Morgunblaðið - 24.03.2009, Blaðsíða 4

4 FréttirINNLENT
MORGUNBLAÐIÐ ÞRIÐJUDAGUR 24. MARS 2009
LÖGREGLAN á höfðuðborgar-
svæðinu handtók í gær mann, sem
er talinn hafa hlaupið út úr skart-
gripaverslun í Kópavogi með verð-
mæta skartgripi. Maðurinn gerði
fleiri tilraunir til slíks þjófnaðar án
árangurs. Hann hefur nú játað
verknaðinn en í gær lá ekki ljóst
fyrir hvort maðurinn hefði enn þýf-
ið undir höndum. ben@mbl.is
Skartgripa-
þjófurinn
gripinn
Sprettharður Lögregla birti mynd
úr eftirlitskerfi verslunarinnar.
Eftir Ágúst Inga Jónsson
aij@mbl.is
„ÞAÐ má segja að það hafi verið
glimrandi veiði í mánuðinum og
ágætar gæftir, sérstaklega fyrir
stærri bátana,“ sagði Ragnar Krist-
jánsson, framkvæmdastjóri Fisk-
markaðs Suðurnesja, síðdegis í gær.
Fyrirtækið er með starfsemi víða
um land og í nógu var að snúast á
mörkuðunum, en alls voru tæplega
700 tonn seld á íslenskum fiskmörk-
uðum í gær.
„Verð fyrir þorskinn var í raun-
inni út úr korti í fyrrahaust og það
var í rauninni enn mjög hátt um síð-
ustu áramót,“ segir Ragnar. „Síðan
þá hefur verð á þorski lækkað tals-
vert og ýsan hefur einnig gefið eftir.
Svo er þetta alltaf spurning um
hversu mikið berst á land og í dag
seldum við kíló af blönduðum góðum
þorski á 187 krónur kílóið, en stærri
fiskurinn fór upp í um 200 krónur.“
Ragnar sagði að verðið hefði gert
þeim erfitt fyrir sem leigja kvóta, en
leiguverð á þorski hefði einnig lækk-
að og væri núna nálægt 160 krónum
kílóið.
Sóknin miðast við
kvótastöðu útgerða
Sverrir Vilbergsson á hafnarvigt-
inni í Grindavík sagði að undanfarið
hefði aflast vel í öll veiðarfæri. „Ef
menn hefðu getað sótt af fullum
krafti og verið í kappi eins og í gamla
daga hefði verið glannafiskirí,“ sagði
Sverrir
Kári Hrafn, framkvæmdastjóri
Fiskmarkaðs Vestmannaeyja, sagði
að verð á þorski og ýsu hefðu gefið
eftir að undanförnu. Aflabrögð hefðu
verið ágæt en sóknin miðaðist við
kvótastöðu útgerðanna hverju sinni.
Tíðarfarið hefði verið mun betra í ár
heldur en tvær síðustu vetrar-
vertíðir, þó að tvær lægðir hefðu
truflað sóknina í mánuðinum.
Góður afli, en verðið lækkar
 Glannafiskirí ef
sótt væri af fullum
krafti og menn
væru í kappi eins
og í gamla daga
Morgunblaðið/RAX
Landað í Grindavík Þeir voru hressir þessir félagar þegar þeir komu úr
róðri á dögunum, enda aflinn góður eins og oft á þessari vertíð.
TÓMAS Þorvaldsson GK 10, línu-
skip Þorbjörns hf. í Grindavík,
landaði um 80-100 tonnum af
þorski, ýsu, keilu og löngu í
Grimsby í gærmorgun. Þetta er
fjórða skip útgerðarinnar sem land-
ar í Grimsby á jafnmörgum vikum.
„Markaðir eru að verða erfiðari
því kaupgetan á þeim hefur hrunið
að undanförnu,“ segir Eiríkur
Tómasson, forstjóri Þorbjörns.
„Þess vegna verðum við að dreifa
þessu meira en við höfum gert.“
Hann segir eitt af sjö skipum út-
gerðarinnar sigla með aflann í einu
og styttra sé til Grimsby en t.a.m.
Hull, en markaðssvæðið sé það
sama. Eiríkur segir ágætt verð fást
fyrir aflann á þessum slóðum en alls
hefur Þorbjörn landað um 380
tonnum í Grimsby á þessum vikum.
ben@mbl.is
Tómas Þorvaldsson GK 10.
