Fréttablaðið - 20.12.2011, Blaðsíða 22

20. desember 2011 ÞRIÐJUDAGUR22
Umsjón: nánar á visir.is

LAUSAR STÖÐUR Í GRUNNSKÓLUM VORÖNN 2012

Hraunvallaskóli (590 2800 lars@hraunvallaskoli.is)
Skólaliði (frá kl. 8:00-14:00)
Hvaleyrarskóli (565 0200 helgi@hvaleyrarskoli.is)
Sérkennsla vegna forfalla (80%)
Skólaliði (40%)
Öldutúnsskóli (s. 555 1546 erla@oldutunsskoli.is)
Íþróttakennsla (80%)

Allar upplýsingar veita skólastjórnendur viðkomandi skóla.

Karlar jafnt sem konur eru hvattir til að sækja um störfin.
Umsóknarfrestur er til og með 22. desember 2011.

Fræðslustjórinn í Hafnarfirði
Stjarnan ehf., sem er með einka-
leyfi á Íslandi fyrir veitinga-
húsakeðjunni Subway, hagnaðist
um 124,3 milljónir króna í fyrra.
Það er rúmum fimmtán milljón-
um króna meiri hagnaður en árið
2009 þegar félagið hagnaðist um
109 milljónir króna. Stjarnan er
í 100% eigu félags Skúla Gunn-
ars Sigfússonar athafnamanns.
Stjarnan opnaði nýverið tuttugasta
Subway-staðinn á Íslandi.
Alls nema eignir Stjörnunnar
436 milljónum króna og jukust
þær um 152 milljónir króna á milli
ára. Hækkunin er nánast einvörð-
ungu vegna þess að krafa á tengd
félög jókst um 146 milljónir króna
frá árinu 2009. Tengdir aðilar eru
Leiti eignarhaldsfélag, sem er að
fullu í eigu Skúla Gunnars. Það
félag hefur ekki skilað ársreikn-
ingi fyrir síðasta ár. Stjarnan
skuldaði 128,4 milljónir króna um
síðustu áramót. Þar af voru 44,9
milljónir króna skuldir við lána-
stofnanir.
Á meðal annarra eigna Skúla
er 26,32% hlutur í Nautafélaginu
ehf., sem á og rekur Hamborgara-
fabrikkuna. Aðrir eigendur þess
félags eru Jóhannes Ásbjörnsson
og Sigmar Vilhjálmsson, sem eiga
36,84% hlut hvor. Nautafélagið
hagnaðist um tæpar 35 milljón-
ir króna á árinu 2010. Á grund-
velli þeirrar afkomu ákvað stjórn
félagsins að greiða 30 milljónir
króna út í arð til hluthafa á árinu
2011. - þsj
Stærsta skyndibitakeðja landsins malar gull:
Subway hagnaðist
um 124 milljónir
EIGANDI Skúli Gunnar Sigfússon stofnaði fyrsta Subway-staðinn á Íslandi 1994.
Staðirnir eru nú orðnir 20 talsins. FRÉTTABLAÐIÐ/ANTON
Afstaða skattayfirvalda varðandi vexti á lánum
vegna skuldsettra yfirtaka á fyrirtækjum er sú
að þeir séu ekki frádráttarbærir frá tekjum fyrir-
tækja, þar sem ekki séu uppfyllt grundvallarskil-
yrði fyrir frádráttarbærni. Þetta segir í frétta-
tilkynningu frá embætti Ríkisskattstjóra frá
desember 2009.
Eins og kom fram í frétt blaðsins í gær herma
heimildir að fyrri eigendur Húsasmiðjunnar hafi
fengið endurálagningu skatta af þessum sökum.
Mun upphæðin hafa numið um hálfum milljarði
króna.
Skúli Eggert Þórðarson ríkisskattstjóri sagðist
ekki geta tjáð sig um málið í samtali við Fréttablað-
ið.
Í ljósi þess sem tekið er fram í fyrrnefndri frétta-
tilkynningu má hins vegar áætla að fleiri félög sem
beitt hafa skuldsettri yfirtöku hafi fengið eða muni
fá tilkynningu um endurálagningu. Þar sem þess
konar gjörningar voru algengir fyrir bankahrun
gæti verið um verulegar fjárhæðir að ræða.
Lög um tekjuskatt heimila endurákvörðun skatta
vegna tekna og eigna síðustu sex ára sem næst eru á
undan því ári þegar endurákvörðun fer fram. Sam-
kvæmt því geta skattayfirvöld krafist endurálagn-
ingar vegna áranna 2005 til 2010, sé tilkynning send
út áður en þetta ár er liðið. - þj
Endurálagning skatta vegna skuldsettra yfirtaka á fyrirtækjum:
Fleiri gætu fengið bakreikning
Mariano Rajoy, sem tók nýlega við
embætti forsætisráðherra Spán-
ar, boðaði í gær yfirgripsmiklar
aðgerðir til að endurreisa efnahag
landsins og orðspor þess á alþjóða-
vettvangi.
Aðgerðirnar felast bæði í niður-
skurði í útgjöldum og kerfisum-
bótum.
Rajoy sagði í ræðu sinni á
þingi í gær að útlitið hefði aldrei
verið eins dökkt. Stefnan er því
sett á jafnvægi í ríkisfjármálum,
umbætur í fjármálakerfinu með
niðurfellingu skulda og endur-
skipulagningu á vinnumarkaði til
