Fréttablaðið - 20.12.2011, Blaðsíða 30

30 20. desember 2011 ÞRIÐJUDAGUR
3. PRENTUN
KOMIN
Þegar flugslys verða er orsak-anna oftar en ekki að leita
í röð atvika eða keðjuverkun
atvika (chain of events) þar sem
koma hefði mátt í veg fyrir slys-
ið ef keðjan hefði verið rofin í
tæka tíð.
Með þetta að leiðarljósi hefur
öryggisnefnd Félags íslenskra
atvinnuflugmanna (FÍA) beitt
sér fyrir því að flugbraut 07/25
á Keflavíkurflugvelli verði
opnuð að nýju í öryggisskyni og
sendi fyrir nokkrum árum frá
sér áskorun til þáverandi sam-
göngu- og utanríkisráðherra
ásamt tilkynningu til fjölmiðla
og hélt að lokum opinn fund í
samstarfi við stjórn FÍA um
málefni Keflavíkurflugvallar og
þá sérstaklega um braut 07/25. Á
fundinn mættu m.a. þáverandi
samgönguráðherra Sturla Böðv-
arsson, ráðuneytisstjóri sam-
gönguráðuneytisins og ýmsir
forsvarsmenn í flugmálum.
Áskorun öryggisnefndarinn-
ar var svohljóðandi: „Öryggis-
nefnd Félags íslenskra atvinnu-
flugmanna (ÖFÍA) vill beina
þeim tilmælum til samgöngu- og
utanríkisráðherra að flugbraut
07-25 á Keflavíkurflugvelli verði
opnuð hið fyrsta.
Nú þegar styttist í að flug-
braut 06-24 á Reykjavíkurflug-
velli verði lokað er brýnt út frá
flugöryggissjónarmiðum að
flugbraut 07-25 á Keflavíkur-
flugvelli sé opin.
Keflavíkurflugvöllur er aðal-,
vara- og öryggisflugvöllur fyrir
innan- og utanlandsflug lands-
manna og er því brýnt að áfram
sé opin flugbraut á suðvestur-
horni landsins sem nota má við
flugtök og lendingar í slæmum
suðvestan og norðaustan veðrum
og þannig fækka þeim tilvikum
þar sem flugáhafnir þurfa að
kljást við lendingar út við ystu
mörk getu flugvéla til lendinga í
hliðarvindi og vindhviðum.
Þá er Keflavíkurflugvöllur
vara- og öryggisflugvöllur fyrir
alla flugumferð yfir Norður-Atl-
antshafið. Hafa farþegaþotur
ítrekað þurft að lenda á Kefla-
víkurflugvelli vegna bilana í
hreyflum og annarra tæknibil-
ana og einnig vegna veikinda
farþega og hryðjuverkahótana.
Slík neyðartilvik gera ekki boð á
undan sér og koma upp við hvaða
veðurskilyrði sem er. Flugáhöfn
sem á í neyð vegna elds, hreyf-
ilbilunar eða annarrar þeirrar
bilunar sem skert getur stjórn-
hæfni flugvélarinnar á nóg með
að lenda slíkri vél þar sem vind-
ur er beint á braut svo ekki bæt-
ist við erfiður hliðarvindur.
Því eru það tilmæli öryggis-
nefndar FÍA að flugbraut 07-25 á
Keflavíkurflugvelli verði opnuð
í fullri lengd hið fyrsta með
ljósabúnaði og í það minnsta
VOR/DME aðflugi að hvorum
flugbrautarenda.“
Samgönguráðherra brást hratt
við þessari áskorun og ákvað að
brautin skyldi opnuð árið 2008
með 250 milljóna fjárframlagi
í samgönguáætlun 2007-2010
að fenginni umsögn þáverandi
flugmálastjóra, Þorgeirs Páls-
sonar, þar sem fram kom m.a.
þetta: „Opnun flugbrautar 07-25
á Keflavíkurflugvelli snýst
bæði um flugöryggi sem og hag-
kvæmni í flugrekstri. Ljóst er,
að miklu máli skiptir vegna flug-
öryggis, að ekki þurfi að lenda
við ýtrustu hliðarvindsaðstæð-
ur. Þetta á við í almennu flugi
og enn frekar, ef um er að ræða
neyðartilvik, þar sem erfitt eða
útilokað kann að vera að fljúga
til næsta varaflugvallar. Opnun
flugbrautarinnar mundi auka
nýtingarstuðul flugvallarins og
draga úr þörfinni fyrir að lenda
í miklum hliðarvindi, þá er
ljóst að hagkvæmni og áreiðan-
leiki í flugrekstri mundu einnig
aukast, sem skiptir miklu máli
fyrir samkeppnishæfni Kefla-
víkurflugvallar.“ Að endingu
sagði flugmálastjóri í umsögn
sinni, „Að framangreindum
ástæðum tekur Flugmálastjórn
að fullu undir þau sjónarmið,
sem fram koma í bréfi öryggis-
nefndar FÍA um að brýnt sé að
flugbraut 07-25 á Keflavíkur-
flugvelli sé opnuð á ný.“
Síðan verða ríkisstjórnar-
skipti og nýr samgönguráðherra,
Kristján Möller, virðist hafa
aðra sýn á flugöryggismálum á
Keflavíkurflugvelli en öryggis-
nefnd FÍA og Flugmálastjórn,
þar sem skyndilega er ákvörð-
un um opnun flugbrautarinnar
kippt út úr samgönguáætlun og
fjármununum væntanlega ráð-
stafað í eitthvað annað, hugs-
anlega í Akureyrarflugvöll í
heimahéraði ráðherrans þar sem
skyndilega hófust miklar fram-
kvæmdir við flugvöllinn í ráð-
herratíð hans.
