Sigurður A. Þóroddsson.
Elsku Ásta.
Mig langar að þakka þér fyrir allar
góðu samverustundirnar okkar. Þá
hugsa ég sérstaklega til áranna fimm-
tán sem við áttum saman „mannlaus-
ar“ við spjall og búðaráp. Þetta voru
skemmtileg ár þar sem við hittumst á
hverjum degi, skruppum í búðir,
drukkum kaffi og spjölluðum um allt
mögulegt, gamla tíma og nýja.
Ég bið Guð og englana að gæta þín
og sendi börnum þínum og fjölskyld-
um þeirra mínar innilegustu samúð-
arkveðjur.
Hvíl í friði kæra vinkona,
Sigríður (Sigga Jóns).
Messur 45Á MORGUN
MORGUNBLAÐIÐ LAUGARDAGUR 21. MARS 2009
AÐVENTKIRKJAN:
Aðventsöfnuðurinn í Árnesi | Samkoma á
Selfossi í dag, laugardag, kl. 10, hefst með
biblíufræðslu fyrir börn og fullorðna. Guðs-
þjónusta kl. 10.45. Jóhann Þorvaldsson pré-
dikar.
Aðventkirkjan í Reykjavík | Samkoma í dag,
laugardag, kl. 11, hefst með biblíufræðslu
fyrir börn, unglinga og fullorðna. Einnig er
boðið upp á biblíufræðslu á ensku. Guðs-
þjónusta kl. 12. Eric Guðmundsson prédikar.
Aðventsöfnuðurinn á Suðurnesjum | Sam-
koma í Reykjanesbæ í dag, laugardag, kl.
11. Farið yfir biblíulexíuna. Guðsþjónusta kl.
12. Björgvin Snorrason prédikar.
Aðventsöfnuðurinn í Hafnarfirði | Samkoma
í Loftsalnum í dag, laugardag, hefst með fjöl-
skyldusamkomu kl. 11. Einar Valgeir Arason
prédikar. Biblíufræðsla fyrir börn, unglinga og
fullorðna kl. 11.50. Einnig er biblíufræðsla á
ensku.
AKUREYRARKIRKJA | Messa kl. 11. Prestur
er sr. Sólveig Halla Kristjánsdóttir, félagar úr
Kór Akureyrarkirkju syngja undir stjórn Ey-
þórs Inga Jónssonar. Aðalsafnaðarfundur Ak-
ureyrarsóknar er í safnaðarheimilinu kl. 12,
að messu lokinni. Sunnudagaskóli í safn-
aðarheimilinu kl. 11. Umsjón hefur sr. Jóna
Lovísa.
ÁRBÆJARKIRKJA | Almenn guðsþjónusta
kl. 11. Sr. Þór Hauksson þjónar fyrir altari og
prédikar, organisti Krizstina Kalló Szklenár,
kirkjukórinn leiðir safnaðarsöng. Sunnudaga-
skóli á sama tíma í safnaðarheimilinu í um-
sjón Margrétar Ólafar, Péturs Markan og Haf-
dísar. Kaffi á eftir.
ÁSKIRKJA | Sunnudagaskóli kl. 11. Umsjón
Elías og Hildur Björg. Messa kl. 14. Skírn.
Sóknarprestur prédikar og þjónar fyrir altari
ásamt Margréti Svavarsdóttur djákna. Fé-
lagar úr Hljómeyki leiða sönginn, organisti
Magnús Ragnarsson. Aðalsafnaðarfundur
Ássóknar verður haldinn í neðra safn-
aðarheimili Áskirkju að messu lokinni. Venju-
leg aðalfundarstörf og kaffiveitingar.
BESSASTAÐASÓKN | Sunnudagaskóli kl. 11
í nýju safnaðarheimili á Brekkuskógum 1. Sr.
Hans Guðberg Alfreðsson og leiðtogar safn-
aðarins annast stundina.
