Morgunblaðið - 25.08.2010, Blaðsíða 10

MORGUNBLAÐIÐ MIÐVIKUDAGUR 25. ÁGÚST 2010
10 Daglegt líf
Ingveldur Geirsdóttir
ingveldur@mbl.is
Ég smíðaði fyrsta lang-spilið mitt 2003-2004. Þávar tónlistarkennarihérna frá Eistlandi sem
langaði svo í íslenskt langspil að
hann bað mig um að smíða eitt
slíkt,“ segir Jón, spurður hvenær
hann byrjaði á hljóðfærasmíðinni.
„Þessi tónlistarkennari kom
með mikla flóru af hljóðfærum
með sér sem heilluðu mig. Ég
hafði ekki efni á að kaupa mér
hljóðfærin tilbúin þannig að eftir
fyrsta langspilið fór ég bara að
prófa að smíða það sem mig lang-
aði í,“ segir Jón sem var á þeim ár-
um smíðakennari í grunnskól-
anum. Í dag kennir hann tónmennt
í skólanum, er sundlaugarvörður
og sér um félagsheimilið á Þing-
eyri ásamt konu sinni Rakel
Brynjólfsdóttur, sem er kennari í
grunnskólanum.
Jón er sjálfmenntaður í tón-
listinni sem og í smíðunum. Hann
er nú með verkstæði í bílskúrnum
heima hjá sér og hefur smíðað ansi
mörg hljóðfæri síðan fyrsta lang-
spil hans leit dagsins ljós.
„Ætli ég sé ekki búinn að
smíða tíu til fimmtán langspil, eina
íslenska fiðlu, saxonlýru sem er
víkingahljóðfæri, salalaika frá
Rússlandi, dulcimer sem er amer-
ískt hljóðfæri, ýmsar lýrur og
flautur. Ég fæ fyrirmyndirnar af
netinu og það bara myndir, ég hef
engar teikningar að neinum af
þessum hljóðfærum, þetta er bara
smíðað eftir auganu.
Erfiðast finnst mér að smíða
Smíðar hljóðfæri
eftir auganu
Jón Sigurðsson heitir íbúi einn á Þingeyri. Hann dundar sér við að smíða
hljóðfæri í tómstundum og fór nýverið að selja íslensk langspil í hljóðfærabúð
í Reykjavík. Jón er heillaður af hljóðfæraflóru heimsins og smíðar það sem
hann langar til að eignast.
Morgunblaðið/Kristinn
Listasmíð Jón reynir að hafa langspilin sín sem líkust þeim gömlu íslensku.
Safnið Hluta hljóðfærasafns Jóns stillt upp í sófanum heima á Þingeyri.
Vefur Námsgagnastofnunar er ekki
aðeins fyrir kennara, þar er líka
margt að skoða fyrir foreldra og
námsmenn á öllum aldri. Til dæmis er
hægt að sjá hvaða námsefni er í
vinnslu og hlaða niður hljóðbókum
með almennu námsefni án endur-
gjalds.
Á vefnum er hægt að fara inn á
mjög skemmtilegar síður með fullt af
kennsluefni fyrir börn og unglinga
sem hægt er að vinna í tölvunni. Síð-
urnar nefnast krakkasíður og ung-
lingasíður. Fyrir krakkana eru léttir
leikir sem ættu að auðvelda börnum
að læra íslensku og að lesa, þar er
einnig landafræði, myndlist og nátt-
úrufræði og einmitt þar undir má
finna hinn fína fuglavef Náms-
gagnastofnunar. Þar má sjá allar
fuglategundir á Íslandi og lesa helstu
upplýsingar um þær. Fuglavefurinn er
mjög vel uppsettur og áhugaverður
fyrir alla að skoða.
Á unglingasíðunni er meðal annars
kennsluefni í ensku og dönsku,
landafræði og stærðfræði. Allt þetta
kennsluefni er sett upp á skemmti-
legan, litríkan og einfaldan hátt í svo-
litlum tölvuleikjastíl svo það ætti
auðveldlega að kveikja áhugann á
námsefninu.
Vefsíðan www.nams.is
Morgunblaðið/Eggert
Á heimleið Það er gagnlegt efni fyrir öll skólabörn á síðunni Nams.is.
Það er leikur að læra
Endurmenntun Háskóla Íslands býður
upp á yfir fjörutíu námskeið á haust-
misseri. Þar kennir ýmissa grasa, svo
sem saga Prússlands, saga leiklistar-
innar og annað um sögu bresku kon-
ungsættarinnar. Tónlistarnámskeið þar
sem Wagner, blásarasveitir og djass
koma við sögu. Námskeið um súkkulaði,
litlu fröken Reykjavík og kvíða barna og
unglinga má einnig finna í framboðinu.
Íslendingasögunámskeiðið fjallar að
þessu sinni um sjálfa Brennu-Njáls sögu.
Námskeið Endurmenntunar eru öllum
opin, óháð fyrri menntun.
Nánari upplýsingar og skráning á nám-
skeiðin er á endurmenntun.is.
Endilega …
… skráið ykkur
á námskeið
Morgunblaðið/Arnaldur
Í boði Námskeið um súkkulaði.
