Morgunblaðið - 28.04.2009, Blaðsíða 8

8 FréttirINNLENT
MORGUNBLAÐIÐ ÞRIÐJUDAGUR 28. APRÍL 2009
FRÉTTASKÝRING
Eftir Rúnar Pálmason
runarp@mbl.is
LEIGAN sem Sinfóníuhljómsveit
Íslands greiðir fyrir afnot af nýja
Tónlistar- og ráðstefnuhúsinu verð-
ur tvöfalt hærri en húsnæðiskostn-
aður sveitarinnar árið 2008. Fram-
kvæmdastjóri hljómsveitarinnar
telur að aukin aðsókn og hærra
miðaverð dugi langleiðina fyrir
hærri leigu en að öðrum kosti þurfi
ríki og borg að brúa bilið.
Samkvæmt rekstraráætlun Aust-
urhafnar greiðir Sinfóníuhljóm-
sveitin 101 milljón í leigu á ári (á
verðlagi í október 2008). Í fyrra var
kostnaður hljómsveitarinnar vegna
húsnæðis 52 milljónir.
Þröstur Ólafsson, fram-
kvæmdastjóri Sinfóníuhljómsveit-
arinnar, segir að inni í leigu-
greiðslum hljómsveitarinnar fyrir
Tónlistarhúsið sé ýmis kostnaður
sem hljómsveitin beri nú, s.s. vegna
miðasölu og sviðsmanna, sem
sparist við flutninginn. Raunaukn-
ing útgjalda sé líklega um 40 millj-
ónir.
Fær 847 milljónir á ári
Á fjárlögum þessa árs er gert ráð
fyrir að ríkið greiði 731,7 milljónir til
reksturs hljómsveitarinnar og
Reykjavíkurborg gerir ráð fyrir að
greiða 115 milljónir, samtals nemur
framlag opinberra aðila því 846,7
milljónum. Sértekjur hljómsveit-
arinnar, sem nánast eingöngu eru
vegna miðasölu, eru áætlaðar 85,6
milljónir.
Þröstur vonast til að árið 2012
verði umhverfið þannig að aftur megi
sækja styrki til einkaaðila. „Þannig
að það er engin útópía að ímynda sér
að það sé hægt að fara langleiðin með
þetta með aukinni aðsókn og hærra
miðaverði.“ Dugi það ekki til sé von-
ast til að ríki og Reykjavíkurborg
taki þátt í auknum kostnaði. Þegar
ákveðið var að ríki og borg tækju
Tónlistarhúsið yfir var reyndar til-
kynnt að samkomulagið væri miðað
við að ekki þyrfti að koma til aukið
framlag, umfram það sem var ákveð-
ið á árinu 2004.
Þröstur er sannfærður um að tón-
leikagestum hljómsveitarinnar fjölgi
verulega þegar hún kemst í Tónlist-
arhúsið. „Reynslan er sú að þegar
farið er í nýtt hús eykst aðsókn um-
talsvert,“ segir hann. Það hafi gerst
hjá öllum hljómsveitum sem hann
þekki til erlendis, oft um 40%. Að-
staða til tónleikahalds verði mun
betri og hægt að bjóða upp á fjöl-
breyttara tónleikahald. „Það er líka
ljóst að miðaverð mun hækka,“ segir
Þröstur en miði á tónleika kostar nú
yfirleitt 3.100 eða 3.500 krónur eftir
því hvar er setið.
Meðalaðsókn undanfarin starfsár,
frá 2005 til og með 2008, var um
41.900 en 35.200 á ári ef frá eru taldir
skólatónleikar.
Of lítið pláss í Óperunni
Undanfarið hefur verið rætt um að
Íslenska óperan og Íslenski dans-
flokkurinn fái einnig aðstöðu í hús-
inu. Stefán Baldursson óperustjóri
segir að viðræður um málið séu
komnar of stutt til að hægt sé að tjá
sig um hugsanlegan kostnað. Að-
alkosturinn við flutning í Tónlistar-
húsið sé að komast í stærri sal. Salur
Óperunnar tekur 470 manns í sæti.
„Þó að við sýnum fyrir fullu húsi eins
og við höfum gert síðustu tvö ár,
hvert einasta sæti selt, þá borgum
við með hverri sýningu vegna þess að
húsið er ekki stærra en það er,“ segir
Stefán. Þess vegna hafi þurft að
stöðva sýningar þó að fleiri hafi haft
áhuga á að sjá þær. Sá vandi yrði
væntanlega úr sögunni ef Óperan
flyttist í Tónlistarhúsið. Þá mætti bú-
ast við að fólki þætti spennandi að
koma á sýningar í nýju húsi og það
eitt og sér leiddi til aukinnar aðsókn-
ar, að minnsta kosti fyrst um sinn. Þá
væri markvisst unnið að því að efla
óperuáhuga hérlendis.
Hækka verð og fjölga gestum
 Húsnæðiskostnaður Sinfóníuhljómsveitarinnar tvöfaldast þegar hún hefur flutt í Tónlistar- og ráð-
stefnuhúsið  Miðaverð hækkar og gert ráð fyrir aukinni aðsókn  Óperan býst líka við fleiri gestum

