Monitor - 14.04.2011, Blaðsíða 6
6 Monitor FIMMTUDAGUR 14. APRÍL 2011
„Ég hef sungið mikið frá því að ég var svona tíu ára
gamall,“ segir Dagur Sigurðsson, sigurvegari Söngkeppni
framhaldsskólanna í ár. Keppnin fór fram um helgina og
tók Dagur lagið Helter Skelter sem Bítlarnir gerðu frægt
um árið. Hann öskraði eins og vanasti rokkari í gegnum
lagið sem þykir frekar erfitt viðureignar. „Ég hef ekki lært
söng af neinu viti en hef farið í einhverja örlitla einka-
kennslu,“ segir Dagur sem er engu að síður feiknagóður
söngvari sem á framtíðina fyrir sér. „Mig langar til að
læra söng og er búinn að reyna að komast inn í FÍH í þrjú
ár en ekkert gengur,“ útskýrir Dagur og gerir grín að öllu
saman. „Ég bara fæ ekki inngöngu,“ segir hann og hlær.
Söngelskir bræður
Dagur byrjaði söngferil sinn inni í herbergi með eldri
bróður sínum en þeir voru duglegir við prófa sig áfram
í tónlistinni á sínum yngri árum. „Við bræðurnir vorum
mikið að spila og syngja saman. Við vorum tímunum
saman inni í herbergi að fikta eitthvað við að spila,“ segir
Dagur og bendir á að bróðir hans sé líka fær söngvari.
„Hann er mjög góður söngvari þó hann sé ekki búinn
að fatta það ennþá,“ útskýrir Dagur sem vonar að þeir
bræðurnir geti jafnvel gert eitthvað saman í tónlistinni
seinna. „Það væri algjör snilld.“
Ekki brjálaður sólógæi
Þegar Dagur var 13 ára gamall byrjaði hann í hljóm-
sveit og þá var ekki aftur snúið. „Þá fór ég að syngja
eins og brjálæðingur og hef ekki hætt síðan,“ segir
Dagur sem spilar einnig á gítar. „Ég
er að mestu sjálflærður á gítar og
er svona í meðallagi,“ segir hann
hógvær. „Ég er allavega ekki þessi
brjálaði sólógæi,“ segir Dagur sem
stefnir á að starfa í tónlistargeir-
anum í framtíðinni og er strax
byrjaður að semja eigin lög. „Ég hef
samið nokkur lög en enginn hefur
heyrt þau ennþá,“ útskýrir Dagur.
„Þetta hefur verið bara fyrir sjálfan
mig,“ segir Dagur en bendir á að
lögin þurfi kannski að fara að líta
dagsins ljós bráðlega. „Ég hef ekki
þorað að taka þetta neitt lengra
en nú er algjörlega kominn tími á
það.“ Dagur segir textagerðina þó
ganga heldur brösulega hjá sér.
„Ég hef samið einhverja texta en
er eitthvað tregur í textagerðinni,“
útskýrir hann hlæjandi og bendir
á að lagasmíðarnar liggi betur fyrir
honum. „Lögin koma bara eins og
ekkert sé.“
Besti söngvarinn á
Músíktilraunum 2008
Árið 2008 tók Dagur þátt í Músík-
tilraunum og fékk þann heiður að vera valinn besti
söngvari keppninnar það árið. „Þetta var sama ár og
Agent Fresco vann,“ bendir Dagur á og bætir við að hann
sé yfir sig ánægður að hafa verið valinn besti söngvarinn
þegar samkeppnin var svo hörð. „Arnór söngvari í Agent
Fresco er stórkostlegur svo ég er mjög stoltur að hafa
verið valinn fram yfir hann,“ segir Dagur sem tók einnig
þátt í Söngkeppni framhaldskólanna árið 2008, þá
fyrir hönd Fjölbrautaskólans við Ármúla. „Þá tók
ég þátt með lagið We All Die Young og
lenti í þriðja sæti,“ segir Dagur sem
var á sínu öðru ári í FÁ á þessum tíma
en skipti seinna yfir í Tækniskólann.
Félagslífið tók sinn toll
„Á sínum tíma ákvað ég að fara í
FÁ til að komast á upplýsinga- og
fjölmiðlabrautina þar en strax á fyrsta
árinu mínu var hún lögð af,“ útskýrir
Dagur sem ákvað þó að halda áfram í
skólanum um sinn. „Ég hellti mér út
í félagslífið og lét námið kannski sitja
of mikið á hakanum eins og vill svo
oft gerast,“ útskýrir Dagur sem var
formaður Nemendafélags FÁ um tíma
er hann gekk í skólann. „Á endanum
langaði mig til að fara að sinna
náminu almennilega og skipti þá yfir
í Tækniskólann sem býður einmitt
upp á upplýsinga- og fjölmiðlabraut,“
segir hann ánægður með námið í
Tækniskólanum. „Námið er frábært og
það eru allar gerðir af fólki í skólanum
svo allir geta fundið sér einhvern sem
þeim líkar vel við,“ útskýrir hann og
bætir við að hann kunni virkilega
vel við sig í nýja náminu. „Þetta er
grunnnám sem er undirbúningur fyrir framhaldsnám
sem nefnist grafísk miðlun og er mjög spennandi,“ segir
Dagur sem lætur þó tónlistardrauminn ganga fyrir. „Mig
langar að sjá hvert ég kemst í þeim geira.“
Leynileg hljómsveit í bígerð
Dagur er mögulega að byrja í nýrri hljómsveit á næst-
unni en vill lítið gefa upp um verkefnið að svo stöddu.
„Ég er kannski að fara að byrja í hljómsveit en umræð-
urnar eru á viðkvæmu stigi,“ útskýrir hann leyndar-
dómsfullur. „Ég get ekki sagt mikið meira um það í bili,“
segir Dagur en viðurkennir þó að tónlist hljómsveitar-
innar verði líklega blúsrokkuð. „Ég er mjög blúsrokkaður
gæi svo tónlistin yrði líklega í þeim stíl,“ útskýrir Dagur
sem sannaði sig svo sannarlega sem blúsrokkaður
söngvari í Söngkeppninni síðustu helgi. „Maður þarf nú
samt að koma með eitthvað nýtt og ferskt inn í þetta svo
það er aldrei að vita hvað gerist,“ segir hann raunsær.
blúsrokkaður
Mjög
gæiHinn tvítugi Dagur Sigurðsson sigraði Söng-keppni framhaldsskólanna síðustu helgi fyrir
Tækniskólann með sinni eitursvölu blúsrödd.
DAGUR
Á 60 SEKÚNDUM
Besti söngvari í
heimi? Robert Plant.
Uppáhaldshljóm-
sveit? Led Zeppelin.
Uppáhaldslag?
Since I‘ve Been
Loving You með Led
Zeppelin.
Besta plata allra
tíma? The Wall með
Pink Floyd hafði
mjög mikil áhrif á
mig.
Versti söngvari í
heimi? Billie Joe
Armstrong í Green
Day.
Versta lag sem þú
hefur heyrt? Friday
með Rebecca Black.
VAR LAGIÐ VITSKERT VERA
TILEINKAÐ EINHVERJUM?
TAKTAR À LA
ROBERT PLANT
DAGUR AÐ BLÚSROKKA
SIG UPP MEÐ GÍTAR Í HÖND