að gera efnahagskerfið sveigjan-
legra og samkeppnishæfara.
Þó verði ekki skorið niður í líf-
eyriskerfinu, sem verði áfram vísi-
tölutengt.
Rajoy sagði að verkefnið yrði
erfitt og ekki líklegt til vinsælda,
en aðgerða væri þörf. - þj
Forsætisráðherra Spánar boðar umbætur:
Nauðsynleg aðgerð
FLEIRI BAKREIKNINGAR Samkvæmt heimildum Fréttablaðsins
fengu fyrri eigendur Húsasmiðjunnar bakreikning frá skatt-
inum vegna skuldsettrar yfirtöku á fyrirtækinu. Samkvæmt
yfirlýstri afstöðu skattayfirvalda má ráða að líklegt sé að fleiri
fyrirtæki eigi von á slíkum reikningi. FRÉTTABLAÐIÐ/ANTON
Danska byggingavörukeðjan
Bygma Gruppen A/S keypti í gær
rekstur og eignir Húsasmiðjunn-
ar af Framtakssjóði Íslands (FSÍ)
á 3,3 milljarða króna. Félagið
mun yfirtaka 2,5 milljarða króna
af skuldum Húsasmiðjunnar og
greiðir auk þess 800 milljónir
króna til FSÍ í reiðufé. Bygma
tekur við rekstri Húsasmiðjunn-
ar í byrjun árs 2012.
Samhliða voru leigusamning-
ar Húsasmiðjunnar lækkaðir
en leigukostnaður fyrirtækis-
ins vegna ársins 2011 hafði verið
áætlaður 1.020 milljónir króna,
sem er um 7,9% af veltu Húsa-
smiðjunnar. Fréttablaðið greindi
frá því í gær að samkomulag hefði
náðst um kaupin í lok síðustu viku.
Sigurður Arnar Sigurðsson,
forstjóri Húsasmiðjunnar, segir
það mjög góð tíðindi fyrir fyrir-
tækið að söluferlinu sé loks lokið.
„Bygma er þriðji eigandi Húsa-
smiðjunnar á tveimur árum. Það
er mjög gott að loksins sé kominn
langtímaeigandi og því hægt að
fara að vinna áætlanir um fram-
tíðaruppbyggingu. Það er líka
mjög gott að eigandinn sem kom-
inn er að Húsasmiðjunni sé í sams
konar starfsemi.
Það auðveldar alla skipulags-
vinnu að fá aðgang að mjög stóru
fyrirtæki á byggingavörumark-
aði.“
Samhliða kaupunum voru gerð-
ir nýir leigusamningar við leigu-
sala Húsasmiðjunnar sem fela
í sér lækkun á leigukjörum. Að
sögn Sigurðar var það ein af for-
sendunum sem settar voru í kaup-
ferlinu. Hann segir að eitt af því
fyrsta sem verði kannað nú eftir
að kaupin eru frágengin séu sam-
legðaráhrif milli Húsasmiðjunn-
ar og Bygma. „Við munum athuga
hvort við getum átt samstarf á
innkaupahliðinni, hvaða birgja
Bygma er með og hvernig við
getum nýtt sameiginlegan styrk.“
Sigurður var ráðinn forstjóri
Húsasmiðjunnar í byrjun árs 2010.
Hann mun gegna því starfi áfram
eftir að nýir eigendur taka við.
„Mitt verkefni var upphaflega að
fara í gegnum reksturinn, endur-
skipuleggja hann, fara í stefnu-
mótun og koma Húsasmiðjunni í
söluhæft ástand. Sú vinna gekk
vel og áhugi Bygma á að kaupa
fyrirtækið er viðurkenning á því.
Ég mun halda áfram að starfa að
þessu verkefni og nú munum við
einbeita okkur að því að sækja
fram á markaðinum með Bygma
sem traustan eiganda og bak-
hjarl.“ thordur@frettabladid.is
Borguðu 3,3 milljarða
fyrir Húsasmiðjuna
Bygma hefur gengið frá kaupum á Húsasmiðjunni. Ein af forsendunum fyrir
kaupunum var að endursamið yrði um leigukjör fyrirtækisins. Sigurður Arnar
Sigurðsson verður forstjóri áfram. Samlegðaráhrif fyrirtækjanna verða könnuð.
BYGMA Byggingavörukeðjan er með starfsemi í Danmörku, Svíþjóð, Færeyjum og nú á Íslandi. MYND/KRISTINN ÁSGEIRSSON
Sigurður segir nýja eigendur hafa lýst yfir mikilli
ánægju með vörumerkið Húsasmiðjuna og búið sé
að taka ákvörðun um að halda því nafni á starfsem-
inni.
Bygma Gruppen A/S veltir um 100 milljörðum
króna árlega og er með starfsemi í Danmörku,
Svíþjóð, Færeyjum og nú á Íslandi. Í fréttatilkynningu
vegna kaupanna er haft eftir Peter H. Christiansen,
forstjóra Bygma, að „kaupin á Húsasmiðjunni eru
einnig mikilvægur liður í því að vinna eftir þeirri
stefnu Bygma-samstæðunnar að starfa á öllum
Norðurlöndunum“.
Mun áfram heita Húsasmiðjan
SIGURÐUR ARNAR
SIGURÐSSON
PRÓSENT er hækkunin á verði hlutabréfa í Högum
á fyrstu tveimur viðskiptadögunum með bréfin. Bréfin
hækkuðu um 4,1% í gær.
23