Ísfirðingur - 14.12.1992, Side 4

4
ISFIRÐINGUR
Útgefandi:
Kjördæmisráð Framsóknarmanna á Vestfjörðum.
Blaðstjórn:
Pétur Bjarnason, ritstjóri (ábyrgðamaður)
Kristjana Sigurðardóttir, Magni Guðmundsson,
Helga Dóra Kristjánsdóttir, Gréta Gunnarsdóttir.
Pósthólf 253, ísafirði.
Prentvinnsla ísprent hf. ísafirði
Veljum
íslenskt
um jólin
Um þessar mundir er hart deilt í blöðum og
ýmsum vettvangi öðrum um vöruverð. Það er
deilt um mismun á vöruverði í Bretlandi og á
Islandi, á Ameríku og á Islandi og það er líka
deilt um mismun á vöruverði á Vestfjörðum og
annars staðar á landinu. Deilurnar virðast
snúast um hvað sé sambærileg vara og hvað
ekki. Hvað megi bera saman og hvað ekki.
Hér verður ekki gengið til þessa leiks eða
reynt að skera úr um hvað er sambærilegt og
hvað ekki. Hins vegar hlýtur það að vera varan
sjálf, hvert sem merki hennar er, sem fólkið þarf
til neyslu og verðlag hennar sem skiptir máli
fyrir allan almenning. Þeir sem sækjast eftir
hinni svokölluðu „merkjavöru“, einkum í
fatnaði eru fórnarlömb tískunnar hverju sinni
og mat á slíkri vöru fer eftir öðrum lögmálum
en notagildinu.
Vissulega skiptir verðlag miklu, einkum
þegar harðnar á dalnum hvað atvinnutekjur
snertir. Nú stendur yfir mikil herferð ýmissa
aðila til að vekja athygli á íslenskri vöru og
hvetja íslendinga til þess að kaupa hana frekar
en hina erlendu. Þessar ábendingar eru löngu
tímabærar og full ástæða til þess að hvetja fólk
til þess að taka þær alvarlega.Margir virðast
standa í þeirri trú að íslensk framleiðsla sé
oftast dýrari en hin erlenda og oftar en ekki
lakari. Hvort tveggja er byggt á miklum mis-
skilningi. Það sem menn þurfa að gera sér ljóst,
er hin kröftuga og auðuga áróðursvél sem er á
bak við mörg hinna erlendu vörumerkja notar
sér út í æsar nútíma auglýsingatækni í sjón-
varpi, útvarpi og blöðum og á þannig auðveldan
aðgang að þeim sem lítið velta þessum málum
fyrir sér og láta því stýrast af þessari máttugu
tækni. Hér er ekki einungis verið að tala um
neytendur, heldur einnig og ekki síður um
kaupmenn. Mjög oft vantar íslenska vöru til
hliðar hinni erlendu í hillur verslananna.
Nú fer í hönd einhver mesta kauptíð ársins,
jólavertíðin. Þar gefst kjörið tækifæri til þess að
efla innlent framtak og iðnað og velja íslenska
vöru fram yfir hina erlendu. Tökum á og
stöndum saman í því að efla íslenska atvinnu-
vegi og treysta þannig undirstöður íslensks
þjóðlífs.
Kjördæmisþing
framsóknarmanna
á Vestfjörðum
Frá kjördæmisþingi framsóknarmanna.
Kjördæmisþing framsóknar-
manna á Vestfjörðum.
Dagana 24.-25. október héldu
framsóknarmenn á Vestfjörðum
árlegt kjördæmisþing sitt, að
þessu sinni í Bolungarvík. Þingið
var vel sótt af fulltrúum hvaðan-
æva af Vestfjörðum. Þingforsetar
voru Valdimar Guðmundsson frá
Bolungarvík og Hafdís Stur-
laugsdóttir frá Húsavík í Stranda-
sýslu. Góðar umræður urðu á
þinginu og eru ályktanir þess
birtar í heild hér á síðunni.
Kosið var í stjórn kjördæmis-
sambandsins og til miðstjórnar
Framsóknarflokksins.
