Morgunblaðið - 15.07.2010, Blaðsíða 10

10 | MORGUNBLAÐIÐ
F
yrir nokkrum árum kom
upp sú hugmynd að stofna
verkefni þar sem golfhreyf-
ingin og ferðaþjónustan
kæmi saman til að koma á
framfæri íslensku golfi gagnvart er-
lendum ferðamönnum og kylfingum.
Hliðstæð verkefni voru til á borð við
Ráðstefnuskrifstofu Íslands og
Cruise Iceland en samtökin Golf
Iceland voru stofnuð í ársbyrjun
2008,“ segir Magnús Oddsson,
stjórnarformaður Golf Iceland og
fyrrverandi ferðamálastjóri.
Aðilar að samtökunum Golf Ice-
land eru um 27 talsins, þar á meðal
golfvellir, ferðaþjónustufyrirtæki,
Ferðamálastofa og Golfsamband Ís-
lands.
Öflugt markaðsstarf
Samtökin eru ekki sölusamtök
heldur einungis kynningar- og
markaðssamtök. Þeirra hlutverk er
að koma möguleikanum á golf-
ferðum til Íslands á framfæri en að-
ilar samtakanna geta hins vegar
boðið þjónustuna.
„Við komum verkefninu af stað
með hefðbundnum hætti, opnuðum
vefsíðu og prentuðum kynningarefni
sem dreift er víða. Við svörum fyr-
irspurnum og tökum þátt í sérhæfð-
um ferðasýningum fyrir golf um all-
an heim. Á síðasta ári létum við
útbúa fyrir okkur af erlendum að-
ilum sérstaka aðgerða- og kynning-
aráætlun til næstu ára. Til verksins
fengum við IAGTO, The Global Golf
Tourism Organisation. Á síðasta ári
urðum við aðilar að þessum sam-
tökum sem hefur orðið til þess að við
höfum betri aðgang að seljendum
auk þess sem ákveðin viðurkenning
felst í því að verða aðili að samtök-
unum – varan sem við bjóðum telst í
lagi,“ segir Magnús um kynning-
arstarf Golf Iceland en fulltrúar
IAGTO komu hingað til lands til að
kynna sér golfvellina innan Golf Ice-
land og þjónustu annarra meðlima
samtakanna.
Golf Iceland hefur einnig lagt
áherslu á að þjóna erlendum sölu-
aðilum og fjölmiðlafólki sem ferðast
hingað til að kynna sér golf á Ís-
landi.
Miðnæturgolfið vinsælt
Sumir spyrja eflaust hvað Ísland
hafi að bjóða í golfferðum, til dæmis
samanborið við Spán?
„Sannleikurinn er sá að við erum
ekki að keppa við Spán eða Flórída.
Við erum með allt aðra vöru. Við
leggjum áherslu á að koma því á
framfæri að golfvellir á Íslandi eru
margir og dreifðir um landið; alls
um 70 talsins. Þessir vellir eru sér-
stakir að því leyti að þeir eru hluti af
náttúrunni. Það sem fjölmiðlar og
seljendur hafa hrifist mest af er
tækifærið til að spila golf í einstakri
náttúru og einnig heillar miðnæt-
urgolfið alla gesti,“ segir Magnús.
Golf Iceland hefur í kynningum
sínum lagt áherslu á fjögur svæði,
Norður-Ameríku, Bretland, Norð-
urlöndin og meginland Evrópu, að-
allega Þýskaland, Austurríki og
Holland. Þær erlendu ferðaskrif-
stofur sem bjóða golfferðir til Ís-
lands eru flestar í Mið-Evrópu en
þeim fer fjölgandi. Þá hentar Ísland
mjög vel sem viðbót við pílagríms-
ferðir Bandaríkjamanna til landsins
þar sem golfíþróttin átti upptök sín,
Skotlands.
Golf við Eyjafjallajökul!
Golf Iceland hefur jafnframt lagt
áherslu á golf fyrir bæði almenna
ferðamenn og golfferðamenn en
margir ferðamenn hafa áhuga á að
spila hér golf þótt tilgangur ferðar
þeirra sé annar.
„Samkvæmt könnunum er mun-
urinn á golfferðamönnum og hinum
almenna ferðamanni sá að golf-
ferðamenn eru fólk sem er yfirleitt
tilbúið til að eyða meiru enda kemur
það vegna áhugamálsins,“ segir
Magnús en nefnir að golfferðamenn
njóti einnig annarra þátta en golf-
sins, fari í skoðunarferðir og fleira.
Aðspurður segir Magnús að heims-
kreppan hafi haft minni áhrif á golf-
ferðamennsku en almenna ferða-
mennsku en hins vegar hafi eldgosið
haft mikil áhrif og afbókanir verið
margar. Eldgosið hafi þó ekki ein-
ungis neikvæð áhrif. „Ég fékk skeyti
frá Norðmanni í gær sem spurði mig
hvort ég gæti komið honum á golf-
völl sem næst Eyjafjallajökli,“ segir
Magnús en viðtökur við golfferðum
hérlendis hafa verið góðar.
„Miðnæturgolfið virðist slá allt
annað út. Hingað kom meðal annars
blaðamaður frá the Daily Mirror og
fór á Arctic Open á Akureyri. Þegar
hann skrifaði síðan í the Daily Mir-
ror var hann mjög hrifinn og sagði
mönnum að gleyma British Open,“
segir Magnús sem kann margar
fleiri sögur af ánægðum ferðamönn-
um sem koma til Íslands í golfleik.
kristel@mbl.is
Golf á Íslandi Magnús Oddsson er stjórnarformaður Golf Iceland. Margir koma í golf hingað til lands og gæti fjölgað mikið, takist vel til með starf hinna nýstofnuðu samtaka.
Golfið og ferðaþjónustan
sameina krafta sína
Magnús Oddsson: „Sannleikurinn er sá að við erum ekki að keppa við
Spán eða Flórída. Við erum með allt aðra vöru.“
Golf Iceland eru kynningar-
og markaðssamtök sem
leggja áherslu á golfferðir
til Íslands. Stórbrotin nátt-
úra og miðnæturgolf er
meðal þess sem heillar er-
lenda kylfinga hvað mest
við dvölina hér á landi.
Morgunblaðið/Jakob Fannar
Til eru margar tegundir golf-
kúlna og kaupendur eiga oft í
mestu vandræðum með að velja
þær réttu. Hönnun þeirra getur
bæði verið einföld og flókin en
verður þó alltaf að uppfylla
ákveðnar reglur um breidd,
þyngd og fleira. Í gegnum tíðina
hafa golfkúlur verið gerðar úr
ýmist tré eða fjöðrum en nú á
dögum eru þær gerðar úr mis-
munandi efnum og fer val á þeim
eftir gæðum kúlnanna. Flest
þekkjum við þær skínandi hvítar
í sjón en einnig má fara nýjar
leiðir og kaupa sér kúlur sem eru
skreyttari en aðrar.
Öðruvísi
golfkúlur
Fótbolti
eða golf?
Til eru margar
gerðir af öðruvísi golfkúlum.
Brosandi kúlur Finna má
kúlur með hinum ýmsu
andlitum.