Morgunblaðið - 26.07.2009, Side 19

MORGUNBLAÐIÐ SUNNUDAGUR 26. JÚLÍ 2009
Allar götur síðan hafa karlmenn í
ættinni forðast það eins og heitan
eldinn að klæðast grænu. „Ég ólst
upp við þetta. Afi minn, Ólafur Þor-
steinsson, háls-, nef- og eyrnalækn-
ir, hvatti menn óspart til að virða
þessa hefð enda þótt hann væri bara
giftur inn í ættina og pabbi, Ólafur
Ólafsson lögfræðingur, hefur alltaf
verið gallharður á þessu. Hann út-
skýrði þetta snemma fyrir okkur
bræðrunum og það hefur aldrei
hvarflað að mér að virða þetta að
vettugi. Ég veit svo sem ekki hverj-
ar afleiðingarnar yrðu en sé enga
ástæðu til að taka áhættuna. Hermt
er að það boði ógæfu að klæðast
grænu og hvers vegna í ósköpunum
ætti maður að storka örlögunum?“
Einar upplýsir að faðir hans hafi
þurft að gera skólastjórnendum
grein fyrir þessu þegar hann var
barn. „Ég veit ekki annað en menn
hafi sýnt því skilning. Ég minnist
þess alla vega ekki að reynt hafi ver-
ið að troða mér í grænt.“
Sérvitur og skrýtinn
Einar segir fyrstu viðbrögð fólks
yfirleitt á þann veg að það haldi að
hann sé að gera að gamni sínu. „Þeg-
ar ég fer að útskýra málið skilja hins
vegar flestir hvað ég er að fara en ef-
laust þykir einhverjum ég sérvitur
eða skrýtinn.“
– Ertu það?
„Já, reyndar!“
Dátt er hlegið.
Hjátrúin hefur vitaskuld ekkert
með fegurðarskynið að gera en Ein-
ar viðurkennir þó að sér þyki grænn
fatnaður yfirleitt ekki fallegur. „Mér
þykir græni liturinn bara fallegur í
náttúrunni. Svo er ég grænmet-
isæta, borða engar dýraafurðir.
Grænt er því vænt, þannig lagað
séð.“
Einar er Valsari í húð og hár og
þarf fyrir vikið ekki að gæta sín þeg-
ar hann fer á völlinn. Hann hefði lík-
lega aldrei getað orðið markvörður!
„Það er líka eins gott að fjölskyldan
styður ekki Breiðablik. Það hefði
getað haft voveiflegar afleiðingar,“
gantast hann.
Frændi Einars, Ólafur Þor-
steinsson Víkingur og viðskipta-
fræðingur, var einu sinni valinn í
Reykjavíkurúrvalið í knattspyrnu.
Hann mætti glaðbeittur til leiks en
brosið fraus þegar búningarnir
komu upp úr töskunni. Þeir voru
grænir. Ólafur þakkaði með það
sama fyrir sig og kvaddi. Fór aldrei
inn á völlinn.
Hjátrúin nær bara til þess sem
menn klæðast, þannig Einari er
óhætt að leika knattspyrnu á græn-
um velli. Honum er líka heimilt að
„fara í“ grænklædda leikmenn. „Svo
vítt skilgreinum við þetta ekki – sem
betur fer,“ segir hann hlæjandi.
Keypti frakka með grænu fóðri
Einar hefur aldrei farið vísvitandi
í grænt en það gerðist einu sinni
ómeðvitað. „Það var þannig að ágæt
frænka mín andaðist og mig vantaði
góðan frakka til að klæðast við jarð-
arförina. Ég hélt því sem leið lá í
Sautján á Laugaveginum og fann
þennan fína svarta frakka. Mátaði
hann á staðnum og keypti. Þegar ég
kom heim áttaði ég mig hins vegar á
því mér til mikillar skelfingar að
fóðrið var dökkgrænt. Birtuskil-
yrðin voru þannig í búðinni að ég tók
ekki eftir þessu þar. Ég rauk með
það sama aftur í Sautján og sagði
starfsfólkinu að skipta þyrfti um fóð-
ur. Það hélt auðvitað að ég væri
ruglaður. Lái því hver sem vill,“ seg-
ir Einar og hlær.