Sveinn Bernódusson var
endurkjörinn formaður en auk
hans eru í stjórn: Magnús Bjöms-
son Bíldudal, Sigurður Viggósson
Patreksfirði, Bergþóra Annars-
dóttir Þingeyri, Einar Hreinsson
Isafirði, Valdimar Guðmundsson
Bolungarvík og Eðvarð Sturluson
Suðureyri.
I varastjórn: Kristjana Sigurðar
dóttir Isafirði, Jakob Kristinsson
Bíldudal, Geir Sigurðsson Isa-
firði, Einar Harðarson Flateyri og
Kristján Jóhannsson Isafirði.
I blaðstjórn ísfirðings: Pétur
Bjarnason Isafirði, Kristjana
Sigurðardóttir ísafirði, Magni
Guðmundsson ísafirði, Guð-
mundur Sigurvinsson Súðavík,
Helga Dóra Kristjánsdóttir
Önundarfirði og Gréta Gunnars-
dóttir Isafirði.
Endurskoðendur voru kosnir:
Jóhannes G. Jónsson og Kristján
Jóhannsson.
Til vara: Sigmundur Sig-
mundsson.
I miðstjórn voru kosnir:
Magdalena Sigurðardóttir Isa-
firði, Guðmundur Hagalínsson
Ingjaldssandi, Sigurður Viggós-
son Patreksfirði, Guðbrandur
Björnsson Strandasýslu og Mag-
nús Björnsson Bíldudal.
Til vara í miðstjórn: Bergþóra
Annarsdóttir Þingeyri, Jón Al-
freðsson Hólmavík, Jakob
Kristinsson Bíldudal, Hulda
Kristjánsdóttir Látrum, Ragnar
Guðmundsson Brjánslæk.
Ungir menn í miðstjórn: Óskar
Torfason Drangsnesi, Kristófer
Heiðarsson Súðavík og Elín
Gunnarsdóttir Bolungarvík.
Ungir menn til vara: Hafdís
Sturlaugsdóttir Strandasýslu,
Anna Margrét Valgeirsdóttir
Hólmavík, Gréta Gunnarsdóttir
Isafirði.
*
Alyktun um
atvinnumál.
Kjördæmisþing framsóknar-
manna á Vestfjörðum, haldið í
Bolungarvík 24. - 25. október
1992, hafnar stefnu ríkisstjórnar
Sjálfstæðisflokks og Alþýðu-
ílokks í atvinnumálum. Stefnu
sem felst í því að í fyrsta sinn í
sögu lýðveldisins er atvinnuleysi
notað sem hagstjórnartæki.
Skipulegt afskiptaleysi stjórna-
rinnar af atvinnumálum, leiðir til
gjaldþrota fjölda fyrirtækja jafnt
og einstaklinga.
Gjaldþrotastefnan hefur verið
reynd í öðrum þjóðfélögum s.s. í
Bretlandi og Bandaríkjunum, sem
hefur haft þær afleiðingar að þes-
sar þjóðir hafa orðið fátækari. Þar
ríkir ntikið atvinnuleysi og þær
hafa misst forustu í heims-
viðskiftum.
Þingið gerir sér grein fyrir þeim
vanda sem er í íslensku atvinnu-
lífi vegna aflasamdráttar og
niðurskurðar í landbúnaði, en
telur að þar sé um tímabundið
vandamál að ræða, sem ábyrg
stjórnvöld ættu að aðstoða við að
leysa.
Þingið telur að blandað hag-
kerfi henti Islendingum best,
enda hefur það reynst vel þar sem
það hefur verið við lýði, m.a. í
Japan og Þýskalandi.
Þrátt fyrir gæfuleysi þjóðarin-
nar að sitja uppi með núverandi
ríkisstjórn horfið þingið til þess
að aðilum vinnumarkaðarins ta-
kist að vinna lausnir á vanda at-
vinnulífsins.
Þingið fagnar því framtaki
kvenna á Vestfjörðum að koma á
tveggja ára þróunarverkefni í at-
vinnumálum kvenna í kjör-
dæminu og hvetur til áfram-
haldandi starfs á þeim vettvangi.
✓
Alyktun um
landbúnaðarmál.