BRAUTARHOLTSKIRKJA Kjalarnesi | Messa
í Klébergsskóla kl. 11. Aðalsafnaðarfundur
eftir messu. Gunnar Kristjánsson sókn-
arprestur.
BREIÐHOLTSKIRKJA | Messa kl. 11. Prestur
sr. Sigurjón Árni Eyjólfsson, kór Breiðholts-
kirkju syngur, organisti Jullian Edward Isa-
acs. Sunnudagaskóli á sama tíma. Kaffi í
safnaðarheimili á eftir.
BÚSTAÐAKIRKJA | Barnamessa kl. 11.
Stund fyrir alla fjölskylduna með fræðslu,
söng, tónlist. Guðsþjónusta kl. 14. Unglinga-
kórar Bústaðakirkju undir stjórn Jóhönnu
Þórhallsdóttur syngja, organisti Renata Ivan,
prestur sr. Pálmi Matthíasson. Aðalsafn-
aðarfundur Bústaðasóknar að lokinni guð-
þjónustu. Venjuleg aðalfundarstörf og kaffi-
veitingar.
DIGRANESKIRKJA | Messa kl. 11. Prestur
sr. Gunnar Sigurjónsson, organisti Kjartan
Sigurjónsson, kór Digraneskirkju B-hópur.
Sunnudagaskóli í kapellu á sama tíma. Létt-
ar veitingar í safnaðarsal á eftir. Sjá digra-
neskirkja.is.
DÓMKIRKJAN | Messa kl. 11. Móeiður Júní-
usdóttir guðfræðinemi prédikar, sr. Anna Sig-
ríður Pálsdóttir þjónar fyrir altari, Dómkórinn
syngur, organisti er Marteinn Friðriksson.
Barnastarf á kirkjuloftinu meðan á messu
stendur. Hádegisbænir á miðvikudögum.
Kvöldkirkjan og opið hús á fimmtudögum.
EGILSSTAÐAKIRKJA | Sunnudagaskóli kl.
11. Sameiginleg messa safnaðanna á Hér-
aði við lok fermingarstarfanna kl. 14. Sr.
Lára G. Oddsdóttir prédikar. Kyrrðarstund á
mánudag kl. 18, í safnaðarheimilinu á Hörg-
sási 4, einnig er biblíulestur á þriðjudag kl.
19.30.
FELLA- og Hólakirkja | Guðsþjónusta kl. 11.
Prestur sr. Þórhildur Ólafs og tónlistarmað-
urinn Þorvaldur Halldórsson leiðir tónlistina.
Sunnudagaskóli á sama tíma í umsjá Þór-
eyjar D. Jónsdóttur.
FRÍKIRKJAN Hafnarfirði | Barna- og fjöl-
skylduguðsþjónusta kl. 11.
FRÍKIRKJAN Kefas | Sunnudagaskói kl. 11.
Vitnisburðarstund kl. 14. Lofgjörð, barna-
starf og fyrirbænir fyrir þá sem þess óska. Á
eftir er kaffi og samfélag og verslun kirkj-
unnar opin.
FRÍKIRKJAN Reykjavík | Fermingarmessa
kl. 14. Barn borið til skírnar. Tónlistina leiða
Anna Sigríður Helgadóttir og Carl Möller
ásamt kór Fríkirkjunnar, en um ferminguna
sér Hjörtur Magni Jóhannsson. Altarisganga.
FÆREYSKA sjómannaheimilið | Möti kl. 17.
Lestur og kaffi á eftir.
GRAFARVOGSKIRKJA | Ferming kl. 10.30
og 13.30. Sr. Vigfús Þór Árnason og sr.
Bjarni Þór Bjarnason. Sunnudagaskóli kl.
11. Sr. Lena Rós Matthíasdóttir og umsjón
hafa Hjörtur og Rúna, undirleikari er Stefán
Birkisson.
Borgarholtsskóli Guðsþjónusta kl. 11. Sr.
