Fréttablaðið - 05.12.2011, Síða 8

5. desember 2011 MÁNUDAGUR
ÚTGÁFA Bækur og tímarit prentuð á
Íslandi bera mun hærri virðisauka-
skatt en erlent prentverk. Samtök
iðnaðarins (SI) hlutast til um að
reka prófmál gegn ríkinu fyrir
héraðsdómi þar sem þess verður
krafist að innlendir framleiðendur
sitji við sama borð og þeir sem
flytja inn bækur og tímarit prentuð
erlendis. Bókaútgefendur, ólíkt
prenturum, virðast hins vegar ekki
hafa þekkt til þessa mikla munar
á skattinum og hann skýrir ekki
hvar þeir láta prenta bækur sínar.
Bækur og tímarit sem prent-
uð eru erlendis bera sjö prósent
virðis aukaskatt í tolli en íslenskum
prentsmiðjum er gert að leggja á
25,5 prósent vask á sitt prentverk.
Samtök iðnaðarins telja að um
óréttmæta mismunun sé að ræða.
Sigurður B. Halldórsson, lög-
fræðingur hjá SI, útskýrir að
prófmálið sé örþrifaráð, þar sem
skattayfirvöld neiti að viðurkenna
kjarna málsins. „Hann er að
íslenskar prentsmiðjur, eins og
þær erlendu, skila bók tilbúinni
til neytenda. Í virðisaukalögum
stendur skýrt að bók skuli bera
sjö prósenta skatt. Þetta mis-
ræmi gengur ekki upp þegar lögin
eru skoðuð. Yfirvöld þverskallast
við og fullyrða að þetta sé prent-
smiðjuþjónusta sem á að bera
hærri skatt.“
Sigurður segir að þessi mikli
skattamunur hamli samkeppni, og
því afar mikilvægt að fá úr þessum
ágreiningi skorið.
Fyrirspurnir meðal íslenskra
bókaútgefenda vegna fréttarinnar
sýna að þeim var mörgum ekki
kunnugt um þennan mikla mun
á skattinum og því er hann ekki
áhrifavaldur í vali á prentlandi
bóka eða tímarita. Útgefendur, sem
flestir láta prenta hérlendis, horfa
mikið til styttri afgreiðslutíma,
möguleika á endur prentun og hag-
stæðari greiðsluskilmála, svo fátt
eitt sé nefnt. Hins vegar kom fram
hjá einum viðmælenda Frétta-
blaðsins að athygli bókaútgefenda
hafi verið vakin á þessum mun
sem geti haft áhrif á hvar bækur
verða prentaðar í framtíðinni.
Könnun á prentstað íslenskra
bóka, sem getið er í Bóka tíðindum
FÍB, árið 2011 sýnir að fjöldi titla
sem prentaðir eru innanlands
dregst saman um rúmlega þrjú
prósentustig milli ára en árið 2010
var 71,4 prósent hlutfall á prentun
bókatitla innanlands. Mikill
munur á virðisaukaskatti skýrir
því ekki þennan samdrátt. Það er
aukin útgáfa barnabóka, en sam-
prent, og þá erlendis, er algengt í
útgáfu barnabóka þar sem prentað
er sameiginlega fyrir mörg lönd.
svavar@frettabladid.is
FRÁBÆRT
VERSLUNARHÚSNÆÐI
EINSTÖK STAÐSETNING
Til leigu er verslunarhúsnæði á 2 hæðum að Hallarmúla 2,
samtals um 1.500 fm. Húsnæðið er tilbúið undir verslunar-
rekstur. Næg bílastæði.
Nánari upplýsingar
gefur Örn V. Kjartansson,
orn@m3.is, gsm 825 9000.
TIL LEIGU
Í virðisaukalögum
stendur skýrt að bók
skuli bera sjö prósenta skatt.
Þetta misræmi gengur ekki
upp þegar lögin eru skoðuð.
SIGURÐUR B. HALLDÓRSSON
LÖGFRÆÐINGUR HJÁ SAMTÖKUM
IÐNAÐARINS
alla sunnudaga klukkan 16. Njótið vel
Hemmi Gunn – og svaraðu nú!
Fjölbreyttur og fjörugur þáttur
Bókaskattur þvingar
SI í mál gegn ríkinu
Bók sem er prentuð á Íslandi ber 18,5 prósentum hærri virðisaukaskatt en
bók prentuð á erlendri grundu. Samtök iðnaðarins íhuga prófmál gegn ríkinu
vegna þessa. Margir útgefendur virðast ekki hafa vitað af þessum mikla mun.