      
     !" # $%
   !&" 
'% %!
(% )
*! +%+
' %,+
*+ %#!





*   $-%
!"!
#"#
$$%
"
#&"
#%"
'(
#$#



!'"
!"!
#"#
&((
&!
!"
''
#!'
#$'

 #)#(%
!"!
#"#
'#!
%$
$&#
#$(
'(
#$'


#)($"
  
  !
  "
 # 



  
 

)*+,
 -. /
$""!
$! %&
'  Ríki og borg ákváðu að halda áfram
að byggja Tónlistarhúsið í Reykjavík
og munu samtals verja 14,5 milljörð-
um til verksins. Sinfónuhljómsveit Ís-
lands þarf að greiða 101 milljón í leigu
á ári, um helmingi hærri fjárhæð en
hún greiðir nú.
Morgunblaðið/Júlíus
Útleiga Verið er að kanna möguleika á að Óperan og Íslenski dansflokk-
urinn fái aðstöðu í Tónlistarhúsinu. Sinfónían greiðir 101 milljón í leigu.
Austurhöfn tók ekki aðeins yfir
Tónlistar- og ráðstefnuhúsið held-
ur líka allar lóðirnar norðan Geirs-
götu og byggingarréttinn á þeim.
Stefán Hermannsson, fram-
kvæmdastjóri Austurhafnar, segir
að Austurhöfn hafi keypt allar
kröfur á hendur Portusi sem átti
að reisa Tónlistarhúsið og Situsi
sem átti lóðirnar í kring á nið-
ursettu verði. Austurhöfn fengi
Tónlistarhúsið, eins og það stend-
ur núna, á afar lágu verði.
Ætlunin sé að Austurhöfn selji
aftur lóðirnar upp í kostnað þann-
ig að enginn kostnaður falli á hið
opinbera vegna þeirra.
Kaupverðið er aðeins tryggt
með veði í lóðunum sjálfum og
ábyrgð Austurhafnar er því tak-
mörkuð, að því er fram kemur í
gögnum frá Austurhöfn.
Fram hefur komið að Portus
hafði varið um 10 milljörðum til
Tónlistarhússins. Samkvæmt upp-
lýsingum frá Austurhöfn var mest-
öll sú fjárhæð fengin að láni hjá
Landsbankanum en einnig lögðu
fyrirtækin sem að framkvæmd-
unum stóðu fé í verkið.
Aðspurður hvort hann hafi ekki
áhyggjur af því að kröfuhafar
gamla Landsbankans hafi at-
hugasemdir við söluverðið segir
Stefán að menn hafi haft það í
huga þegar verðið fyrir Tónlistar-
húsið og nærliggjandi lóðir var
ákveðið og menn vandað sig sér-
staklega vel við verðmatið. „Meðal
annars þess vegna vill bankinn
ekki að verið sé að flíka þessum
tölum eða kjörum á lánunum sem
þeim fylgja,“ segir Stefán.
Eftir að finna rekstraraðila
Á töflunni hér að ofan eru birtar
þrjár rekstraráætlanir. Austurhöfn
miðar nú við tekjuáætlun í upp-
haflegri áætlun frá 2004, að við-
bættri áætlun á tekjum vegna
stærra leigurýmis. Eftir er að finna
rekstraraðila sem getur tryggt þá
öflugu starfsemi sem á að vera í
húsinu, án frekari fjárstuðnings.
Bankinn vill ekki að söluverðinu sé flíkað
Eftir Bergþóru Njálu Guðmundsdóttur
ben@mbl.is
ÖRUGGT er að nýafstaðnar Alþing-
iskosningar endurspegli vilja kjós-
enda. Þetta segir dr. Geert-Hinrich
Ahrens, formaður sendinefndar Ör-
yggis- og samvinnustofnunar Evr-
ópu (ÖSE), sem hingað kom gagn-