Það varð honum til happs að föð-
ursystir Bolla Kristinssonar, kaup-
manns í Sautján, heyrði á tal hans
við afgreiðendur. Hún kannaðist við
Reynistaðarættina og lét þegar í
stað gera ráðstafanir til að skipta
um fóður í frakkanum. Einar komst
því í honum í útförina – eins og ekk-
ert hefði í skorist.
Hefðin tekur land í Finnlandi
Hann kveðst ekki hafa orðið
smeykur eftir að hann mátaði frakk-
ann fyrst. „Þetta var ómeðvitað og
tók ekki nema nokkrar sekúndur.
Eigum við ekki að segja að þetta hafi
verið tæknilega ógilt!“
Einar á enga syni, þannig ekki
hefur reynt á hann í því tilliti. Hann
kveðst hins vegar forðast að kaupa
græn föt á dætur sínar tvær.
„Hjátrúin nær ekki til kvenna í ætt-
inni en mér hefur eigi að síður aldrei
verið vel við að gefa stelpunum græn
föt. Ég er samt ekkert að amast við
því þegar aðrir gera það.“
Bróðir hans býr í Finnlandi og á
son með finnskri konu. Einar segir
hana eiga mjög erfitt með að skilja
þessa íslensku sérvisku. „En hún
lætur sig hafa þetta. Þessi hálf-
finnski frændi minn fer aldrei í
grænt fremur en aðrir karlmenn af
Reynistaðarættinni. Þessi ætt hefur
alla tíð staðið þétt saman og ég er
sannfærður um að hjátrúin á stóran
þátt í því.“
en að styðja við bakið á fólkinu í land-
inu.“
Þrjátíu kílóa heimili
Enda þótt Einar eigi heimili í Bue-
nos Aires er hann ekki nema hluta úr
árinu þar. Bækistöð hans hjá Atlanta
er í borginni Jeddah í Sádi-Arabíu.
Þar er hann lungann úr árinu.
„Strangt til tekið bý ég í ferðatösku.
Heimili mitt vegur þrjátíu kíló.“
Hann hefur varið sjö árum samtals
í Sádi-Arabíu og þekkir harðkjarna
múslíma orðið býsna vel. „Trúin
skiptir óvíða meira máli enda er hin
sögufræga borg Mekka í landinu. Það
er ekki auðvelt fyrir mann sem ekki
aðhyllist íslam að vera á svona stað en
mér hefur alltaf liðið ágætlega þarna.
Lykillinn er að koma fram við þetta
fólk af virðingu, þá sýnir það manni
virðingu á móti.“
Reglur samfélagsins eru strangar í
Sádi-Arabíu og gestir verða að gjöra
svo vel að virða þær. Kvikmyndahús
eru harðbönnuð, einnig neysla áfeng-
is og menn gjalda fyrir neyslu fíkni-
efna með lífi sínu. Hörð viðurlög eru
einnig við þjófnaði og öðrum glæpum.
„Þetta er í raun auga fyrir auga-
lögmálið,“ segir Einar en opinberar
aftökur eru nánast daglegt brauð.
Spurður hvort hann hafi orðið vitni
að slíkum atburði hristir hann höf-
uðið. „Ég hef ekki geð í mér til þess.“
Sádi-Arabía er í dag stærsta bæki-
stöð flugfélagsins Atlanta með sjö
Boeing 747-vélar. Flogið er fyrir
Saudi Arabian Airlines. „Atlanta er
búið að vera þarna í tuttugu ár og Ís-
lendingar hafa átt mjög góð sam-
skipti við Sádi-Araba. Raunar er það
mín upplifun að okkur gangi yfirleitt
vel að vinna með öðrum þjóðum,“
segir Einar. Í því ljósi þykir honum
undarlegt að Íslendingar séu á báð-
um áttum um það hvort þeir eigi að
ganga í Evrópusambandið.
