Monitor - 29.09.2011, Blaðsíða 21
21FIMMTUDAGUR 29. SEPTEMBER 2011 Monitor
Á haustin kemur sölukippur
í tvennt; hjálpartæki ástar-
lífsins og prjónanámskeið,
en ástæðan er einföld. Með
útgáfu Fifa-leikjanna ár hvert
hverfa bændur af heimilum
sínum og inn í heim knatt-
spyrnunnar. En ef það er
eitthvað í þessum heimi sem
hægt er að stilla klukkuna
sína eftir þá er það útgáfa
Fifa-leikjanna, en þeir hafa
vanið komur sínar á haustin
allt frá árinu 1993. Í þessari
nýjustu útgáfu leiksins hafa
verið gerðar meira en 200
breytingar.
Fyrsta sem maður tekur eftir í
þessari nýju Fifa 12-útgáfu er
að spilarar fá XP stig fyrir allt
sem þeir gera, en þessi stig
segja öðrum hversu góður þú
ert og hjálpa þér einnig að styðja við þitt uppáhaldslið, en þitt lið fær
XP punktana þína sem hækkar það á heimslista allra liða.
Stærsta breytingin á Fifa í ár er svokölluð „impact engine“ en þessi
grafíkvél er grunnurinn sem leikurinn keyrir á. Það sem gerir hana
ólíka fyrri útgáfum er að nú eru allir árekstrar og samstuð leikmanna
mun raunverulegri en áður. Þetta gerir það að verkum að spilarar
lenda í fleiri óvæntum uppákomum sem gerir leikinn meira lifandi og
ófyrirsjáanlegri.
Önnur stór breyting í leiknum er varnarkerfið. Í fyrri útgáfum var nóg
að halda inni tveimur tökkum til að verjast, en núna þurfa leikmenn
að vanda sig betur og ýta á takkana á réttum tíma. Einnig er kominn
takki sem gerir spilurum kleift að ýta við andstæðingunum með
olnboganum og toga í öxl. Þetta gerir varnarvinnuna skemmtilegri og
óútreiknanlegri. Aðrar breytingar eru meðal annars að leikmenn eru
með hærri gervigreind en áður og bregðast því við á velli líkar því sem
gerist í raunveruleikanum, meiðsli leikmanna eru í takt við brotin sem
þeir lenda í og margt fleira.
Netspilun leiksins hefur líka verið tekin í gegn og er
hún mun fjölbreyttari en áður og inniheldur fleiri
möguleika. Grafíkin í leiknum hefur verið fínpússuð
og hefur aldrei litið betur út en nú. Hljóð og tónlist
er til fyrirmyndar, en heyra má mismunandi köll
áhorfenda eftir því á hvaða velli leikmenn eru
staddir á og tónlistin inniheldur gott úrval nýrra og
reyndari tónlistarmanna.
Það er því hægt að lofa víbrandi gleði um allan
heim í þessum besta fótboltaleik allra tíma.
Ólafur Þór Jóelsson
Víbrandi gleði
TÖ LV U L E I K U R
Það er alltaf notaleg tilfinning sem fylgir því aðkíkja í heimsókn til ömmu og afa. Þá er mis-jafnt hvort það sé vegna þeirra blíða viðmóts
sem tekur alltaf á móti manni, lambalæranna sem
amma eldar, frásagnanna hans afa eða einfaldlega
vegna rólegu stemningarinnar sem heima hjá þeim
ríkir.
Þessi sérstaka stemningsamanstendur af ýmsu,þar á meðal útvarpinu.
Heima hjá ömmu og afa er
nefnilega gamla góða Gufan,
Rás 1, oftar en ekki í gangi.
Það er eitthvað við þessa
útsendingu, yfirvegaða og
skýra fréttalesturinn, klass-
ísku tónlistina og ódauðlegu
stefin sem leikin eru milli
dagskrárliða, sem skapar þessa
rólegu stemningu.