Guðrún Karlsdóttir prédikar og þjónar fyrir alt-
ari, kór syngur, organisti Guðlaugur Vikt-
orsson. Sunnudagaskóli kl. 11. Umsjón
Gunnar Einar Steingrímsson djákni.
GRENSÁSKIRKJA | Morgunverður kl. 10,
bænastund kl. 10.15. Barnastarf kl. 11 í
umsjá Lellu og unglinga úr kirkjustarfinu.
Messa kl. 11. Altarisganga og samskot til
Hjálparstarfs kirkjunnar. Messuhópur þjónar,
kirkjukór Grensáskirkju syngur, organisti Árni
Arinbjarnarson og prestur er sr. Ólafur Jó-
hannsson. Molasopi eftir messu. Kyrrð-
arstund á þriðjudag kl. 12. Hversdagsmessa
með Þorvaldi Halldórssyni á fimmtudag kl.
18.10.
GRUND dvalar- og hjúkrunarheimili | Guðs-
þjónusta kl. 14. Prestur sr. Hreinn S. Há-
konarson, organisti Kjartan Ólafsson.
GUÐRÍÐARKIRKJA Grafarholti | Fjöl-
skyldumessa kl. 11 á alþjóðlegum degi
vatnsins, þar sem vatns og vatnsleysis er
minnst í lestrum, söngvum og bænum.
Prestur dr. Sigríður Guðmarsdóttir, umsjón
Laufey Brá Jónsdóttir, undirleikur Anna Elísa
Gunnarsdóttir. Leikhópurinn Leikandi læri-
sveinar leikur leikrit. Meðhjálparar eru Að-
alsteinn Dalmann Októsson og Sigurður
Óskarsson.
HAFNARFJARÐARKIRKJA | Messa kl. 11.
Prestar sr. Gunnþór Þ. Ingason og sr. Kjartan
Jónsson, kantor Guðmundur Sigurðsson og
Barbörukórinn syngur. Sunnudagaskóli á
sama tíma í Strandbergi. Aðalsafn-
aðarfundur eftir messu í Strandbergi. Kyrrð-
arstund með kristinni íhugun á þriðjudag kl.
17.30. Umsjón hefur Hrönn Sigurðardóttir
guðfræðingur. Aftansöngur að gregorskum
hætti á fimmtudag kl. 18. Fullorðinsfræðsla
kl. 20. Orgelkynning með tóndæmum í
umsjá Guðmundar Sigurðssonar kantors.
HALLGRÍMSKIRKJA | Messa og barnastarf
kl. 11. Sr. Jón Dalbú Hróbjartsson prédikar
og þjónar fyrir altari ásamt sr. Birgi Ásgeirs-
syni og messuþjónum. Forsöngvari Margrét
Bóasdóttir og organisti er Björn Steinar Sól-
bergsson. Umsjón barnastarfs Rósa Árna-
dóttir.
HÁTEIGSKIRKJA | Messa kl. 11. Barnastarf í
umsjá Sunnu Kristrúnar og Páls Ágústs. Létt-
ur málsverður að messu lokinni. Organisti
Douglas Brotchie. Helga Soffía Konráðs-
dóttir.
HJALLAKIRKJA Kópavogi | Guðsþjónusta kl.
11. Sr. Íris Kristjánsdóttir þjónar, barnakór úr
Digranesskóla syngur undir stjórn Þórdísar
Sævarsdóttur. Félagar úr Kór kirkjunnar
syngja og leiða safnaðarsöng, organisti Jón
Ólafur Sigurðsson. Sunnudagaskóli kl. 13.
Bæna- og kyrrðarstund á þriðjudag kl. 18 og
opið hús á fimmtudag kl. 12. Sjá hjallakirkja-
.is.
HJÁLPRÆÐISHERINN Akureyri | Gosp-
elkirkja kl. 17. Gospelkór Akureyrar sér um
samkomuna, Dögg Harðardóttir talar.