Kjördæmisþing framsóknar-
manna á Vestfjörðum haldið í
Bolungarvík 24.-25. okt. 1992
horfir með ugg til framtíðar
landbúnaðar á Vesttjörðum, þar
sem ekkert tillit hefur verið tekið
til sérstöðu kjördæmisins. Þingið
átelur að ekki sé tekið tillit til
landnýtingarsjónarmiða í allt að
22% niðurskurði í sauðfjárrækt á
Vestfjörðum.
Stjórnmálaályktun
kjördæmisþings 1992
Kjördæmisþing framsóknar-
manna í Vestfjarðakjördæmi,
haldið í Bolungarvik 24.-25. ok-
tóber 1992 ályktar, að ekki sé
lengur fært að halda áfram á
gjaldþrotabraut ríkisstjórnar-
Sjálfstæðisflokks og Alþýðu-
ílokks. Afleiðingar þessararas-
tefnu hljóta að verða atvinnuleysi
og fátækt svo sem reynsla Breta
sýnir. Eindregið er lagst gegn
frekari sölu ríkisfyrirtækja, svo
sem bankanna.
Á tímum kreppuástands þarf
að veita fé til opinberra fram-
kvæntda fremur en oftast annars,
svo bægja megi atvinnuleysinu
frá. Urn leið kann að reynast
óhjákvæmilegt að hækka skatta,
einkum hjá hátekjufólki og skatt-
leggja ber fjármagnstekjur. Jafna
þarf hlut landsbyggðar í þjónus-
tustörfum, sem nú fjölgar helst í
Reykjavík.
Kjördæmisþingið telur, að skapa
þurfi fyrirtækjunum, t.d. í sjávar-
útvegi og iðnaði verulega bætta
starfsaðstöðu m.a. með lækkun
vaxta og niðurfellingu aðstöðu-
gjalds. Mikilvægt er að gengi
krónunnarsé ávallt rétt skráð.
Kjördæmisþingið mótmælir
aðför ríkisstjórnarinnar að vel-
ferðarkerfi þjóðarinnar. Sú aðför
hefur beinst sérstaklega að lands-
byggðinni. Heilbrigðisþjónustan
býr við geðþóttaákvarðanir og
lítið samráð virðist vera haft við
heilbrigðisstéttirnar. Á sviði
menntamála er óvissa urn
stefnumörkun en ákvarðanir
látnar bresta á án skipulagðrar
umræðu. Héraðsskólunum á
Vestfjörðum, helur verið lokað.
Hinn nýi Framhaldsskóli Vest-
fjarða hefur ekki fengið fjármagn
til að gegna því hlutverki sem
honum er ætlað og kennsla er
skert í grunnskólum. Meðal
annarra þjóða er talið að styrkja
þurfi skólakerfið þegar atvinnu-
leysi eykst, þannig að skólarnir
geti tekið á móti ýmsum sem ekki
hafa vinnu og um leið eflt miðlun
þekkingar, sem síðan fæðir af sér
almenna hagsæld.
Kjördæmisþingið lýsir yfir
fylgi við hugmyndir um samei-
ningu sveitarfélaga, enda verði
valdssvið þeirra um leið aukið og
þeim fengnir nýir tekjustofnar.
Stefna verður að því að dreifa
með þessu móti valdinu um
landið meira en gert hefur verið.
Kjördæmisþingið ályktar að
halda beri fast við þá fyrirvara
sem framsóknarmenn hafa sett
frarn varðandi samninga um
Evrópskt efnahagssvæði (EES),
þ.e. að ekki verði leyfðar fjár-
festingar erlendra aðila í útgerð
og fiskvinnslu hérlendis, né hel-
dur verði þeim leyft að kaupa upp
orkulindir okkar eða landareignir.
Um leið verður að ítreka að Is-
lendingar haldi rétti sínum til að
takmarka flutninga útlendinga til
Islands og atvinnuréttindi |reirra
hér. Fiskveiðar erlendra aðila í
fiskveiðilögsögu íslands geta
ekki orðið hluti þessa samnings.
Valdaafsal samningsins samrý-
mist ekki stjórnarskránni.
Þingið telur sjálfsagt að fram fari
þjóðaratkvæðagreiðsla hérlendis
um aðild okkar að EES. Þjóðir
Evrópu virðast enn ekki hafa
áttað sig til fulls á þeint breyting-
um á valdajafnvægi sem leitt
hefur af sameiningu Þýskalands
og upplausninni í Austur-Evrópu.