Í drögum að nýrri fjögurra
ára samgönguáætlun, 2011-2014,
er hvergi vikið að opnun flug-
brautar 07/25, þrátt fyrir að
öryggisnefnd FÍA hafi endurnýj-
að áskorun sína til innanríkis-
ráðherra og samgönguráðs þann
21.okt. sl., en fyrir Keflavíkur-
flugvöll í liðnum stofnkostnaður
og viðhald er gert ráð fyrir 0 kr.
næstu fjögur árin.
Í samgönguáætluninni er þó
gert er ráð fyrir að Keflavíkur-
flugvöllur verði sjálfbær árið
2012 þannig að þjónustugjöld
standi undir rekstri flugvallarins
og framkvæmdum á honum en
ríkinu þó heimilt að styrkja þjón-
ustu á honum í almannaþágu.
Því liggur það væntanlega á
herðum rekstraraðila flugvall-
arins, Isavia, að tryggja opnun
flugbrautar 07/25 og auka þann-
ig flugöryggi á flugvellinum.
Miklum fjármunum hefur verið
varið í aðstöðu til verslunar og
þjónustu ásamt flugvernd í flug-
stöðinni á Keflavíkurflugvelli,
en fyrir löngu er tímabært að
tryggja frekara öryggi úti á flug-
brautunum enda þekkt að flest
flugslys verða við flugtök og
lendingar.
Oft hafa menn sloppið með
skrekkinn við tilraun til hliðar-
vindslendinga í slæmum suðvest-
anveðrum við mörk getu vélanna
og jafnvel á hálum flugbrautum
stundum þannig að farþegar hafa
þurft áfallahjálp á eftir, en ekki
er víst að lukkan verði alltaf með
í för.
Keflavíkurflugvöllur er þekkt-
ur fyrir erfiðar veðuraðstæður
hjá flugvélaframleiðendum sem
senda nýjar flugvélategundir
hingað til tilrauna við erfiðustu
aðstæður sem völ er á til hliðar-
vindslendinga og sífellt fleiri
flugfélög eru að hefja áætlunar-
flug til vallarins þar sem kannski
er ekki sama reynsla til staðar til
flugs við jafn krefjandi veðurað-
stæður og geta orðið á Keflavík-
urflugvelli.
Verði flugslys á Keflavíkur-
flugvelli, sem hefði mátt koma í
veg fyrir með opinni flugbraut
07/25, þá verða aðgerðir eða frek-
ar aðgerðarleysi þeirra sem með
ábyrgðina fara dregnar fram
í dagsljósið og spurt af hverju
ekki var gripið inní keðjuverk-
un atvika í tíma og keðjan rofin,
fyrsti hlekkurinn sem rjúfa þarf
er að opna braut 07/25.
Flugbraut 07/25 á Keflavíkurflugvelli
Hinn sanni jólaandi
og jógaiðkun
Jólin nálgast óðum. Mér finnst ég stundum vera í kapphlaupi
við tímann fyrir jólin. En þar sem
ég er svo rík að búa yfir daglegri
hugleiðsluiðkun, þá staldra ég við
á hverjum morgni og anda að mér
jólailminum innra með mér. Og
þrátt fyrir að dagurinn sé stund-
um tóm hlaup og mikið að gera þá
er oftast einhver hluti af mér sem
man eftir innra rými sem er mun
stærra en stærsta Bónusverslun
eða umferðaráin sem lötrast eftir
Miklubrautinni. Það er þrátt fyrir
allt mjög nærandi.
Ég bý líka við þau forréttindi
mitt í jólaamstrinu að búa með
litlum anga sem gefur mér inn-
sýn inn í töfraveröld jólanna með
opnum huga og gleði yfir litlum
hlutum. Eins og púslinu sem hann
fær á hverjum morgni í jóladaga-
talinu sem við keyptum í Ikea. Og
hann minnir mig á þennan hluta
í mér sem kunni að njóta þess
sem við lærum síðar að líta á sem
sjálfsagðan hlut. Og sem kunni að
gleðjast yfir litlu.
Jólin eru hátíð barnanna og
barnsins sem býr innra með okkur
öllum. Og við fullorðna fólkið sem
eigum það til að gleyma töfrunum
sem búa í núinu getum eftir sem
áður rifjað það upp í gegnum augu
barnanna okkar – ef við gefum
okkur tíma til þess.