HJÁLPRÆÐISHERINN Reykjavík | Sam-
koma sunnudag kl. 20. Umsjón hafa Anne
Marie og Harold Reinholdtsen. Heim-
ilasamband fyrir konur mánudag kl. 15. Bæn
þriðjudag kl. 20. Samkoma fimmtudag kl.
20. Umsjón hafa Valborg Kristjánsdóttir og
Harold Reinholdtsen. Aðalfundur föstudag
kl. 18.
HRÍSEYJARKIRKJA | Sunnudagaskóli kl. 11.
HVÍTASUNNUKIRKJAN Fíladelfía | Al-
þjóðakirkjan í kaffisal kl. 13, samkoma fyrir
enskumælandi. Almenn samkoma kl.
16.30. Ræðumaður er Hafliði Kristinsson.
Barnakirkja fyrir börn frá eins árs aldri á með-
an samkoma stendur. Verslunin Jata er opin
eftir samkomuna.
ÍSLENSKA KIRKJAN í Svíþjóð | Guðsþjón-
usta kl. 14. í V-Frölundakirkju í Gautaborg. Ís-
lenski kórinn í Gautaborg syngur, orgel og
kórstjórn Seth-Reino Ekström, prestur sr.
Ágúst Einarsson. Altarisganga. Barnastund
með Birnu. Kirkjukaffi.
ÍSLENSKA Kristskirkjan | Barnastarf kl. 11.
Fræðsla á sama tíma fyrir fullorðna. Ragnar
Schram kennir. Biblíuspurningakeppnin
„Jesús lifir“ kl. 14. Samkoma kl. 20. Lof-
gjörð og fyrirbænir. Friðrik Schram predikar.
Sjá kristur.is.
KAÞÓLSKA KIRKJAN:
Péturskirkja, Akureyri | Messa kl. 11 og
laugardag kl. 18.
Kapúsínaklaustrið á Kollaleiru Reyðarf. |
Messa kl. 11.
Jósefskirkja, Hafnarfirði | Messa kl. 10.30
og virka daga kl. 18.30.
Karmelklaustur, Hafnarfirði | Messa kl. 8.30
og virka daga kl. 8.
Barbörukapella, Keflavík | Messa kl. 14.
Kristskirkja, Landakoti | Messa kl. 10.30 og
á ensku kl. 18. Virka daga er messa kl. 18.
Barnamessa kl. 14 eftir trúfræðslu.
Stykkishólmur | Messa kl. 10 og virka daga
kl. 18.30.
Ísafjörður | Messa kl. 11.
Flateyri | Messa laugardag kl. 18.
Bolungarvík | Messa kl. 16.
Suðureyri | Messa kl. 19.
Maríukirkja við Raufarsel, Rvk. | Messa kl.
11 og virka daga kl. 18.30. Laugardaga er
messa á ensku kl. 18.30.
Riftún í Ölfusi | Messa kl. 16. Messa mið-
vikudaga kl. 20.
KEFLAVÍKURKIRKJA | Fermingarguðs-
þjónusta kl. 11 og 14. Börn úr Holtaskóla
fermast. Prestar og æskulýðsfulltrúi þjóna,
sr. Sigurður Helgi Guðmundsson tekur einnig
þátt í athöfninni. Meðhjálparar eru María
Bergsdóttir og Ragnheiður Ásta Magn-
úsdóttir, félagar úr Kór Keflavíkurkirkju
syngja undir stjórn Arnórs Vilbergssonar.
KÓPAVOGSKIRKJA | Barnastarf kl. 11 í safn-
aðarheimilinu á horni Hábrautar og Hamra-
borgar. Umsjón hafa Sigríður og Þorkell
Helgi. Messa kl. 11, með þátttöku ferming-
arbarna og foreldra. Kaffi og fundur með
þeim í safnaðarheimilinu á eftir. Prestur sr.