Ástæðan fyrir að ég tengi Gufuna strax viðömmu og afa er einfaldlega vegna þessað ég heyri hvergi annars staðar í þessari
útsendingu og sennilega á það sér mjög einfalda
skýringu. Kynslóðin sem amma og afi tilheyra ólst
upp við útvarpið sem helsta afþreyingar-
miðilinn. Á þeirra æskuárum hlammaði
fjölskyldan sér ekki á sófann til að horfa
á sjónvarpið, félagarnir hittust ekki til
að spila PlayStation og vinkonurnar
hittust svo sannarlega ekki til að
horfa á nýjasta þáttinn af Gossip Girl
af flakkaranum. Í þá daga raðaði fólk
sér í kringum útvarpstæki til að hlusta
á hámenningarleg útvarpsleikrit eða
fágaða viðtalsþætti.
Sjálfur hlusta ég arfasjaldaná útvarp, einu skiptin semég kveiki á útvarpstæki er í
bílnum. Með öðrum orðum sæki
ég mér voða sjaldan afþreyingu
í útvarpið en þrátt fyrir það
hafa þættir eins og Tvíhöfði og Harmageddon, sem
sennilega eru vinsælustu útvarpsþættirnir hjá
minni kynslóð á síðustu árum, ekki farið framhjá
mér. Þótt ég þykist ekki vera neinn áhugamaður
um útvarp hef ég oft staðið mig að því að vera í
hláturskasti yfir Tvíhöfða að gera símahrekk eða
yfir því þegar Harmageddon-liðar fara yfir þjóðmál-
in og allt er látið flakka. Rauði þráðurinn í báðum
þessum þáttum voru eða eru fíflalæti og báðir voru
þeir eða eru sprenghlægilegir.
Þessi pistill er ekki til þess gerður að fussaog sveia yfir fíflalátum í útvarpi heldurfékk þetta mig til að hugsa um muninn á
hámenningunni sem amma og afi hlusta á annars
vegar og fíflalátunum sem ég og mínir skemmtum
okkur yfir hins vegar. Mun það skyndilega gerast
einn daginn þegar ég eldist að mér
hætti að finnast fíflalætin fyndin
og dagskrá Gufunnar fari að
höfða til mín? Eða munu
barnabörnin mín heyra menn
gera símaöt og rífa kjaft í
útvarpinu þegar þau kíkja í
heimsókn til afa síns? Þróast
smekkur minnar kynslóðar,
ef hægt er að tala um slíkan,
með henni eða eldist hann af
henni?
Eflaust er ógerlegt að spá fyrirum þróun mála í útvarpi og að samaskapi væri eflaust hægt að heimfæra
þetta yfir á aðra miðla svo sem prentmiðla.
Ég efast um að amma og afi hafi mikið verið
að velta sér upp úr því hvort þessi stjörnu-
lögfræðingur ætti barn með þessari eða ekki.
Hvað útvarpið varðar gæti meira að segja
farið svo að það einfaldlega deyi út
með minni kynslóð, enda held
ég að það sé afar sjaldgæft að
fólk á mínum aldri velji útvarp
fram yfir sjónvarpið, tölvuleik-
ina eða internetið þegar kemur
að því að drepa tímann, en það
er einmitt hlutverk tímans að
leiða þessa ráðgátu í ljós.
Einar Lövdahl Gunnlaugsson
einar@monitor.is
ORÐ Í BELG
Drepur unga fólkið
útvarpsstjörnuna?
Tegund: Fótboltaleikur
PEGI merking: 3+
Útgefandi: EA Sports
Dómar: Gamespot 9 af 10 /
IGN 9,5 af 10 / Eurogamer 9 af 10
Fifa 12
Allt að gerast - alla fimmtudaga!
ERT ÞÚ
AÐ GERA
EITTHVAÐ
SKEMMTILEGT?
monitor@monitor.is