Kristín Heiða Kristinsdóttir
khk@mbl.is
„Við hvetjum alla sem áhuga hafa til að
koma og dansa, þetta verður rosalega
gaman. Og það er mikil tilhlökkun hjá
okkur að fá alla þessa erlendu gesta-
kennara,“ segir Ólöf Ingólfsdóttir en
hún er meðlimur í Tangófélaginu, félagi
áhugafólks um tangó.
Félagið blæs nú til tangóhátíðar sem
hefst á morgun og kallast Tango on
Iceland 2010 – Nordic Focus.
„Við höfum verið með tangóhátíðir ár-
lega frá því árið 2003 en núna erum
við með sérstaka áherslu á tengingu
við Norðurlöndin, til að byggja upp
samstarf við kennara og tangó-
samfélög þar, en tangósamfélög finn-
ast um allan heim. Það er skemmtilegt
að kynnast tangódönsurum frá öðrum
löndum en svona hátíð er kjörinn vett-
vangur til þess. Tangódansarar ferðast
mikið í þeim tilgangi að vera með á
tangóhátíðum og þeir eru kallaðir
tangótúristar en við eigum einmitt von
á mörgum erlendum gestum á hátíð-
ina.
Tangódansarar ferðast mikið á milli
Norðurlandanna til að dansa og það er
til dæmis mikið dansað í Malmö og
Kaupmannahöfn enda stutt að fara þar
á milli. Þeir sem stunda tangó ferðast
líka til Buenos Aires í Argentínu, þaðan
sem tangóinn kemur, til að fá þetta
beint í æð og kynnast tangóinum í upp-
runalega umhverfinu,“ segir Ólöf sem
einmitt fór þangað í vetur í fyrsta sinn
og segir það hafa verið mikla upplifun.
„Argentínski tangóinn verður stöðugt
vinsælli um víða veröld, kannski vegna
þess að það er svo mikið frelsi innan
formsins, fólk lærir grunnatriði og
spor en svo er spunnið voða mikið í
dansinum. Þegar horft er yfir dansgólf
þar sem allir dansa argentínskan
tangó þá getur stíllinn verið mjög ólík-
ur.“
Gestakennarar frá Argentínu
og Norðurlöndum
Miðstöð tangóhátíðarinnar verður í
Iðnó við Reykjavíkurtjörn og þar verð-
ur mikið dansað þessa fjóra daga sem
hátíðin stendur yfir.
„Á morgun, fimmtudagskvöld,
verða tónleikar frá klukkan níu til tíu
með tangóhljómsveitinni Silencio og
söngvaranum Omar Fernandez, en
þeir eru sérstakir gestir hátíðarinnar.
Eftir tónleikana verður ball en þessi
hljómsveit ætlar líka að spila á sér-
stöku tangóballi sem verður á laugar-
dagskvöldið. Á föstudagskvöldinu
ætlar aftur á móti danskur tangó-
plötusnúður að sjá um tónlistina und-
ir dansinum.“
Ólöf segir að erlendu kennararnir
ætli að sýna tilþrif á dansgólfinu bæði
á föstudags- og laugardagskvöldinu
og slík sýning gleðji augu fólks, hvort
sem það dansar sjálft tangó eða ekki.
„Við segjum að suðrið og norðrið
mætist á þessari hátíð því gestakenn-
ararnir okkar koma bæði frá Argent-
ínu og Norðurlöndunum. Þetta eru
þau Carolina og Donato frá Buenos Ai-
res, Daniel og Anna frá Malmö, Mette
og Martin frá Kaupmannahöfn og Riku
og Samira frá Gautaborg.“
Dansað verður bæði síðdegis og á
kvöldin og öllum er velkomið að koma
og horfa eða dansa sér til ánægju á
tangódansleikjunum á föstudags- eða
laugardagskvöld, en þeir sem hafa
áhuga á að sækja námskeið þurfa aft-
ur á móti að skrá sig, en uppselt er á
öll námskeiðin hjá gestakennurunum
nema byrjendanámskeiðið, þar eru
enn laus pláss.
Ólöf segir að íslenskum tangódöns-
urum sé alltaf að fjölga og hátíðin gefi
þeim kærkomið tækifæri til að auka
færni sína undir leiðsögn erlendu
kennaranna.
„Fólki fer mikið fram á svona hátíð,
þetta skilar svo miklu til lengri tíma.
En svona hátíð er ekki síður fyrir þá
sem hafa einfaldlega áhuga á að
kynna sér argentínskan tangó.
Við endum þetta á tangóballi á veit-
ingastaðnum í Bláa lóninu á sunnu-
dagskvöld, förum fyrst í lónið til að
hvíla okkur eftir allan dansinn dagana
á undan, borðum góðan mat og stíg-
um svo tangódansinn sem aldrei fyrr,“
segir Ólöf og bætir við að fólk þurfi að
skrá sig ef það vill taka þátt í loka-
kvöldinu.
Suður og norður mætast á tangóhátíð sem hefst á morgun
Dansa tangó í fjóra daga samfleytt
Morgunblaðið/Golli
Sjóðheitt Tangó er einstaklega þokkafullur dans að horfa á sem og dansa.
Dagskrá hátíðarinnar er að finna á
heimasíðu Tangófélagsins,
www.tango.is