Ægir Fr. Sigurgeirsson, félagar úr kór Kópa-
vogskirkju syngja og leiða safnaðarsöng, org-
anisti og kórstjóri Lenka Mátéová, kantor
kirkjunnar. Bæna- og kyrrðarstund á þriðju-
dag kl. 12.10.
LANDSPÍTALI | Guðsþjónusta á Hringbraut
kl. 10.30 á stigapalli á 3. hæð. Sr. Vigfús
Bjarni Albertsson og Ingunn Hildur Hauks-
dóttir organisti.
LANGHOLTSKIRKJA | Messa kl. 11. Prestur
sr. Arna Ýrr Sigurðardóttir, organisti Jón Stef-
ánsson, kórskóli Langholtskirkju og Gra-
duale Futuri sjá um messusöng undir stjórn
Rósu Jóhannesdóttur og Þóru Björnsdóttur.
Barnastarf með hefðbundnu sniði. Kaffisopi
á eftir.
LAUGARNESKIRKJA | Messa og sunnudaga-
skóli kl. 11. Sr. Bjarni Karlsson prédikar og
þjónar ásamt Gunnari Gunnarssyni org-
anista, kór Laugarneskirkju og hópi starfs-
manna og sjálfboðaliða. Kaffi. Messa kl. 13
í Rauða salnum í Sjálfsbjargarhúsinu í Há-
túni 12. Guðrún K. Þórsdóttir þjónar ásamt
sóknarpresti, organista og hópi sjálf-
boðaliða. Harðjaxlar Laugarneskirkju halda
fund kl. 14.
LÁGAFELLSKIRKJA | Guðsþjónusta kl. 11.
Kirkjukór Lágafellssóknar leiðir safn-
aðarsöng undir stjórn Jónasar Þóris org-
anista, prestur sr. Ragnheiður Jónsdóttir.
LINDAKIRKJA Kópavogi | Ferming í dag,
laugardag, kl. 10.30 og 13.30. Kór Linda-
kirkju leiðir safnaðarsönginn undir stjórn
Keiths Reeds organista, prestar eru Guð-
mundur Karl Brynjarsson og Guðni Már Harð-
arson. Fjölskylduguðsþjónusta sunnud. kl.
11. Bernd Ogrodnik sýnir brúðuleikritið um
Pétur og úlfinn. Sunnudagaskólasöngvar við
gítarundirleik. Prestur er Guðmundur Karl
Brynjarsson.
NESKIRKJA | Messa og barnastarf kl. 11.
Félagar úr kór Neskirkju leiða safnaðarsöng,
organisti er Steingrímur Þórhallsson, sr. Sig-
urður Árni Þórðarson prédikar og þjónar fyrir
altari. Messuþjónar. Börnin byrja í messunni
en fara síðan í safnaðarheimilið. Umsjón Sig-
urvin, María, Andrea og Ari. Veitingar á Torg-
inu á eftir.
NJARÐVÍKURKIRKJA Innri | Ferming-
armessa kl. 10.30. Altarisganga. Kór Ytri-
Njarðvíkurkirkju syngur undir stjórn Gunn-
hildar Höllu Baldursdóttur, meðhjálpari er
Gyða Minný Sigfúsdóttir.
ÓHÁÐI SÖFNUÐURINN | Fermingarguðs-
þjónusta og barnastarf kl. 14. Barnastarfið
er í umsjón Hildar og Elíasar. Kór safnaðar-
ins leiðir almennan söng undir stjórn Kára
Allanssonar, meðhjálpari Ragnar Krist-
jánsson og í móttökunni er Valur Sigurbergs-
son.
SALT kristið samfélag | Samkoma kl. 17 á
Háaleitisbraut 58-60. Ræðumaður er Guð-
laugur Gunnarsson. Lofgjörð, fyrirbæn og
barnastarf.
SELFOSSKIRKJA | Messa kl. 11. Sr. Óskar
Hafsteinn Óskarsson þjónar ásamt Eygló J.
