Morgunblaðið - 14.08.2010, Page 18

SVIPMYND
Hjalti Geir Erlendsson
hjaltigeir@mbl.is
„Það er lykilatriði að hreyfa sig nóg og hætta því
ekki þó svo að árin færist yfir,“ segir Magnús Þór
Helgason, fyrrverandi ökukennari, glaður í
bragði. Hann segir góða heilsu sína byggjast á
kröftugum göngutúrum árla dags, lífsgleði og
léttri lund. Magnús Þór er fæddur frostaveturs-
árið 1918 og verður 92 ára gamall á morgun,
sunnudaginn 15. ágúst.
Eiginkona Magnúsar Þórs lést fyrir nokkrum
árum en hann lætur það ekki á sig fá þótt hann
þurfi að búa einn.
Kann best við sig í Boss
Blaðamaður mælti sér mót við Magnús á tann-
læknastofu Inga Gunnlaugssonar í Hafnarfirði en
Magnús Þór og Ingi eru góðir vinir til margra ára
þrátt fyrir þó nokkurn aldursmun. Magnús var vel
til hafður og sat beinn í baki en hann segist aðeins
klæðast fyrsta flokks fötum. Helst sé það fatnaður
frá hinu þýska HUGO BOSS sem sé í uppáhaldi
og jafnvel sokkarnir séu þaðan.
Ingi bætir því við að það sé engu líkara en
greifablóð renni um æðar Magnúsar Þórs því
karlinn sé alltaf svo flottur. Hann er þó enginn
spjátrungur því hógværð metur hann mikils.
Magnús Þór er nýkominn úr hringferð um land-
ið. Tilgangur ferðarinnar var ekki að skoða landið
heldur að njóta akstursins. Hann er með ólækn-
andi bíladellu að eigin sögn en hann hefur verið
með ökuréttindi síðan árið 1937.
Magnús Þór ók hringveginn einsamall á þrem-
ur dögum, með viðkomu á Akureyri og á Egils-
stöðum. „Fyrri hluta ferðarinnar fór ég rólega yf-
ir en svo keyrði ég í einum rykk frá Egilsstöðum
og heim til Keflavíkur.“
Hann starfaði lengi við bifreiðarrakstur og var
til dæmis vörubílstjóri um 22 ára skeið. Eftir að
hann hætti vörubifreiðarakstri vann Magnús Þór
sem verkstjóri hjá Keflavíkurbæ í 16 ár og einnig
um tíma sem ökukennari.
Ást við fyrstu sýn
Hann festi í vikunni kaup á glænýjum eðalvagni
af Hondu-gerð. „Lengi vel ók ég aðeins Saab og
ég átti slíka bíla í 40 ár en svo var ég hálfnarraður
út í að kaupa Hondu fyrir fjórum árum og það var
ást við fyrstu sýn,“ segir Magnús Þór sem skiptir
oft um bíla en nýi bílinn er sá þriðji á jafnmörgum
árum. Sífellt koma einhverjar nýjungar sem heilla
og svo er leðurlyktin alltaf jafn tælandi segir hann
og hlær. Hann býst þó ekki við að skipta oftar um
bíl í þessu lífi.
„Ég treysti því að ég fái úr mörgum bílateg-
undum að velja hjá Drottni. Það væri agalegt ef
þar væri eintómir Trabantar,“ segir Magnús Þór
því þá vilji hann fresta himnaförinni sem lengst.
Þéttsetinn bíll með unglingsdrengjum átti leið
hjá þegar Magnús Þór sýndi blaðamanni hinn
nýja eðalvagn. Það var augljóst að bíllinn féll í
kramið því strákarnir hreinlega göptu af hrifn-
ingu við að sjá þennan töffaralega bíl sem merkt-
ur er einkanúmerinu „M. Þór“.
Magnús Þór er búsettur í Hornbjargi í Keflavík
en Suðurnesin hafa verið hans heimavöllur síðan
hann flutti þangað á fermingarárinu. Hann á tvo
syni og eina dóttur sem öll hafa erft bíladellu föð-
ur síns.