Túrar heiminn með dætrunum
Einar er ókvæntur en á tvær dæt-
ur. Sú eldri, Sigrún, 25 ára, var að
ljúka BA-prófi í fjölmiðlafræði frá
Háskólanum á Akureyri en sú yngri,
Sara, 12 ára, býr hjá móður sinni í
Washington. Hann er í góðu sam-
bandi við dæturnar. „Við túrum
heiminn saman, feðginin.“
Einar viðurkennir að hann sé að
fjarlægjast Ísland enda hefur hann
verið hálfa ævina í burtu. „Ég er allt-
af með lögheimili mitt og banka-
viðskipti á Íslandi enda vinn ég fyrir
íslenskt fyrirtæki. Í seinni tíð kem ég
samt bara hingað sem túristi, til að
dást að náttúrunni og drekka í mig
orkuna. Það spillir heldur ekki fyrir
að veðrið er alltaf að batna. Ég á ekki
von á að setjast aftur að á Íslandi. Ég
er og verð sígauni alheimsins.“
’
Þá sem telja að forset-
inn eigi að líta vel út í
gallabuxum, bið ég af-
sökunar.
Barack Obama Banda-
ríkjaforseti var gagnrýnd-
ur fyrir að klæðast „púka-
legum mömmu-buxum“.
Allir vita að Ísland er mun þróaðra ríki en
nokkurt annað ríki sem vill komast inn í
Evrópusambandið.
Frank-Walter Steinmeier, utanríkisráðherra
Þýskalands, í viðtali á ZDF-sjón-
varpsstöðinni.
Ég var eini maðurinn í Svíþjóð sem ekki
hafði lesið bækur Stiegs Larssons, ég er
svo snobbaður og hélt að þetta væri
ekkert fyrir mig.
Sænski leikarinn Michael Nyqvist fer með
hlutverk nafna síns Blomkvists í kvikmynd-
inni Karlar sem hata konur.
Við höfum allar forsendur til að vinna
okkur út úr þessu í byrjun vetrar en veld-
ur hver á heldur.
Þórður Friðjónsson, forstjóri Kauphallar Ís-
lands, telur ekki jafnskýrt að hér sé versta
kreppan afstaðin eins og á alþjóðavett-
vangi.
Ég sé mikil vandkvæði á samstarfi við
fólk í þinghópnum, sem bæði gengur á
móti stefnu Borgarahreyfingarinnar við
atkvæðagreiðslu og gengur á bak orða
sinna.
Þráinn Bertelsson, þingmaður Borgara-
hreyfingarinnar, íhugar framtíð sína innan
þingflokksins.
Það er mikill ábyrgðarhluti af ráðherra í
ríkisstjórn í mjög viðkvæmu máli að fara
út í svona loftfimleikaæfingar til heima-
brúks.
Steingrímur J. Sigfússon fjármálaráðherra
um ummæli Maxime Verhagen, utanríkis-
ráðherra Hollands, þess efnis að samþykki
Alþingi ekki Icesave-samninginn geti það
seinkað inngöngu Íslands í ESB.
Von mín er hins vegar sú að umræðan á
Íslandi verði siðaðri. Út frá því litla sem
ég veit um íslensku umræðuna er ég
hins vegar ekki alltof vongóður um það.
Frank Rossavik, yfirupplýsingafulltrúi já-
hliðarinnar fyrir atkvæðagreiðsluna um
ESB-aðild í Noregi 1994.
Ég áttaði mig varla á því hve laufa-
brauðið er merkilegt fyrr en ég hafði bú-
ið í útlöndum.
Hugrún Ívarsdóttir hönnuður í Laufa-
brauðssetrinu á Akureyri.
Maður fær mjög skrítna tilfinningu fyrir
yfirvöldum í rekstri strætó, þar sem
svarið við fækkun farþega er að hækka
verðið og fækka ferðum.
Cecilía Þórðardóttir, sem hefur verið bíllaus
í tvö ár og hjólar í vinnuna.
Ég get sagt það hér að leikreglurnar eru
slíkar að mig hefði aldrei órað fyrir því
að hægt væri að bjóða upp á slíkar trakt-
eringar sem þar eru fram komnar.
Ragnar H. Hall hæstaréttarlögmaður, á mál-
stofu um nokkur álitaefni í Icesave-
samningunum, sem fram fór á vegum HÍ.
Þannig er að á endastöð kallar vagnstjóri
leiðanúmer og leið sex gæti hljómað sér-
kennilega í eyrum útlendinga.
Stefán Baldursson, forstöðumaður Stræt-
isvagna Akureyrar, þar sem engin stræt-
isvagnaleið er sem heitir og segir sex.
Þetta frumvarp er pópulismi og til þess
ætlað að slá augum í ryk almennings.
Tryggi Þór Herbertsson, þingmaður, í um-
ræðum á Alþingi.
Ummæli
Reuters