Gunnarsdóttur djákna og sr. Sigurður Sigurð-
arson vígslubiskup prédikar. Gissur Páll
Gissurarson syngur einsöng, organisti er
Jörg Sondermann. Sunnudagaskóli á sama
tíma. Að messu lokinni fer fram vígsla á
minnisvarða um fyrrverandi prestshjón á Sel-
fossi, sr. Sigurð Pálsson vígslubiskup og frú
Stefaníu Gissurardóttur. Léttur hádeg-
isverður á eftir.
SELJAKIRKJA | Barnaguðsþjónusta kl. 11.
Barnakórinn syngur undir stjórn Önnu Jóns-
dóttur. Kveðjuguðsþjónusta kl. 14. Sr. Bolli
Pétur Bollason prédikar og kveður söfn-
uðinn. Gerður Bolladóttir syngur einsöng,
Örnólfur Kristjánsson leikur á knéfiðlu, kirkju-
kórinn leiðir söng, organisti Jón Bjarnason.
Kaffiveitingar á eftir. Guðsþjónusta í Skóg-
arbæ kl. 16. Sr. Bolli Pétur Bollason prédikar
og kveður. Kirkjukórinn leiðir söng, organisti
er Jón Bjarnason.
SELTJARNARNESKIRKJA | Guðsþjónusta kl.
11. Kammerkór kirkjunnar leiðir safn-
aðarsöng undir stjórn Friðriks Vignis Stef-
ánssonar organista. Sunnudagaskólinn á
sama tíma og æskulýðsfélagið kl. 20. Prest-
ur er sr. Hans Markús Hafsteinsson.
SKÁLHOLTSDÓMKIRKJA | Messa kl. 11.
Sóknarprestur.
SÓLHEIMAKIRKJA | Guðsþjónusta kl. 14.
Sr. Birgir Thomsen þjónar fyrir altari og pré-
dikar, almennur safnaðarsöngur, organisti
Ester Ólafsdóttir, meðhjálpari er Erla Thom-
sen.
TORFASTAÐAKIRKJA | Guðsþjónusta kl. 14.
Prestur sr. Egill Hallgrímsson, organisti
Glúmur Gylfason.
VEGURINN kirkja fyrir þig | Samkoma kl. 14.
Freddy Filmore prédikar, lofgjörð og fyrirbæn.
Aldursskipt barnakirkja. Veitingar og sam-
félag á eftir.
VÍDALÍNSKIRKJA | Messa og sunnudaga-
skóli kl. 11. Sr. Friðrik J. Hjartar prédikar og
þjónar fyrir altari ásamt Nönnu Guðrúnu
djákna. Nýir sóknarnefndarmenn annast
lestrana. Inga María Backman píanó-
nemandi leikur á flygilinn, Jóhann Baldvins-
son organisti og félagar úr kór Vídalínskirkju
leiða safnaðarsönginn. Leiðtogar sunnu-
dagaskólans fræða börnin.
VÍÐISTAÐAKIRKJA Hafnarfirði | Fjöl-
skylduhátíð kl. 11. Sunnudagaskóli og fjöl-
skylduguðsþjónusta saman í fjölskylduhátíð.
Stúlknakór Víðistaðakirkju syngur undir
stjórn Áslaugar Bergsteinsdóttur, prestur sr.
Þórhallur Heimisson héraðsprestur.
YTRI-Njarðvíkurkirkja | Sunnudagaskóli kl.
11. Umsjón hafa Brynja Vigdís Þorsteins-
dóttir, Dagmar Kunakova, Hanna Vilhjálms-
dóttir, Jenný Magnúsdóttir og María Rut
Baldursdóttir.
ÞORLÁKSKIRKJA | Sunnudagaskóli kl. 11.
Messa kl. 14.
ORÐ DAGSINS:
Jesús mettar fimm þús-
undir manna.
(Jóh. 6)