Dansar í hverri viku
Hann hefur alla tíð lagt mikið upp úr hreyfingu
þótt hann hafi aldrei verið mikill íþróttamaður
sjálfur. „Ég æfði glímu með Ármanni sem ungur
drengur en hætti því þegar ég flutti á Suð-
urnesin.“
Nú gengur hann minnst þrisvar í viku og gerir
leikfimisæfingar í framhaldinu. „Ég fer svo viku-
lega á Nesvelli í Keflavík þar sem við gamla fólkið
dönsum saman,“ segir Magnús Þór. Aðallega séu
það gömlu dansarnir en einnig samkvæmisdansar
og línudans.
„Ég fæ að dansa við allar frúrnar því ekkert
nenna þeir að dansa karlarnir,“ segir hann kank-
vís. Hann segir dans holla íþrótt því hann haldi
líkamanum mjúkum. „Svo er bara svo ljúft að að
sveifla fögrum konum.“
Níræður töffari á níutíu
Morgunblaðið/Eggert
Frískur Magnús Þór Helgason úr Keflavík lætur hringveginn ekki vefjast fyrir sér þó svo hann sé kominn á tíræðisaldur. Hann brunar um þjóðveginn á
glænýrri og vel útbúinni bifreið af gerðinni Honda Accord og er með einkanúmerið M Þór en það fékk hann sér þegar hann varð níræður árið 2008.
 Fer í gönguferðir, iðkar leikfimi og dansar við fagrar konur  Festi kaup á
glænýjum bíl 92 ára  Kann best við sig í fatnaði frá Boss og á nýbónuðum bíl
18 FréttirINNLENT
MORGUNBLAÐIÐ LAUGARDAGUR 14. ÁGÚST 2010
Jónas Margeir Ingólfsson
jonasmargeir@mbl.is
Stjórnlaganefnd hefur ákveðið að halda þjóðfund
um stjórnarskrá helgina 6.-7. nóvember 2010.
Stjórnlaganefnd var falið með lögum nr. 90/2010
að kalla saman þjóðfund þar sem miða skal við að
þátttakendur verði um eitt þúsund talsins. Þeir
verða valdir með slembiúrtaki þar sem þó verður
gætt að eðlilegri skiptingu þátttakenda af land-
inu öllu og að kynjaskipting verði sem jöfnust.
Guðrún Pétursdóttir, formaður stjórnlaga-
nefndar, segir þjóðfundinn lið í endurskoðun á
stjórnarskrá og undanfara stjórnlagaþings.
„Eins og allir vita stendur til gagnger skoðun á
stjórnarskránni og til þess verður kosið sérstakt
stjórnlagaþing sem ekki hefur verið gert fyrr.
Stjórnlagaþingið verður kosið í nóvember en
stjórnlaganefndinni er ætlað að undirbúa starf
stjórnlagaþingsins,“ segir Guðrún sem kveður
lið í þessum undirbúningi vera að leitast við að fá
fram grundvallarsjónarmið landsmanna.
„Það hefur aldrei verið gert áður og heldur
ekki annars staðar. Það vekur athygli langt út
fyrir landsteinana. Meðal annars hafa vísinda-
menn við stjórnsýslustofnanir og rann-
sóknastofnanir í stjórnsýslu boðað komu sína
hingað, þannig að þetta þykir mjög spennandi
tilraun sem Íslendingar eru að gera,“ segir Guð-
rún en fjölmennur þjóðfundur sem haldinn var í
Laugardalshöll árið 2009 vakti einnig töluverða
athygli.
„Sá fundur var undirbúinn af mikilli kostgæfni
og við getum margt lært af því. Við höfum leitað
til hópsins sem hélt þann fund og þeir hafa verið
ákaflega viljugir til að miðla reynslu sinni. Á
fyrsta fund stjórnlaganefndar komu fulltrúar
þeirra. Við leitum í smiðju þeirra en þessi fundur
er mjög ólíkur hinum,“ segir Guðrún sem kveður
þjóðfundinn 2009 hafa rætt gildi þjóðarinnar en
þessi fundur þurfi að fjalla um afmarkaðra mál-
efni.
