Organistablaðið - 01.07.1977, Page 22

KIRKJUTÓNLISTARMENNTUN
Nám í kirkjutónlist og orgelleik við þýzka tónlistarháskóla.
í þýskum tónlistarháskólum er mögulegt að læra á orgel eða taka
próf úr svokallaðri kirkjutónlistardeild. Nám í kirkjutónlist er al-
gengara, enda fjölþættara og veitir meiri réttindi. Mest áhersla er
lögð á orgelnámið, en auk þess eru háar kröfur gerðar í píanóleik,
kór- og hljómsveitarstjórn, messugjörð, sálmasöng o. fl. Við tón-
listarháskólann í Leipzig, þar sem ég stundaði nám, var eingöngu
kennd kirkjutónlist. I flestum aukagreinum voru sömu kröfur gerð-
ar til okkar og nemenda er lögðu stund á tónsmíðar og hljómsveitar-
stjórn. Lokaprófið veitti okkur réttindi sem organleikari, píanó-
kennari, kórstjórnandi o. fl. Áðurnefnd skipting í kirkjutónlistar-
menn og organleikara tíðkast í sumum þýskum tónlistarháskólum,
en þeir eru fáir sem geta einbeitt sér að orgelnáminu eingöngu.
Slíkt nám veitir þeim engin frekari réttindi sem organleikari, og
þar sem starf organista er í tengslum við kirkjuna, er ekki síður
mikilvægt að hafa lagt stund á flestar aukagreinar (t. d. kórstjórn).
Námstími í tónlistarskólunum er oftast fimm ár. Og áður en inn-
ganga er veitt í skólana þarf töluverða leikni á orgel og píanó, til
að standast þær háu kröfur sem gerðar eru við lokapróf.
Nú er einnig mögulegt að stunda nám í kirkjumúsíkskólum, sem
hafa hingað til verið reknir af kirkjunni, en tónlistarháskólar af
ríkinu. í kirkjumúsíkskólum er hægt að taka próf sem gerir minni
kröfur í hljóðfæraleik en í háskólunum, en oft er mögulegt að undir-
búa sig þar fyrir ýmis aukastörf, eins og kristnifræðikennslu, með-
hjálparastörf o. fl.
Prenns konar próf eru til í kirkjutónlist: A-próf, sem er hæst,
en minni kröfur í B- og C-prófum, og breytist námstíminn eftir
því. í kirkjumúsíkskólanum í Dresden tók ég fyrst B-próf, en hélt
þá til frekara náms við tónlistarháskólann í Leipzig. Til að gera
grein fyrir inntökuskilyrðum sem ríkja við þessa skóla, nefni ég
verkin sem ég lék í inntökuprófum.
22 ORGANISTABLAÐIÐ