Á jólunum höldum við hátíð
ljóssins og fögnum því að sólin
tekur að rísa hærra og hærra með
hverjum degi úr hyldýpi myrkurs-
ins. Ljósið fæðist enn á ný og sigr-
ar myrkrið. Eftir það tekur dag-
inn að lengja hröðum og öruggum
skrefum.
Um leið og fæðing Jesú er tákn
fyrir þessa fæðingu ljóssins á
nýju ári þá táknar hún líka fæð-
ingu okkar eigin vitundar. Fæð-
ingu ljóssins sem við geymum
innra með okkur. Stundum nefnt
Kristsvitund. Jógaiðkun hefur
þann tilgang æðstan að vekja
þessa meðvitund og kveikja þann-
ig á ljósinu innra með okkur. Jóga
þýðir sameining – samruni huga,
líkama og sálar. Í gegnum jóga-
iðkun og hugleiðslu lærum við að
upplifa óendanleikann innra með
okkur sjálfum. Ef við leyfum hug-
anum reglulega að upplifa óend-
anlegan sjóndeildarhring þá er
auðveldara að sjá stóru myndina
í öllum samskiptum og lífið verð-
ur einfaldara.
Við búum flest við mikinn
hraða og álag. Við slíkar aðstæð-
ur er nauðsynlegt að kunna að
hlaða batteríin og rækta með sér
leiðir til að styrkja allar hliðar
þess að vera manneskja. Það er
ekki nóg að stunda líkamsrækt
og byggja upp vöðvamassa ef við
erum síðan í ójafnvægi og eigum
erfitt með að höndla daglegt líf.
Kundalini jóga er ævagam-
alt form af jóga sem hefur notið
sívaxandi vinsælda um allan
heim. Þetta jógaform er aðeins
nýkynnt hér á landi en hefur nú
þegar öðlast stóran aðdáenda-
hóp. Kundalini jóga byggir á mjög
markvissri tækni sem hjálpar
okkur að standa sterk í gegnum
álag og komast í snertingu við
kyrrðina innra með okkur á fljót-
virkan hátt.
Með því að iðka Kundalini
jóga fáum við tæki til þess að
koma jafnvægi á innkirtlastarf-
semina, styrkja taugarnar, auka
lungnaþol og hreinsa blóðið. Við
lærum að öðlast jákvæða, sjálfs-
eflandi hugsun og byggja með
okkur innri styrk svo við getum
náð árangri í lífinu hvort sem
er í samskiptum eða verkefnum
hversdagsins.
Ef við nýtum okkur þau verk-
færi sem jóga getur fært okkur
þá eigum við auðveldara með að
tengja við það sem skiptir máli og
njóta þess að vera með fjölskyld-
unni okkar hvort sem er um jól
eða páska – eða á venjulegum
mánudegi.
Þegar við skoðum jólin í þessu
ljósi, þá verður það kannski skýr-
ara fyrir okkur hvernig jólahátíð-
in getur dregið fram það besta í
okkur. Kristur gaf okkur fyrir-
mynd til að lifa eftir – ekki til að
við tilbæðum hann, heldur til að
sýna okkur hvað við getum verið
ef við gerum okkar besta.
Ef við kunnum leiðir til að
tengja við þennan hluta okkur
sjálf getum við glatt okkar nán-
ustu og lýst upp okkar eigin með-
vitund. Við getum kannski byrjað
á að leggja aðeins minni áherslu á
að gefa efnislegar gjafir og meiri
áherslu á að vekja okkar innri
mann. Við getum um jólin hugs-
að um að gefa gjafir eins og gagn-
kvæman skilning, fyrirgefningu
og umburðarlyndi. Í stað þess
að hlaupa milli búða gætum við
þjappað saman orkunni okkar og
leitað djúpt innra með okkur eftir
innri friði og ljósi Kristsvitundar
okkar. Það sem endurspeglast í
þessum gjöfum er fullkomin gjöf
til fjölskyldu, vina og samfélags-
ins. Þá komumst við kannski í
snertingu við hina sönnu jólagleði.
Jólin
Guðrún
Darshan
kundalini jógakennari
og hómópati
Ljósið fæðist
enn á ný og
sigrar myrkrið. Eftir það
tekur daginn að lengja
hröðum og öruggum
skrefum.
Flugöryggi
Jakob
Ólafsson
flugstjóri hjá
Landhelgisgæslu
Íslands
Þá er Keflavíkurflugvöllur vara- og
öryggisflugvöllur fyrir alla flugumferð
yfir Norður-Atlantshafið. Hafa farþega-
þotur ítrekað þurft að lenda á Keflavíkurflugvelli
vegna bilana í hreyflum og annarra tæknibilana og
einnig vegna veikinda farþega og hryðjuverkahótana.
Slík neyðartilvik gera ekki boð á undan sér og koma
upp við hvaða veðurskilyrði sem er.