Monitor - 28.04.2011, Blaðsíða 8

8 Monitor FIMMTUDAGUR 28. APRÍL 2011
Það er ekki alltaf auðvelt að skilja merkingu lagatexta. Monitor tók
saman nokkra sem hafa valdið miklum misskilningi í gegnum tíðina.
Ástarlag
eða pólitískur áróður?
Material Girl
Madonna
Margir halda að lagið sem skaut Madonnu upp á
stjörnuhimininn hafi verið sungið frá hennar innstu
hjartarótum en poppdrottningin var í raun að gera
grín að efnishyggju heimsins. Í viðtali við tónlist-
artímaritið Rolling Stone árið 2009 sagði Madonna
lögin Material Girl og Like A Virgin hafa verið sungin
í mikilli kaldhæðni til að ögra heiminum. „Textinn
fjallaði alls ekkert um mig,“ sagði söngdívan um
smellina. „Veraldlegir hlutir skipta mig litlu máli og
ég var svo sannarlega ekki hrein mey.“
Born In
The USA
Bruce Springsteen
Það er kannski augljóst
fyrir mörgum en þessi
misskildi baráttusöngur
Bandaríkjamanna er
með þeim kaldhæðnari
í mannkynssögunni.
Margir Bandaríkjamenn
syngja hástöfum er lagið
er spilað fyrir hafna-
boltaleiki og fyllast
þjóðerniskennd án þess
að hlusta almennilega á
textann. Lagið var samið
til að benda á neikvæð
áhrif stríðsins í Víetnam
á Bandaríkjamenn en
viðlagið hljómar svo vel
fyrir flestum að versin
eiga til að gleymast.
Bohemian
Rhapsody
Queen
Oft hefur því verið
haldið fram að hið
stórmerkilega lag
Queen segi frá baráttu
söngvarans Freddie
Mercury við alnæmi og
dramatískur textinn um
eftirsjá tákni erfiðleik-
ana við að sætta sig
við dauðann. Meðlimir
sveitarinnar hafa ekki
viljað tjá sig mikið
um sanna merkingu
textans en Mercury
hafði látið hafa eftir sér
að orðin væru samsuða
af einhverju rugli sem
rímaði og passaði vel
við tónlistina.
Mr. Tambour-
ine Man
Bob Dylan
Ótalmargar kenningar hafa
verið uppi um merkingu
textans í lagi Dylans og yfirleitt
hefur verið talið að lagið fjalli
um ofskynjunarlyf og Mr. Tam-
bourine Man sé þá eiturlyfjasali
Dylans. Yfirbragð lagsins styður
kenninguna vel og þykir um
margt líkjast áhrifum eiturlyfja
á borð við LSD en Dylan segist
ekki hafa tekið slíkt fyrr en eftir
að hann samdi lagið. Hann seg-
ir lagið alls ekki vera um eitur-
lyf heldur leitina að innblæstri
og bendir á að fyrirmyndin að
hinum fræga tambúrínumanni
sé tónlistarmaðurinn Bruce
Langhome sem lék á stóra
tyrkneska tambúrínu í mörgum
laga Dylans.
Summer
of ‘69
Bryan Adams
Árið 1969 var
Bryan Adams tíu ára
gamall svo lagið hefur
nákvæmlega ekkert
að gera með ártalið.
Textinn segir frá
sumri þar sem hann
var í hljómsveit, varð
ástfanginn og lærði
á gítar en Adams
segir allt það vera bull
í kringum merkingu
lagsins. Talan 69 vísar
nefnilega í kynlífsstell-
ingu sem hann er mjög
svo hrifinn af og lagið
fjallar aðallega um að
njóta ásta á sumrin,
sama hvort það er árið
1969 eða 1999.
Hotel California
The Eagles
Furðulegur textinn við þetta fræga lag hefur
fengið ótalmargar túlkanir í gegnum árin.
Ein er sú að lagið vísi í hótel sem stofnandi
Djöflakirkjunnar, Anton La Vey, keypti en
meðlimir sveitarinnar segja hana ranga. Lagið
fjalli í raun um háan lifistandard sveitarinnar í
Bandaríkjunum og Los Angeles.
Lucy In The Sky With Diamonds
The Beatles
John Lennon hélt því staðfastlega fram alla tíð að lagið hafi verið
samið í kringum mynd sem sonur hans teiknaði og hefði ekki að gera
með ofskynjunarlyfið LSD þrátt fyrir að orðin Lucy, sky og diamonds
myndi skammstöfun lyfsins. Textinn hljómar svo sannarlega eins og
eitthvað sýrutripp en Lennon stóð fastur á sínu þrátt fyrir að hafa
viðurkennt að margir aðrir textar Bítlanna hafi vissulega fjallað um
eiturlyf og reynslu þeirra af slíku.
Every Breath You Take
The Police
Ástfangin pör hafa löngum túlkað textann sem
rómantískan ástaróð og lagið hefur verið leikið í brúð-
kaupum um árabil. Sting hafði þó allt annað í huga og
hefur sagt að lagið sé í raun mun óhuggulegra en fólk
grunar. Hann skrifaði textann er hjónaband hans var í
rúst og vildi tjá afbrýðisemi og þráhyggju sem helltist
yfir hann á því tímabili. Hann segir textann eiga meira
við eltihrelli en ástfangna menn.
STING Á SÍNAR
DÖKKU HLIÐAR
HÓTELIÐ GÆTI VERIÐ
HIMNARÍKI EÐA HELVÍTI
ÞEIR HITTU LUCY IN THE SKY
WITH DIAMONDS AF OG TIL
MADONNA VEIT
AÐ NEKT SELUR
MERCURY SAGÐI TEXTANN
VERA BULL OG VITLEYSU
BRUCE GLOTTIR LÍKLEGA Í
KAMPINN Á HAFNABOLTALEIKJUM
ER HANN AÐ HUGSA UM
KYNLÍFSSTELLINGAR?
HVER VAR EIGINLEGA
HERRA TAMBÚRÍNA?