Morgunblaðið - 28.04.2009, Page 4

4 FréttirINNLENT
MORGUNBLAÐIÐ ÞRIÐJUDAGUR 28. APRÍL 2009
Eftir Önund Pál Ragnarsson
onundur@mbl.is
STJÓRNARFLOKKARNIR hafa nú meirihluta
bæði þings og þjóðar á bak við sig og ríkis-
stjórnin situr því áfram á þeim grundvelli sem
hún var mynduð í febrúar. „Af hálfu forsetans og
stjórnskipulega er þess vegna engin þörf á því að
gera einhverjar breytingar þar á,“ sagði Ólafur
Ragnar Grímsson, forseti Íslands, eftir fund með
Jóhönnu Sigurðardóttur forsætisráðherra á
Bessastöðum seinnipartinn í gær.
Taka þann tíma sem til þarf
Ólafur Ragnar sagði enn fremur enga þörf á
því að setja sérstök tímamörk á það hvenær við-
ræðum VG og Samfylkingar skyldi ljúka. „Það
getur í sjálfu sér alveg haldið áfram óháð því
hvenær þing kemur saman,“ sagði hann.
Jóhanna þakkaði fyrir góðar og kraftmiklar
viðræður og sagði þau hafa farið yfir stöðu mála.
Fundurinn stóð í nærri klukkustund, svo lengi
að Jóhanna varð sein til upphafs hinna formlegu
viðræðna við VG í Norræna húsinu. Á meðan
spókuðu blaðamenn sig í vorsólinni, enda mikið
blíðskaparveður á Bessastöðum í gær. Aðspurð
sagðist Jóhanna ekki hafa sett sjálfri sér tíma-
mörk í viðræðum við VG og er því greinilega ein-
beitt í því að ná lendingu með þeim flokki. „Við
tökum okkur þann tíma sem þarf,“ sagði hún.
Engin þörf fyrir afskipti forsetans
 Forseti og forsætisráðherra ræddust „ítarlega“ við í nærri klukkustund á Bessastöðum í gær
 Engin ástæða til þess að setja stjórnarflokkunum tímamörk í stjórnarmyndunarviðræðum
Í HNOTSKURN
»Ísland er lýðveldi meðþingbundinni stjórn, seg-
ir í fyrstu grein stjórnarskrár
lýðveldisins Íslands.
»Samkvæmt þingræðis-reglu hefur forsetinn
ekkert vald við stjórnar-
myndun, ef skýr þingvilji er
til að ákveðnir flokkar myndi
hana.
»Nú hefur sitjandi stjórnöruggan meirihluta og
beitir forsetinn sér því ekki
sérstaklega, ólíkt því sem
gerist ef sundurlyndi og
stjórnarskreppa eru ríkjandi.
Morgunblaðið/Golli
Fóru yfir stöðuna Ólafur Ragnar og Jóhanna ávörpuðu blaðamenn eftir klukkustundar fund.
FRÉTTASKÝRING
Eftir Önund Pál Ragnarsson
onundur@mbl.is
ÓSÆTTI er milli vinstriflokkanna
um Evrópumálin og kepptust þing-
menn VG í gær við að lýsa andúð
sinni á ESB fyrir Samfylkingunni.
Ögmundur Jónasson og Atli Gíslason
voru þar á meðal, en mildari hljómur
var hjá Svandísi Svavarsdóttur og
Lilju Mósesdóttur, sem sagði flokk-
inn klofinn í afstöðu sinni til málefna
ESB. Atli sagðist m.a. hafna sam-
starfi við Samfylkingu ef hún ætlaði í
aðildarviðræður. Steingrímur J. Sig-
fússon, formaður VG, sagðist í gær-
kvöldi hafa lægt öldurnar innan
flokksins en litlu síðar þegar tal náð-
ist af Atla gaf hann ekkert út um það
hvort hann myndi styðja stjórnina.
Fyrst yrði hann að sjá sáttmálann.
Hann svaraði því ekki hvort tvöföld
atkvæðagreiðsla væri það sem þyrfti
til.
Atkvæðagreiðsla í flokksráði?
Svandís og Lilja lögðu hins vegar
áherslu á að þjóðin ákvarðaði í mál-
inu. Ögmundur var á sömu skoðun en
sagði að það vitlausasta sem hægt
væri að gera væri að sækja um aðild
núna.
Að sögn Drífu Snædal, fram-
kvæmdastjóra flokksins, er hefð fyr-
ir því að flokksráð, sem staðfestir
eða hafnar stjórnarsáttmála, ræði
sig að niðurstöðu á fundum sínum.
Að hennar viti hafa aldrei áður verið
greidd atkvæði um niðurstöðu á
fundi flokksráðs. Ekkert er þó úti-
lokað í þeim efnum. „Við stjórn-
armyndun er líka haft stöðugt sam-
ráð, svo það er ekki eins og við
munum ekki vita fyrirfram hvort
þetta fái stuðning,“ segir hún.
Sé það rétt að Vinstri grænir séu
klofnir í Evrópumálum verður 119
manna flokksráð líkast til vett-
vangur átaka. Fyrrnefnd ummæli
ýta líka undir þá spá. Atli Gíslason
kvað flokkinn nokkuð einhuga í Evr-
ópumálum. Aðrir viðmælendur
sögðu hann frekar „skiptan“ en vildu
fæstir segja „klofinn“.
Stefna landsfundar VG skýr