Í ODDA Hlutfall prentaðra bóka á Íslandi er um 70 prósent og hefur aldrei verið hærra.
FRÉTTABLAÐIÐ/GVA
Heildarfjöldi prentaðra bókatitla er
690 í Bókatíðindum í ár en var 710
árið 2010. Listinn sýnir fjölda bóka
prentaðra í hverri heimsálfu og hlut-
fall af heild.
Fjöldi titla %
Ísland 470 68,1
Asía 119 17,2
Evrópa 100 14,6
Annað 1 0,1
Samtals 690 100%
Prentaðar bækur 2011
ÞÝSKALAND Sprengjusérfræð-
ingar í þýsku borginni Koblenz
gerðu í gær tvær sprengjur úr
síðari heimsstyrjöldinni óvirk-
ar. Sprengjurnar fundust í ánni
Rín þegar vatnsborð hennar
lækkaði eftir langvarandi þurrka.
Aðgerðin er sú umfangsmesta
vegna sprengjuhættu í Þýskalandi
frá lokum seinni heimsstyrjaldar.
Stærri sprengjan var 1,8 tonn
að þyngd, en breski flugherinn
varpaði henni milli áranna 1943
og 1945. Minni sprengjunni var
varpað af flugher Bandaríkjanna
á svipuðum tíma, en hún vó um
125 kíló og stafaði meiri hætta af
henni, að mati sérfræðinganna.
Aðgerð sérfræðinganna tók
um þrjár klukkustundir. Rýma
þurfti Koblenz í tveggja kílómetra
radíus frá sprengjunum, og voru
um 12.000 rúm sett upp í skólum
til skjóls fyrir þá sem höfðu ekki í
önnur hús að vernda á meðan. Um
500 slökkviliðs- og lögreglubílar
voru til taks ef svo hefði farið að
sprengjurnar hefðu sprungið.
Talið er líklegt að fleiri
sprengjur uppgötvist í Rín á næstu
dögum. Algengt er að sprengjur
úr stríðinu finnist í Þýskalandi,
en í júlí á síðasta ári létust þrír í
bænum Göttingen þegar sprengja
úr seinna stríði sprakk. - kg
45.000 yfirgáfu heimili sín vegna sprengjuhættu í þýsku borginni Koblenz:
Gerðu sprengjurnar óvirkar
SPRENGJUHÆTTA Fjölda sandpoka
var komið fyrir hjá sprengjunum í
aðgerðinni. NORDICPHOTOS/AFP
SAMFÉLAGSMÁL Öryrkjabandalag
Íslands veitti Hvatningarverð-
laun sín um helgina, á Alþjóða-
degi fatlaðra, í fimmta sinn. Í
flokki einstaklinga fékk Bergþór
Grétar Böðvarsson viðurkenningu
fyrir að stuðla að jákvæðri og upp-
byggilegri umræðu um geðsjúk-
dóma á Íslandi og Hestamanna-
félagið Hörður fékk verðlaun í
flokki fyrir tækja og stofnana fyrir
frumkvöðlastarf í hestaíþróttum
fatlaðra barna og unglinga. Loks
hlaut sjónvarpsþátturinn Með
okkar augum viðurkenningu fyrir
frumkvöðlastarf í dagskrárgerð.
„Þeir sem hljóta Hvatningarverð-
launin eru aðilar sem hafa tekið
skref á þeirri leið að búa til eitt
samfélag fyrir alla,“ segir Steinunn
Þóra Árnadóttir, formaður undir-
búningsnefndar verðlaunanna.
„Bergþór hefur verið brautryðjandi
í sínu starfi, sem fulltrúi notenda
á Geðsviði Landspítala og fær
viðurkenningu fyrir það. Þeir hjá
Hestamannafélaginu Herði hafa
boðið upp á reiðnámskeið fyrir
fötluð börn og unglinga. Í síðasta
flokknum snúast verðlaunin um
kynningu og umfjöllun á málefnum
fatlaðs fólks út á við og við teljum
að þar hafi verið brotið blað í fjöl-
miðlun á Íslandi, þar sem fólk með
þroskahömlun vann beggja megin
myndavélarinnar.“ - jma
Hvatningarverðlaun Öryrkjabandalags Íslands veitt í þremur flokkum:
Þættir brutu blað í fjölmiðlun
DAGSKRÁRGERÐ VERÐLAUNUÐ Aðstandendur sjónvarpsþáttarins Með okkar augum
eru meðal þeirra sem hlutu Hvatningarverðlaunin.