Fiskmark-
aðir erfiðir
ÞÓTT óvinurinn búi í alfaraleið er ávallt krókur
til hans. Leiðin er hins vegar bein og greið til
góðra vina, jafnvel þótt langt sé að fara. Þessum
skilaboðum hefur einhver kosið að koma á fram-
færi við vegfarendur um Suðurgötu skammt frá
Háskóla Íslands. Ekki er ólíklegt að spekin sé
sótt í skruddur sem þar er að finna enda stofnun
Árna Magnússonar ekki langt frá þar sem hand-
rit Hávamála eru geymd.
Hávamál á hraðbrautinni
Morgunblaðið/Ómar
Eftir Bergþóru Njálu Guðmundsdóttur
ben@mbl.is
ÖGMUNDUR Jónasson heilbrigðis-
ráðherra segir það verða val sjúklinga
hvort þeir fái tilvísun til sérfræðings
frá heimilislækni eða ekki verði hug-
myndir hans um valfrjálst tilvísana-
kerfi að veruleika. Velji sjúklingar að
fara beint til sérfræðingsins borgi
þeir meira.
Landsfundur Vinstri grænna
ályktaði að fara skyldi leið Dana varð-
andi valfrjálst tilvísanakerfi í heil-
brigðisþjónustu. Ögmundur Jónasson
heilbrigðisráðherra segir sátt um
þetta kerfi í Danmörku. Þar velja 98%
sjúklinga að fá tilvísun frá heimilis-
lækni og borga þannig minna fyrir
sérfræðiþjónustuna.
Inntur eftir því
hvort þetta hefði
ekki hækkun sér-
fræðikostnaðar í
för með sér fyrir
fólk sem veldi að
leita beint til sér-
fræðingsins miðað
við kostnað þess í
dag segir hann
það ekki ólíklegt.
„En að sama skapi
yrði kostnaði haldið niðri væri farið
hina leiðina.“
Læknar vilji skoða breytingar
Hann segir þó slíku kerfi ekki kom-
ið á í einni hendingu. Byggja þurfi
betur undirstöður grunnheilbrigðis-
þjónustunnar og breyttar áherslur
þurfi í menntun lækna. „Og það gleði-
lega er að í viðræðum við læknastétt-
ina er fyrir því ríkur áhugi að við kom-
umst hjá því að sitja uppi með tvöfalt
heilbrigðiskerfi.“
Ögmundur segir lækna vilja skoða
breytingar á kerfinu. „Það hafa verið
gerðar áhugaverðar úttektir og
skýrslur um þetta efni og ég bendi t.d.
á skýrslu sem gerð var fyrir aðalfund
Læknafélags Íslands árið 2005 um
stöðu og framtíð íslenskra heimilis-
lækna. Þetta eru engar hugmyndir
sem eru að fæðast hjá mér, þetta eru
hugmyndir sem hafa gerjast í röðum
lækna og þá ekki síst heimilislækna.
Ég finn að sérfræðilæknar eru opnir
fyrir slíkum hugmyndum líka. Það
eina sem beðið er um er að þetta sé
gert af fagmennsku og sanngirni.“
Borgi meira ef tilvísun
vantar frá heimilislækni
Heilbrigðisráðherra vill koma á valfrjálsu tilvísanakerfi í heilbrigðisþjónustu
Í HNOTSKURN
»Árið 1995 samþykkti Sig-hvatur Björgvinsson, heil-
brigðisráðherra Alþýðuflokks,
reglugerð um tilvísanakerfi í
heilbrigðisþjónustu.
»Var gert ráð fyrir að sjúk-lingur sem leitaði til sér-
fræðings án tilvísunar borgaði
heimsóknina að fullu.
»Eitt fyrsta verk Ingibjarg-ar Pálmadóttur, Fram-
sóknarflokki, sem tók við heil-
brigðisráðuneytinu eftir
kosningar, var að blása kerfið
af.
Ögmundur
Jónasson
BIRNA Jónsdóttir, formaður
Læknafélags Íslands, hefur ekki
séð útfærslu heilbrigðisráðherra á
tilvísanakerfinu.
„Almennt hafa
læknar ekki ver-
ið trúaðir á að
það væri skyn-
samlegt að setja
tilvísanakerfi
hérna. Þegar
það var reynt
sýndi könnun á
aðstæðum að lít-
ill ávinningur væri í því fyrir Ís-
lendinga þótt tilvísanakerfi séu
góð annars staðar.“
Hún bendir á að ráðherra hafi
talað um samvinnu við fólk í heil-
brigðisgeiranum um breytingar á
heilbrigðiskerfinu. „Þannig að ég
reikna með að komi fram ein-
hverjar hugmyndir um breytingar
á lögum og reglugerðum þá mun-
um við fjalla um þær,“ segir
Birna.
Almennt ekki
trúaðir á
tilvísanakerfi
Birna Jónsdóttir