gert í þeim tilgangi að fylgjast með
kosningunum. Hann segir einnig
áberandi hversu mikið traust al-
menningur hefur til þess að fram-
kvæmd kosninganna sé heiðarleg.
Lokaskýrsla nefndarinnar verður
tilbúin eftir nokkrar vikur að sögn
Ahrens, svo formlegt mat hennar
liggur ekki fyrir. „Okkur er enn að
berast upplýsingar frá ólíkum stöð-
um og eigum eftir að ákveða hvernig
við metum kosningarnar í smáat-
riðum. En það sem ég get sagt er að
þetta voru örugglega kosningar þar
sem vilji kjósenda skilaði sér í nið-
urstöðunum. Það er aðalatriðið, því
kjósendur eiga að ákveða hverjir
komast á þing. Okkur þótti líka
áberandi hversu mikil traust fólk í
landinu ber til þess að kosningarnar
séu framkvæmdar á heiðarlegan
hátt og að skipulagið sé gott. Við
höfum heldur ekki séð neitt sem
bendir til annars.“
Hann segir þetta þó ekki þýða að
ekki séu tilefni til umræðna um
ákveðin atriði og slíkar umræður
fari þegar fram í landinu. „Til dæmis
hefur lengi verið fólksflótti frá
landsbyggðinni til höfuðborgar-
svæðisins. Afleiðingin er sú að nú
þarf fleiri atkvæði á bak við hvert
sæti í Reykjavík en t.d. í Norðvest-
urkjördæmi þannig að vægi atkvæða
er mismikið. Þetta er helsta atriðið
sem við getum bent á.“
Ahrens segir ekki í verkahring
ÖSE að hafa afskipti af því hvaða
kosningakerfi sé hér við lýði, það sé
ákvörðun Íslands. „En skýrsla okk-
ar gæti innihaldið einhverjar tillögur
að úrbótum án þess að um fyrirmæli
væri að ræða.“ Íslenskum stjórn-
völdum beri að fara yfir skýrsluna
og meta þær tillögur sem þar koma
fram. Hins vegar séu þau ekki
skuldbundin til að fara eftir þeim.
Lokaskýrslan verður send til ís-
lenskra fulltrúa ÖSE í Vín og til ut-
anríkisráðuneytisins. Eftir það verð-
ur hún aðgengileg almenningi á
netinu.
Vilji kjósenda skilaði sér í
niðurstöðum kosninganna
Morgunblaðið/RAX
Fylgdust með Geert-Hinrich Arens (t.v.) og kollegar hans frá ÖSE telja
ekkert benda til annars en að kosningarnar hafi farið heiðarlega fram.
Almenningur
treystir að heið-
arlega sé unnið
Íslenski
lífeyrissjóðurinn
AÐALFUNDUR
ÍSLENSKA LÍFEYRISSJÓÐSINS
Aðalfundur Íslenska lífeyrissjóðsins verður
haldinn miðvikudaginn 20. maí kl. 17.00
á Hilton Reykjavík Nordica, sal H&I.
Allir sjóðfélagar og rétthafar eiga rétt á setu
á aðalfundi Íslenska lífeyrissjóðsins.
Dagskrá fundarins er skv. grein 5.3. í samþykktum
Íslenska lífeyrissjóðsins.
Tillögur um breytingar á samþykktum sjóðsins
þurfa að berast tveimur vikum fyrir aðalfund.
Tillögur til ályktunar sem taka á fyrir á aðalfundi
þurfa að berast viku fyrir aðalfund.
Tillögur berist til umsjónaraðila sjóðsins
Láru V. Júlíusdóttur hrl, Borgarlögmenn,
Suðurlandsbraut 6, 108 Reykjavík.