„Við viljum samt ekki stýra umræðunum
þannig að fundinum verður skipt upp í meginefni
en undir hverju efni eru mörg umræðuefni, en
svo ræðst það af þátttakendum á hverju borði
hvaða umræðuefni verða helst á dagskrá þar.
Þetta verða hundrað borð að minnsta kosti.“
Þjóðfundur um stjórnarskrármálefni
 Stjórnlaganefnd hefur boðað þjóðfund um málefni stjórnarskrárinnar 6.-7. nóvember  Leitað
í smiðju hópsins sem annaðist skipulagningu þjóðfundarins 2009  Vekur athygli utan landsteina
Morgunblaðið/Kristinn
Málefni Þjóðfundurinn 2009 vakti mikla athygli.
Þjóðfundur
» Alþingi ákvað með lögum nr
90 frá árinu 2010 að skipa
stjórnlaganefnd til undirbúa
stjórnlagaþingið.
» Meðal hlutverka nefnd-
arinnar er að halda þjóðfund
sem fjalla skal um málefni
stjórnarskrárinnar.
» Nefndina skipa Guðrún Pét-
ursdóttir, formaður, Að-
alheiður
Ámundadóttir, Ágúst Þór
Árnason, Björg Thorarensen,
Ellý Katrín Guðmundsdóttir,
Njörður P. Njarðvík og Skúli
Magnússon.
Sjómaður sem áhöfn þyrlu Land-
helgisgæslunnar, TF LIF, sótti í
nótt var ekki jafn alvarlega veikur
og talið var í fyrstu. Sjúkraflugið
tók tæpar fimm klukkustundir og
vegalengdin var 510 sjómílur. Flug-
vél frá Mýflugi flaug með þyrlunni.
„Hlutverk fylgdarflugvélarinnar
er að halda uppi stöðugum fjar-
skiptum þegar þyrlan er komin
svona langt frá fjarskiptamiðstöð
og sömuleiðis að stytta viðbragðs-
tíma ef eitthvað kemur fyrir þyrl-
una,“ segir Thorben Lund, yfir-
stýrimaður flugdeildar
Landhelgisgæslunnar. Flugvélin
hafi líka það hlutverk að finna
bestu loftlögin til að fljúga í á
lengri ferðum. Samkvæmt reglum
þurfi flugvél að fylgja þyrlunni þeg-
ar farið sé lengra en 150 sjómílur
frá landi.
Fer lengst 235 sjómílur
„Það lengsta sem þyrlan getur
farið er 235 sjómílur frá landi. Það
jafngildir um tveggja klukkustunda
flugi að áfangastað,“ segir Thorben.
Þar að auki sé reiknað með um 40
mínútum á vettvangi. Þegar heim
sé komið sé jafnframt áskilið af ör-
yggisástæðum að þyrlan hafi elds-
neyti sem dugi í 40 mínútna flug.
Þegar aðeins ein vakt er mönnuð
hjá Gæslunni, eins og stundum vill
verða sökum manneklu og fjár-
skorts, má þyrlan ekki fara lengra
út á haf en svarar 20 sjómílum.
„Það er aðallega svo einhver geti
komið og náð í okkur ef við förum í
sjóinn,“ segir Thorben. Þyrlur séu
ekki öruggustu flugtækin þó svo
þær henti vel til björgunarverk-
efna. hjaltigeir@mbl.is
Reyndi á
þolmörk
þyrlunnar
Flugvélin fór með
til halds og trausts
Starfsfólki umboðsmanns skuldara
verður fjölgað á næstu vikum og
ráðist í kynningu á embættinu og
hlutverki þess.
Á vef félagsmálaráðuneytis er
haft eftir Ástu S. Helgadóttir, um-
boðsmanni skuldara, að margir
muni leita til embættisins á næstu
vikum og mánuðum, meðal annars
til að nýta sér úrræði sem felast í
nýjum lögum og lagabreytingum
sem tóku gildi 1. ágúst síðastlið-
inn.
Fleiri störf hjá um-
boðsmanni skuldara