Morgunblaðið - 15.07.2010, Blaðsíða 9

MORGUNBLAÐIÐ | 9
S
t. Andrews í Skotlandi er
mekka golfsins, hefðir og
menning íþróttagreinarnnar
eiga rætur sýnar að rekja til
staðarins og hafa mótað íþróttina að
stórum hluta í það sem hún er í dag,“
segir Ragnar Ólafsson, þjálfari ís-
lenska landsliðsins í golfi. Mikil hefð
og saga tengist vellinum og áhrif-
anna gætir víða. Útgáfa á reglum
golfsins miðast gjarnan við staðinn
og sömu reglur eru notaðar alls stað-
ar í heiminum þar sem golf er leikið.
Sjö vellir
Völlurinn í St. Andrews var fyrst
tólf holur og síðar 22 holur eða 11
holur fram og til baka. Árið 1764 var
honum breytt í átján holur eins og
hann er í dag.
„Á svæðinu eru núna sjö golfvellir
ef ég man það rétt sem allir tengjast
St. Andrews,“ segir Ragnar sem
fylgdi í nokkur skipti íslenskum
landsliðsmönnum á St. Andrews
Links Thropy sem er árlegt al-
þjóðamót.
Gryfjur ekki árennilegar
„Ég kom þarna fyrst árið 1981 og
var þá að spila með landsliðinu á
Evrópumóti landsliða. Völlurinn
hentaði mér afar vel; sjávarvöllur
með með hólum og hæðum, miklu
kjarri og glompur sem báru heiti
eins og Hell, Coffin og Grave og
voru ekki árennilegar gryfjur til að
komast upp úr. Ég man að fyrsta
holan er sennilega breiðasta braut í
heimi en fyrsta og átjánda liggja
saman og mynda eina braut. Ein-
hvern veginn tókst mér að slá upp-
hafshöggið í brunninn lengst til
hægri og síðan aftur í brunninn fyrir
framan flötina og endaði holuna á
skelfilegum átta höggum,“ segir
Ragnar og heldur áfram:
Tveir undir pari
„Ég lék síðan restina af hringnum
tvo undir pari og kom inn á 74 högg-
um og lék síðan seinni 18 holurnar
daginn eftir á pari eða 72 sem skilaði
mér í fimmta sæti einstaklings. Ég
man að ef maður náði að staðsetja
upphafshöggið réttum megin á
brautina þá var yfirleitt þægilegt
högg inn á flötina en ef maður valdi
breiðari partinn á brautinni þá átti
maður erfitt eða vonlaust högg inn
að holu sem staðsett var á bak við
glompur og hóla á flötunum úr þeirri
stefnu. Það eru bara fjórar brautir
sem hafa sér flatir, hinar fjórtán eru
með tvöföldum flötum og það getur
skapað löng pútt en ég man að eitt
sinn var ég með um 66 metra pútt og
náði að tvípútta það og bjarga pari,“
segir Ragnar sem bætir því við að
auðvitað upplifi ekki allir völlinn í St.
Andrews á sama hátt og hann. Hvað
sem því líði hljóti flestir þó að geta
dáðst að náttúru staðarins og um-
gjörðinni – þar sem fallegt klúbbhús
og gömlu byggingarnar sem um-
lykja fyrstu og átjándu holuna setja
sterkan svip á staðinn.
sbs@mbl.is
Morgunblaðið/Eggert
Einvaldur Ragnar Ólafsson landsliðþjálfari hefur oft leikið á St. Andrews
og segir golfmenningu heimsins taka mið af því sem tíðkast á þeim velli.
Völlurinn hentaði
mér afar vel
Ragnar Ólafsson, lands-
liðseinvaldur í golfi, er hag-
vanur á St. Andrews. Þar
hefur hann spilað nokkrum
sinnum og segir þá leiki
eftirminnilega.
G
olfmaraþoniið Ice 24 Tee var
haldið á Kiðjabergsvelli í
Grímsnesi á dögunum.
Ensku kylfingarnir Ben
Bradshaw og Charles Dolpin náðu þar
markmiði sínu, léku 146 holur á 24
tímum – einum sólarhring. Þeir hófu
leik klukkan níu að morgni og settu
sér það markmið að leika 144 holur
eða 8 hringi og náðu því klukkan rúm-
lega hálfníu næsta dag. Bættu síðan
tveimur holum við þar sem þeir áttu
hálftíma eftir af tímanum. Með þessu
voru þeir að styrkja gott málefni í
heimalandi sínu.
Þeir Bradshaw og Dolphin sögðu þá
upplifun að leika golf á Kiðjabergi og
sjá sólina setjast og rísa meðan þeir
spiluðu golf hafa verið ótrúlega.
Þeir spiluðu hvern hring að með-
altali á 80 höggum, lægsta skorinu á
hring náðu þeir á 7. og 8. hring í morg-
un – 76 og 77 höggum.
Þeir félaga spiluðu höggleik og var
hvert einasta högg talið. Þeir voru
með tvo aðstoðarmenn, Amandu East
og Bob Brown, sem sáu um að telja
höggin og hjálpa þeim að finna bolta
til að flýta leik.
Ljósmynd/Valur
Félagarnir Ben Bradshaw og
Charles Dolpin á Kiðjabergsvelli.
146 holur
á Kiðjabergi
á sólarhring
flugfelag.is
ÍS
L
E
N
S
K
A
/S
IA
.I
S
/F
L
U
50
02
5
05
/2
01
0Þú getur treyst því að flugferð á milli tveggja
áfangastaða Flugfélags Íslands tekur aldrei
lengri tíma en eina klukkustund. Með okkur ertu
aldrei seint á ferðinni.
Gerðu golfið enn meira spennandi í sumar með
stórskemmtilegum leik. Í boði eru glæsilegir
vinningar. Taktu flugið og leiktu golf í grennd við
áfangastaði Flugfélags Íslands. Þú getur valið
um golfvelli Golfklúbbs Reykjavíkur, Golfklúbbs
Akureyrar, Golfklúbbs Vestmannaeyja,
Golfklúbbs Ísafjarðar og Golfklúbbs
Fljótsdalshéraðs.
Í lok ágúst verðlaunum við þá sem spila best yfir
sumarið og fá flesta punkta. Skráðu skorið á
golf.is. Hægt er að skilja kortið eftir á samstarfs-
völlum okkar eða senda okkur útfyllt skorkort
ásamt brottfararspjaldi. Þú getur skannað það
inn og sent í tölvupósti á stebbi@golf.is eða
sent okkur afrit í pósti:
Golfleikur 2010 - Taktu flugið
Golfsamband Íslands
Engjaveg 6
104 Reykjavík
Nánari upplýsingar á golf.is og flugfelag.is
Taktu flugið í golfleik sumarsins 2010.
AKUREYRI
EGILSSTAÐIR
VESTMANNAEYJAR
ÍSAFJÖRÐUR
VOPNAFJÖRÐUR
ÞÓRSHÖFN
GRÍMSEY
REYKJAVÍK
LEIKUM OKKUR
INNANLANDS
Styttri ferðatími – meiri golftími
Golfleikur sumarsins 2010
Með Flugfélag Íslands og Golfsamband Íslands
Flugfélag Íslands er samstarfsaðili
Golfsambands Íslands
Góða ferð!