Hins vegar segir berum orðum í
ályktun síðasta landsfundar VG að
aðild Íslands að ESB eigi að leiða til
lykta í þjóðaratkvæðagreiðslu. Ekki
verður því séð að Steingrímur svíki
stefnu flokksins með því að hleypa
ESB-málinu á dagskrá.
Viðbrögð flokksmanna við um-
mælum Atla voru dræm. „Ég veit
ekki hvert Atli er að fara með þessu.
Það gæti verið að þetta væri einhver
einleikur hjá honum,“ sagði flokks-
maður. Stefna landsfundar væri al-
veg skýr. „Atli er að mistúlka stefnu
flokksins,“ sagði annar. „Ég get ekki
ímyndað mér að menn láti brjóta á
þessu máli, það væru nú meiri
ósköpin,“ sagði maður úr hópi þing-
frambjóðenda VG.
Grímur Atlason, sveitarstjóri í
Dalabyggð, sagði marga flokksmenn
VG hafa verið í þeim sporum áður að
hafa óskað eftir þjóðaratkvæði en
ekki fengið, t.d. vegna Kárahnjúka
og vegna EES-samningsins á sínum
tíma. „Það væri fáránlegt að treysta
þjóðinni ekki til að kjósa um þetta
mál,“ sagði Grímur. Hann segir ekki
þörf á tvöfaldri atkvæðagreiðslu.
Morgunblaðið/Golli
Enn ósætti um ESB-málið
 Vegna Evrópumála er óvíst að Atli Gíslason styðji stjórn með Samfylkingunni
 Steingrímur segist hafa lægt öldurnar en Atli lofar engu um stuðning við stjórn
Það væri fáránlegt ef vinstri grænir
reyndu að neita þjóðinni um at-
kvæðagreiðslu um ESB-aðild, eftir að
hafa sjálfir beðið um slíkt í öðrum
stórum málum en ekki fengið, segir
flokksmaður.
RÍKISSTJÓRN Samfylkingarinnar
og Vinstri grænna hyggst skipa
fjóra starfshópa um mikilvæga
málaflokka.
Varaformenn flokkanna, Dagur
B. Eggertsson og Katrín Jak-
obsdóttir, munu stýra starfshópi
um Evrópumál þar sem þess verður
freistað að ná fram sameiginlegri
stefnu þrátt fyrir ólíka sýn flokk-
anna. Þá verður einnig rætt um
leiðir í þremur öðrum hópum er
varða ríkisfjármál, atvinnu- og
efnahagsmál og breytingar á
stjórnarráðinu. „Það er engin tíma-
pressa á þessari vinnu en auðvitað
skiptir miklu máli að halda vel á
spöðunum og ljúka málum á eins
skömmum tíma og kostur er,“ sagði
Steingrímur J. Sigfússon að lokn-
um fundi í Norræna húsinu með Jó-
hönnu Sigurðardóttur, formanni
Samfylkingarinnar, varafor-
mönnum flokkanna og aðstoð-
armönnum Steingríms og Jóhönnu.
Þeim Hrannari B. Arnarssyni og
Hugin Frey Þorsteinssyni.
magnush@mbl.is
Stýrihópar
um fjóra
málaflokka
FLESTIR auðu seðlarnir í alþing-
iskosningunum um helgina komu í
kjörkassana í Suðvesturkjördæmi,
1519 seðlar. Hlutfallslega skiluðu
þó flestir auðu í Reykjavík suður,
3,76%. „Auðir“ fengu fleiri atkvæði
en þau framboð sem minnst fylgi
fengu, F- og P-listinn.
Við talningu atkvæða reyndust
6.226 atkvæðaseðlar auðir og 568
ógildir til viðbótar. Samsvarar
þetta því að 3,21% allra greiddra
atkvæði hafi verið auð og 3,5% auð
og ógild. Eru þetta meira en tvöfalt
fleiri auðir seðlar en í síðustu al-
þingiskosningum þegar þeir voru
1,4% atkvæða. helgi@mbl.is
Fleiri auðir
en frjálslyndir


 
 
 

  
   
     



     
 
 




 

  

 
  


Þegar Steingrímur J. Sigfússon og
Jóhanna Sigurðardóttir sitja við
samningaborðið og karpa um nýj-
an stjórnarsáttmála, vinna þau í
umboði hinna nýju þingflokka.
Fyrstu fundir þingflokkanna fóru
fram eftir hádegið í gær. En ef nið-
urstaða næst um stjórnarsamstarf
milli leiðtoganna þarf líka að ná
sátt um það inni í flokkunum sjálf-
um. Þar hefur flokksráð endanlegt
vald innan VG, en flokksstjórn inn-
an Samfylkingarinnar.
Í flokksráði VG situr fjöldi fólks,
119 manns. Það eru sveitarstjórn-
armenn, þingmenn, varaþing-
menn, formenn svæðisfélaga og
kjördæmisráða og formaður ung-
liðahreyfingarinnar. Þar hefur ekki
áður þurft að kjósa um niðurstöðu
í máli sem þessu. Í dag eiga 236
manns sæti í flokksstjórn Sam-
fylkingarinnar og tekur hún
ákvarðanir sínar með atkvæða-
greiðslum þar sem einfaldur meiri-
hluti ræður.
Flokksráð og flokksstjórn veita endanleg svör